கோப்புகளுக்கு கடவுச்சொல் கொண்டு பூட்ட (Kryptelite)

♠ Posted by Kumaresan Rajendran in Encryption,Freewares,WINDOWS,Windows - 8

அனைத்து விதமான கோப்புகளையும் நாம் நண்பர்களுடன் பரிமாறிக்கொள்ளும் போதும், அலுவலக சம்பந்தமான முக்கிய தகவல்கள் அடங்கிய கோப்புகளை பாதுகாப்பாக வைக்கவும் மேலும் அதனை மற்றவர்களுக்கு தெரிந்து விடாமல் பாதுகாப்பாக மின்னஞ்சல் அனுப்பவும். மென்பொருளை விலை கொடுத்து வாங்கி பயன்படுத்த வேண்டும். அவ்வாறு இல்லாமல் இலவசமாகவே மென்பொருள் ஒன்று கிடைக்கிறது. இந்த மென்பொருள் மூலம் கோப்புகளை Encrypt மற்றும் Decrypt செய்து கொள்ள முடியும்.

மென்பொருளை தரவிறக்க சுட்டி

மென்பொருளை தரவிறக்கி கணினியில் நிறுவிக்கொள்ளவும். பின் எந்த கோப்பினை கடவுச்சொல் கொண்டு பூட்ட நினைக்கிறீர்களோ அதன் மீது சுட்டெலியின் உதவியுடன் வலது கிளிக் செய்து தோன்றும் சாளரப்பெட்டியில் Encrypt என்னும் தேர்வினை தெரிவு செய்யவும்.

அடுத்ததாக தோன்றும் விண்டோவில் கடவுச்சொல்லை உள்ளிட்டு OK என்ற பொத்தானை அழுத்தவும். சிறிது நேரத்தில் கோப்பானது மாற்றப்பட்டு விடும். 

Encrypt செய்து பூட்டப்பட்ட கோப்பினை  திறக்க , கோப்பின் மீது வலது கிளிக் செய்து தோன்றும் சாளரப்பெட்டியில் Decrypt  என்னும் தேர்வினை தெரிவு செய்யவும். அடுத்து தோன்றும் விண்டோவில் கடவுச்சொல்லை உள்ளிட்டு OK பொத்தானை அழுத்தவும். கோப்பானது மீண்டும் சாதாரண நிலைக்கு திரும்பிவிடும்.

இந்த மென்பொருள் இலவச மென்பொருள் ஆகும். இதன் மூலம் எளிதாக கோப்புகளை பாதுகாப்பாக பகிர்ந்து கொள்ள முடியும். 

மேலும் வாசிக்க..,

Send to தேர்வில் புதிய ஆப்ஷனை கொண்டுவர

♠ Posted by Kumaresan Rajendran in Tricks,WINDOWS,Windows - 8

கணினியின் வேலைகளை மிக விரைவாக செய்ய பல்வேறு வழிகள் உள்ளன. சுருக்குவிசைகளை பயன்படுத்தியும் சாளர மெனு தேர்வுகள் (options) கொண்டும் கணினியில் பணிகளை விரைந்து செய்ய இயலும். கணினியில் உள்ள தரவுகளை நகலெடுக்கவோ (Copy), நகர்த்தவோ (Cut) சுருக்கு விசைகளை பயன்படுத்துவோம் இல்லையெனில் சுட்டெலியால் வலது கிளிக் தோன்றும் பாப்அப் மெனுவில் Send to தேர்வில் குறிப்பிட்ட ஆப்பஷனை தேர்வு செய்தும் காப்பி செய்து கொள்ள முடியும்.

புளுடூத் மூலமாக தகவலை பகிர விரும்பும் போது பெரும்பாலும் Send to ஆப்ஷனை பயன்படுத்திதான் பகிர்ந்து கொள்வோம். இந்த Send to ஆப்ஷனை தெரிவு செய்யும் போது அதில் குறிப்பிட்ட சில ஆப்ஷன் மட்டுமே இருக்கும். நமக்கு ஏற்றவாறு இதில் பல்வேறு ஆப்ஷன்களை இணைத்துக்கொள்ள முடியும். 

முதலில் விண்டோஸ் கி மற்றும் R பொத்தான்களை ஒருசேர அழுத்தி தோன்றும் விண்டோவில் shell:sendto என்று தட்டச்சு செய்து ஒகே பொத்தானை அழுத்தவும். 

அடுத்ததாக தோன்றும் விண்டோவில் நீங்கள் Send to ஆப்ஷனில் கொண்டு வர நினைக்கும் அப்ளிகேஷனிற்கோ, கோப்பறைக்கோ அல்லது ஏதாவது ஒரு டிவைஸ்கிற்கோ சுருக்குவிசை ஐகானை உருவாக்கவும்.

இதற்கு வலது கிளிக் செய்து தோன்றும் விண்டோவில் New > Shortcut என்பதை தெரிவு செய்யவும். அடுத்து குறிப்பிட்ட கோப்பறையினையோ, டிவைஸ்னையோ அல்லது அப்ளிகேஷனையோ தெரிவு செய்யவும்.

அடுத்ததாக தோன்றும் விண்டோவில் Browse பொத்தானை அழுத்தி குறிப்பிட்ட சுருக்குவிசை ஐகானுக்கான தொடர்பினை தேர்வு செய்யவும். பின் Ok பொத்தானை அழுத்தவும்.

அடுத்து தோன்றும் விண்டோவில் Next பொத்தானை அழுத்தவும். அவ்வளவு தான் வேலை முடிந்தது இப்போது சுருக்குவிசை ஐகான் உருவாக்கப்பட்டு இருக்கும்.

இப்போது Send to பாப்அப் மெனுவில் நீங்கள் குறிப்பிட்டவாறு ஆப்ஷன் இருக்கும், அதனை பயன்படுத்தி தரவுகளை நகர்த்திக்கொள்ள முடியும்.

மேலும் வாசிக்க..,

விண்டோஸ் 8 மிகவும் பாதுகாப்பானது

♠ Posted by Kumaresan Rajendran in WINDOWS,Windows - 8,தமிழ் கம்ப்யூட்டர் செய்தி,விண்டோஸ்-7

விண்டோஸ் இயங்குதளங்களை மைக்ரோசாப்ட் நிறுவனம் வெளியிட்டு வருகிறது. சிறப்புகுரிய விண்டோஸ் இயங்குதளங்கள் என்றால் அது விண்டோஸ் எக்ஸ்பி, ஏழு மற்றும் எட்டு போன்றவைகளை மட்டும்தான் குறிப்பிட முடியும். இந்த விண்டோஸ் 8 இயங்குதளத்தில் பாதுகாப்பு அம்சங்கள் அதிகமாக அடங்கியுள்ளது. 

விண்டோஸ் 8 இயங்குதளம் விண்டோஸ் ஏழு இயங்குதளத்தை விட 7 மடங்கும், விண்டோஸ் எக்ஸ்பியினை விட 21 மடங்கும் பாதுகாப்புடையதாகும், என மைக்ரோசாப்ட் நிறுவனமே கூறியுள்ளது.

இயங்குதளங்களை பாதுகாக்கவும், இயங்குதளங்களில் ஏற்