இறப்புக்கு பின் கூகுள் கணக்கினை அழிக்க மற்றும் தகவல்களை மாற்ற - Inactive Account Manager

♠ Posted by Kumaresan Rajendran in EMAIL,GOOGLE,ஆன்லைன்,கூகுள்+,ஜி-மெயில்

இணையப்பயன்பாட்டில் அனைத்து இணைய பயனாளர்களும் ஏதோ ஒரு வகையில் கூகுளில் வசதியை பெற்று வருகிறனர். குறிப்பாக ப்ளாக், யூடுப், ஜிமெயில் , கூகுள் ப்ளஸ் மற்றும் பல்வேறு வசதிகளை பெறுகிறனர். பெரும்பாலும் இந்த வசதிகளை அனுக கூகுள் கணக்கு தேவைப்படும். 

இவ்வாறு காலம் காலமாக பயன்படுத்தி வரும் கூகுள் கணக்கு நாம் இறந்த பின் என்னவாகும். நம்முடைய கடவுச்சொல் தெரிந்தால் மட்டுமே அந்த கணக்கினை கையாள முடியும். இதற்கு பதிலாக நாம் ஒரு குறிப்பிட்ட காலம் பயன்படுத்தாமல் இருந்தால் நம்முடைய கூகுள் கணக்கில் உள்ள தகவல்கள் அனைத்தையும் வேறு மின்னஞ்சலுக்கு கூகுளே அனுப்பிவிடும். 

இவ்வாறு செய்வதனால் நமக்கு பின் நாம் பாதுகாப்பாக வைத்திருக்கும் தகவல்கள் அழியாமல் பாதுகாத்துக்கொள்ள முடியும். 

Inactive Account Manager  வசதியினை எனேபிள் செய்தால் மட்டுமே கூகுள் நீங்கள் குறிப்பிடும் மின்னஞ்சல் முகவரிக்கு தகவல்களை அனுப்பி வைக்கும்.

Inactive Account Manager வசதியினை எனேபிள் செய்ய முதலில் உங்கள் கூகுள் கணக்கில் உள்நுழைந்து கொள்ளவும். பின் Account Settings செல்லவும்.

Account Settings செல்ல சுட்டி 

பின் Account Management என்னும் பட்டையின் கீழ் உள்ள Learn more and go to setup தேர்வினை கிளிக் செய்யவும்.

 இல்லையெனில் நேரடியாக Inactive Account Manager  செல்ல இங்கு கிளிக் செய்யவும். 

கிளிக் செய்தவுடன்  தோன்றும் விண்டோவில் Setup என்னும் பொத்தானை அழுத்தவும்.

நீங்கள் அடுத்து தோன்றும் விண்டோவில் Add mobile phone number என்பதை கிளிக் செய்து மொபைல் எண்னை உள்ளிடவும். அந்த மொபைல் எண்னிற்கு கடவுச்சொல் அனுப்பி வைக்கப்படும் அதை உள்ளிட்டு மொபைல் எண்னை உறுதிபடுத்திக்கொள்ளவும். பின் Add alternative email என்னும் தேர்வினை அழுத்தி மின்னஞ்சல் முகவரியையும் இணைத்துக்கொள்ளவும்.

ஸ்குரோல் செய்து விண்டோவினை கீழிறக்கவும். அதில் எவ்வளவு காலம் நீங்கள் கூகுள் கணக்கை பயன்படுத்தாமல் இருந்தால் , கூகுள் கணக்கில் உள்ள தகவல்களை நீங்கள் குறிப்பிட்ட மின்னஞ்சல் முகவரிக்கு உங்களுடைய கோப்புகளை  கூகுள் அனுப்ப வேண்டும் என்று குறிப்பிடவும். 3,6,9 மாதம் அல்லது 1 வருடம் என்று குறிப்பிட்டு கொள்ளலாம்.  அதற்கேற்ப Timeout Period மாறும். 3 மாதம் என்றால் 1 மாதமாகவும், 6,9 மாதம் என்றால் 2 மாதமாகவும், 1 வருடம் என்றால் 3 மாதமாகவும் இருக்கும். 

இந்த Timeout Period என்பது உங்கள் கூகுள் கணக்கினை அழிக்கும் முன்னரோ அல்லது தகவல்களை நீங்கள் குறிப்பிட்ட மின்னஞ்சல் முகவரிக்கு அனுப்பும் முன்னர்,  தொலைபேசி எண்னுக்கும், மின்னஞ்சல் முகவரிக்கும் தகவல் அனுப்பும் காலத்தை குறிப்பிடும். அதாவது உங்கள் கணக்கினை அழிக்கும் முன்னர் தகவல் அனுப்பபடும்.அதற்கு பின் கூகுள் குறிப்பிட்ட காலத்தில் உங்கள் கூகுள் கணக்கு ஒப்பன் செய்யபடவில்லையெனில் கூகுள் இந்த வசதியை செயல்படுத்திவிடும்.

நீங்கள் எந்த மின்னஞ்சல் முகவரிக்கு அனைத்து கூகுள் கணக்கு தொடர்பான தகவல்களை அனுப்ப விரும்புகீறீர்களோ அதனை குறிப்பிட்டு மின்னஞ்சல் முகவரியினை சேமித்துக்கொள்ளவும்.

தகவல்களை வேறு மின்னஞ்சல் முகவரிக்கு அனுப்ப வேண்டாம் அதற்கு பதில் கூகுள் கணக்கினை நிரந்தரமாக அழித்துவிடலாம் என்றால், Delete my account என்பதற்கு எதிரே உள்ள பொத்தானை அழுத்தி Yes என்று தேர்வு செய்து கொள்ளவும். 

பின் இறுதியாக எனேபிள் பொத்தானை அழுத்தி நீங்கள் Inactive Account Manager  வசதியினை உங்கள் கூகுள் கணக்கில் ஏற்படுத்திக்கொள்ள முடியும்.

மேலும் வாசிக்க..,

கடவுச்சொல்லுடன் கூடிய மின்னஞ்சல்களை அனுப்ப - LOCKBIN

♠ Posted by Kumaresan Rajendran in EMAIL,ஆன்லைன்

ஈமெயில் அனுப்ப பல்வேறு தளங்கள் உதவிசெய்கிறன, அதில் மிகவும் பிரபலமான தளங்கள் யாஹு, ஜிமெயில், ஹாட்மெயில் போன்றவை ஆகும். இவற்றின் மூலம் அனுப்பபடும் மின்னஞ்சல்களை நாம் சாதாரணமாக ஒப்பன் செய்து பார்க்க முடியும். இதற்கு உரிய பயனர் கணக்கு மற்றும் கடவுச்சொல் இருந்தால் போதுமானது. நாம் வேர்ட், பிடிஎப் மற்றும் ஒரு சில கோப்புகளை காப்பதற்காக கடவுச்சொல்லுடன் உருவாக்குவோம். இவ்வாறு உருவாக்கும் கோப்புகளை கடவுச்சொல் இருந்தால் மட்டுமே ஒப்பன் செய்ய முடியும். இதனால் அவற்றில் உள்ள தகவல்கள் திருடப்பட வாய்ப்புகள் மிகவும் குறைவு. ஆனால் கடவுச்சொல் இல்லாமல் உள்ள கோப்புகளை மிகவும் எளிமையாக மற்றவர்களால் பார்க்கவோ அல்லது திருடிவிடவோ முடியும். இதுபோல் நாம் அனுப்பும் மின்னஞ்சல் ஒவ்வொன்றுக்கும் கடவுச்சொல் இட்டால் எவ்வாறு இருக்கும்.இதற்கு LOCKBIN என்னும் தளம் உதவி செய்கிறது.

தளத்திற்கான சுட்டி

சுட்டியில் குறிப்பிட்ட தளத்திற்கு செல்லவும். மேலே கொடுக்கப்பட்டுள்ள திரையமைப்பு போல் ஒரு பக்கம் தோன்றும் அதில் உங்களுடைய பெயர், உங்களுடைய மின்னஞ்சல் முகவரி, நீங்கள் அனுப்ப வேண்டிய மின்னஞ்சல் முகவரி, கடவுச்சொல் போன்றவற்றை உள்ளிடவும். பின் நீங்கள் குறிப்பிட வேண்டிய செய்தியை தட்டச்சு செய்து பின் வேண்டிய கோப்பினை பதிவேற்றம் செய்து, மேலும் CAPTCHA கோடினை உள்ளிட்டு இறுதியாக ஒப்பந்த செக்பாக்சில் டிக் செய்து SUBMIT பொத்தானை அழுத்தவும். உங்களுடைய மின்னஞ்சல் நீங்கள் குறிப்பிட்ட முகவரிக்கு சென்றுவிடும்.

பின் அந்த மின்னஞ்சலை ஒப்பன் செய்யும் போது மேலே குறிப்பிட்டுள்ள படம் போல் தோன்றும். அந்த கடவுச்சொல்லை உள்ளிடுவதன் மூலமாக உங்களுடைய நண்பர்கள் அந்த மின்னஞ்சலை பெற்றுக்கொள்வார்கள். இதன் மூலம் மின்னஞ்சலையும் கடவுச்சொல் கொண்டு மூட முடியும்.

மேலும் வாசிக்க..,

மின்னஞ்சல்களை இணைய இணைப்பு இல்லாமல் அணுக

♠ Posted by Kumaresan Rajendran in EMAIL

மின்னஞ்சல் பயன்பாடானது தற்போது அதிகரித்து கொண்டே உள்ளது, பல்வேறு நிறுவனங்கள் மின்னஞ்சல் சேவையினை இலவசமாக வழங்கி வருவதே இதற்கு முக்கிய காரணம் ஆகும். என்னத்தான் இலவசமாக மின்னஞ்சல் சேவையினை பெற்றாலும் இதனை நாம் இணைய உதவியுடன் மட்டுமே அணுக முடியும். தினமும் பல்வேறு மின்னஞ்சல்களை பரிமாற்றம் செய்வோம் ஆனால் இவற்றை நாம் இணைய இணைப்பு இருந்தால் மட்டுமே காண முடியும். அவ்வாறு இல்லாமல் இணைய வசதி இல்லாமல் மின்னஞ்சல்களை காண முடியும். இதற்கு ஒரு மென்பொருள் வழிவகை செய்கிறது.

மென்பொருளை தரவிறக்கம் செய்ய சுட்டி

மென்பொருளை பதிவிறக்கம் செய்து கணினியில் நிறுவிக்கொள்ளவும். பின் கணினியை ஒரு முறை மறுதொடக்கம் செய்து கொண்டு பின் இந்த அப்ளிகேஷனை ஒப்பன் செய்யவும். Archive E-mail என்னும் பொத்தானை அழுத்தி உங்களுக்கான அக்கவுண்ட்டை தேர்வு செய்து, பயனர் பெயர் மற்றும் கடவுச்சொல்லை உள்ளிடவும். ஜிமெயிலுக்கு இருப்பியல்பாகவே உள்ளது. மற்ற மின்னஞ்சல்களுக்கு தனியே கணக்கு உருவாக்கி கொள்ளவும். பின் சிறிது நேரம் உங்களுடைய மின்னஞ்சல்கள் நகல் எடுக்கப்பட்டு கணினியில் சேமிக்கப்படும்.

பின் நீங்கள் மின்னஞ்சல்களை வழக்கம்போல் எளிமையாக கையாள முடியும். இந்த மூலம் சீடி/டிவீடி, ப்ளாஷ் ட்ரைவ் மற்றும் வன்தட்டுகளில் மின்னஞ்சல்களை சேமித்து வைத்து கொள்ள முடியும். மின்னஞ்சல்களை பேக்அப் செய்து கொள்ளவும் இந்த மென்பொருள் பயன்படுகிறது. இந்த மென்பொருள் ஆப்லைனில் மின்னஞ்சல்களை கையாள மிகவும் உதவியாக இருக்கும்.

மேலும் வாசிக்க..,

மின்னஞ்சல்

♠ Posted by Kumaresan Rajendran in EMAIL

மின்னஞ்சல் சேவையினை பயன்படுத்தாத இணைய பயனாளர்கள் இல்லை என்ற நிலை தற்போது உள்ளது. மின்னஞ்சல் இன்று இல்லையென்றால் என்ன நடக்கும், என்று யோசித்து பார்க்கவே முடியவில்லை அந்த அளவிற்கு இணைய வளர்ச்சியில் மின்னஞ்சல் சேவையின் பங்கும் உள்ளது. மின்னஞ்சல் சேவை முதல்முதலாக 1965 ம் ஆண்டு தொடங்கப்பட்டது. அன்றிலிருந்து இன்றுவரை மின்னஞ்சல் சேவையில் ஏற்பட்டுள்ள மாற்றங்களை மைக்ரோசாப்ட் நிறுவனம் ஒரு தொகுப்பாக வெளியிட்டுள்ளது. Infographic என்ற தலைப்பில் மைக்ரோசாப்ட் நிறுவனம் ஒரு தொகுப்பினை தாயர் செய்து வெளியிட்டுள்ளது. 

இதை பற்றிய மேலும் விவரங்கள் அறிய சுட்டி.

மேலும் வாசிக்க..,

ஜிமெயிலை அணுக மற்றுமொரு வழி GeeMail

♠ Posted by Kumaresan Rajendran in EMAIL,Freewares

மின்னஞ்சல் சேவையில் முடிசூடா மன்னன் என்று அழைக்கப்படும், கூகுள் நிறுவனத்தினுடைய மின்னஞ்சல் சேவையான ஜிமெயில் ஆகும். இந்த மின்னஞ்சல் சேவை தற்போது அதிகமான இணைய வாடிக்கையாளர்களால் பயன்படுத்தப்பட்டு வருகிறது, இதற்கு முக்கியாமான காரணமே ஜிமெயில் நிறுவனம் அளிக்கும் சேவை மட்டுமே ஆகும். இந்த ஜிமெயில் சேவையை நாம் பயன்படுத்த வேண்டுமெனில் அதற்கு உலவியின் துணையுடன் மட்டுமே சாத்தியம் ஆகும். அவ்வாறு இல்லாமல் ஜிமெயில் சேவையை மட்டும் பெற ஒரு மென்பொருள் உதவி செய்கிறது. இந்த மென்பொருள் மூலமாக நாம் பல்வேறு வசதிகளை பெற முடியும்.

மென்பொருளை தரவிறக்க சுட்டி

இந்த மென்பொருளை இணையத்தின் உதவியுடன் பதிவிறக்கி கணினியில் நிறுவிக்கொள்ளவும். இந்த மென்பொருளை கணினியில் நிறுவ வேண்டுமெனில் அதற்கு Adobe air மென்பொருள் உங்கள் கணினியில் நிறுவி இருக்க வேண்டும். Adobe air மென்பொருளை தரவிறக்கம் செய்ய சுட்டி. பின் இந்த அப்ளிகேஷனை ஒப்பன் செய்யவும். அதில் உங்களுடைய மின்னஞ்சல் முகவரி மற்றும் கடவுச்சொல்லை உள்ளிடவும். பின் உங்களுடைய கணக்கானது திறக்கப்படும். அதில் வழக்கம் போல் உங்கள் பணியை தொடரவும்.

இதை தான் சாதாரணமாகவே செய்ய முடியுமே, அப்புறம் எதற்கு இந்த மென்பொருள் என்று நினைக்க தோனும். அப்படிப்பட்டவர்களுக்கான பதில் இதோ, ஆன்லைனில் இருந்தால் மட்டுமே நாம் மின்னஞ்சல் அனுப்ப முடியும். ஆனால் இந்த மென்பொருளின் மூலமாக ஆப்லைனில் மின்னஞ்சலை உருவாக்கிவிட்டு பின் கடைசியாக Send பொத்தானை அழுத்தவும். இணைய இணைப்பு கிடைக்கும் நேரத்தில் மின்னஞ்சலானது குறிப்பிட்ட நபருக்கு சென்றடையும்.

நாம் வழக்கம் போலவே மின்னஞ்சல் சேவையை பயன்படுத்த முடியும். ஆனால் என்ன ஒன்று இதற்கு நாம் மென்பொருள்களை கணினியில் நிறுவ வேண்டி வரும். இந்த மென்பொருளானது விண்டோஸ், மேக் மற்றும் லினக்ஸ் ஆகிய இயங்குதளங்களில் செயல்படக்கூடியது ஆகும். ஆனால் என்ன ஒன்று Adobe air துணையுடன் மட்டுமே இந்த மென்பொருளால் செயல்பட முடியும். இந்த மென்பொருளானது இலவச மென்பொருள் ஆகும்.

மேலும் வாசிக்க..,

மின்னஞ்சல் முகவரிகளை சோதிக்க

♠ Posted by Kumaresan Rajendran in EMAIL,Freewares

வீட்டு முகவரி இருக்கோ இல்லையோ ஆனால் மின்னஞ்சல் முகவரி இல்லாத இணைய பயணார்களே இல்லை என்று கூறும் அளவிற்கு மின்னஞ்சல் சேவையானது இன்று அனைவரிடமும் சென்றுவிட்டது. இதற்கு முக்கிய காரணம் பல்வேறு நிறுவனங்கள் போட்டிபோட்டுக்கொண்டு இலவசமாக ஈமெயில் சேவையினை வழங்குவதே இதற்கு முக்கிய காரணம் ஆகும். மேலும் மின்னஞ்சல் முகவரி இல்லையெனில் கணினி பயன்பாட்டாளர் என்பதற்கு அடையாளமே இல்லையென்ற நிலை உள்ளது. ஏன் நம்மில் பலர் பல்வேறு நிறுவனங்களின் மின்னஞ்சல் சேவையை பயன்படுத்தி வருவோம் இதற்கு காரணம் இலவசம் என்ற ஒன்றே ஆகும். 

ஒரு சில இணைய பயனார்கள் பல்வேறு மின்னஞ்சல் முகவரிகளை பயன்படுத்துவார்கள் அவற்றில் ஒன்றை தன்னுடைய நண்பர்க்கு கொடுத்திருப்பார் ஆனால் அந்த முகவரியை பயன்படுத்தாமல் இருப்பார், இதனால் அந்த மின்னஞ்சல் முகவரி செயல் இழந்துவிடும். அந்த செயலிழந்த மின்னஞ்சல் முகவரிக்கு மின்னஞ்சல் அனுப்பினால், சரியான முகவரி அல்ல என்ற செய்தியே வரும். இதுபோன்ற கோளாருச்செய்திகள் வருமேயானால், அந்த குறிப்பிட்ட மின்னஞ்சல் முகவரியானது உபயோகத்தில் உள்ளதா என்பதை ஆராய வேண்டும். இதற்கு ஒரே வழி குறிப்பிட்ட மின்னஞ்சலுடைய உரிமையாளரிடம் கேட்டால் மட்டுமே மின்னஞ்சல் முகவரி நடப்பில் இருக்கிறதா என்பது சாத்தியம் ஆகும். இதற்கு மற்றுமொரு வழி உள்ளது. சரியான மின்னஞ்சல் முகவரிதான என்று சோதிக்க ஒரு மென்பொருள் உள்ளது அந்த மென்பொருளின் வாயிலாக அறிய முடியும்.

மென்பொருளை தரவிறக்க சுட்டி

இணையத்தில் உதவியுடன் மென்பொருளை தரவிறக்கம் செய்து கணினியில் நிறுவிக்கொள்ளவும். பின் இந்த அப்ளிகேஷனை ஒப்பன் செய்யவும். அதில் Import என்னும் ஆப்ஷனை தேர்வு செய்து மின்னஞ்சல் முகவரிகளை உள்ளினைத்துக்கொள்ளவும். நாம் txt, CSV, Excel, Access அல்லது Database பைல்களை உள்ளினைத்து கொள்ள முடியும். பைல்களை இணைத்தப்பிறகு Check emails என்னும் பொத்தானை அழுத்தவும், பின் சில நொடிகளில் உங்களுக்கான முடிவு தெரிந்துவிடும். சரியான முகவரி எவைஎவை என்று, பின் தவறான முகவரியை நம்மால் எளிமையா முறையில் அறிந்து கொள்ள முடியும்.

இந்த மென்பொருளானது இலவச மென்பொருள் ஆகும். இணைய வசதியுடன் எந்ததெந்த மின்னஞ்சல் முகவரிகள் போலியானவை என்று எளிமையான முறையில் கண்டறிந்து கொள்ள முடியும். இந்த மென்பொருள் வசதியில் மூலமாக டொமைன் மின்னஞ்சல் முகவரிகள் சரியானவைதான என்றும் அறிந்து கொள்ள முடியும். இந்த மென்பொருளானது மிகவும் பயனுள்ளதாகும்.

மேலும் வாசிக்க..,

ஜிமெயிலின் ஒரே கணக்கை பயன்படுத்தி பல கணக்குகளை கையாள

♠ Posted by Kumaresan Rajendran in EMAIL,ஜி-மெயில்

ஈமெயில் சேவையில் உச்சத்தில் இருப்பது ஜிமெயில் நிறுவனம் ஆகும். இந்த நிறுவனம் தன்னுடைய ஈமெயில் சேவையில் புதுப்புது வசதிகளை புகுத்தி வருகிறது. அந்த வகையில் இந்நிறுவனம் அளிக்கும் வசதிதான் ஒரே ஈமெயில் கணக்கை பயன்படுத்தி பல ஈமெயில் முகவரிகளை உள்ளினைத்து,  புகுத்தப்பட்ட ஈமெயில் கணக்கை பயன்படுத்தி அதிலிருந்து ஈமெயில்களை அனுப்பி கொள்ள முடியும். நான் முன்பே கூறியது போல ஈமெயில் முதலிடத்தில் இருப்பது ஜிமெயில் நிறுவனம் ஆகும். ஒரு காலத்தில் யாகூ நிறுவனத்துடைய ஈமெயில் சேவையே அதிகம் பயன்படுத்தப்பட்டது ஆனால் தற்போது யாகூ தன்னுடைய வாடிக்கையாளர்களை இழந்து வருகிறது இதற்கு காரணம் ஜிமெயில் நிறுவனம் மட்டுமே ஆகும். இந்த நிறுவனம் அளிக்கும் புதுப்புது வசதிகள் மட்டுமே ஆகும். அந்த வகையில் ஜிமெயில் நிறுவனம் அளிக்கும் வசதிதான், ஒரே ஈமெயில் கணக்கை பயன்படுத்தி பல முகவரிகளை உள்ளினைத்து ஈமெயில் அனுப்ப முடியும். சுருங்கமாக சொல்ல வேண்டுமெனில் From அட்ரஸ்யை மாற்றிக்கொள்ளும் வசதி ஆகும். 

இந்த வசதியை உள்ளினைக்க முதலில் உங்களுடைய ஜிமெயில் அக்கவுண்டில் நுழைந்து கொள்ளவும். பின் Settings பொத்தானை அழுத்தி Accounts and Import என்னும் பட்டியை கிளிக் செய்யவும்.

அதில் send mail as என்னும் பகுதியில் Send mail from another address என்னும் பொத்தானை கிளிக் செய்யவும்.

Name என்னும் பாக்சில் உங்களுடைய பெயரை உள்ளிடவும், அடுத்த பாக்சில் உங்களுடைய ஈமெயில் முகவரியை உள்ளிட்டு Next Step பொத்தானை அழுத்தவும்.

அடுத்ததாக தோன்றும் விண்டோவில் Send Verification என்னும் பொத்தானை அழுத்தவும், அடுத்ததாக உள்ளிட்ட ஈமெயில் கணக்கில் நுழைந்து Verification கோடினை காப்பி செய்து, தோன்றும் விண்டோவில் உள்ளிட்டவும்.

இல்லையெனில் Verification லிங்கை கிளிக் செய்து ஆக்டிவேட் செய்து கொள்ள முடியும். Compose mail பட்டியை அழுத்தவும். இப்போது From அட்ரஸ் டேப் இணைக்கப்பட்டிருக்கும்.

அதை பயன்படுத்தி ஈமெயில் அனுப்பி கொள்ள முடியும். இதே முறையை பயன்படுத்தி பல ஈமெயில் முகவரிகளை இணைத்துக்கொள்ள முடியும்.

மேலும் வாசிக்க..,

ஈ-மெயில்களில் உள்ள அட்டாச்மெண்ட்களை மட்டும் தனியே பதிவிறக்கம் செய்ய

♠ Posted by Kumaresan Rajendran in EMAIL

தற்போதைய நிலையில் ஈ-மெயில் சேவையினை பல நிறுவனங்கள் இலவசமாக வழங்கி வருகிறன. அவற்றில் ஜிமெயில், யாகூ, ஹாட்மெயில், போன்ற  நிறுவனங்கள் குறிப்பிடத்தக்கவைகள் ஆகும். நாம் சாதரணமாக ஈ-மெயில் அனுப்பினாலும் கூடவே ஒரு அட்டாச்மெண்ட் பைலை சேர்த்தே அனுப்புவோம். அது நலம் விசாரிக்கும் ஈ-மெயிலாக இருந்தாலும் சரி, முக்கியமான அலுவல்களாக இருந்தாலும் சரி அட்டாச்மெண்ட் என்பது முன்பெல்லாம் முக்கியமான செயலுக்காக மட்டுமே அனுப்பபடும், ஆனால் தற்போதைய நிலையில் எந்த ஒரு ஈ-மெயிலாக இருப்பினும் கூடவே சேர்ந்து ஒரு அட்டாச்மெண்ட் பைல் அனுப்பபடுகிறது.  ஈ-மெயில் அனுப்பும் போது அதனுடன் சேர்ந்து அட்டாச்மெண்ட் பைல்களாக போட்டோ, வீடியோ, ஆடியோ, டாக்குமெண்ட், போன்ற பல பைல்களும் ஈ-மெயில் மூலமாக பரிமாற்றம் செய்யப்படுகிறன. இவ்வாறு ஈ-மெயிலுடன் சேர்ந்துவரும் அட்டாச்மெண்ட் பைல்களை தனியே பதிவிறக்கம் செய்ய ஒரு அருமையான மென்பொருள் உள்ளது. அதுதான் Mail Attachment Downloader.

மென்பொருளை தரவிறக்க சுட்டி

 

இந்த மென்பொருளை பதிவிறக்கி நிறுவிக்கொள்ளவும்.பின் Start > Programs > GearMage > Mail Attachment Downloader என்பதை தேர்வு செய்து Mail Attachment Downloader அப்ளிகேஷனை ஒப்பன் செய்யவும். பின் ஈ-மெயில் முகவரி மற்றும் கடவுச்சொல்லை உள்ளிட்டு எந்த இடத்தில் அட்டாமெண்ட்கள் பதிவாக வேண்டும் என்பதை குறிப்பிட்டுவிட்டு, Connect and Download என்ற பட்டனை அழுத்தி பதிவிறக்கி கொள்ள முடியும்.

 இந்த மென்பொருளின் சிறப்பம்சமாக உங்களுக்கு வேண்டிய பைல்களை மட்டும் தனியே தேர்வு செய்து பதிவிறக்கம் செய்து கொள்ள முடியும். மற்றும் குறிப்பிட்ட தேதிக்குள் உள்ள வேண்டிய அட்டாச்மெண்ட்களை மட்டும் பதிவிறக்கம் செய்ய முடியும். இதுபோன்ற பல்வேறு விதமான சிறப்பம்சங்களை இந்த மென்பொருளில் அடங்கியுள்ளது. ஈ-மெயில் அட்டாச்மெண்ட்களை மட்டும் தனியே பதிவிறக்கம் செய்ய இது ஒரு அருமையான வாய்ப்பாகும்.

மேலும் வாசிக்க..,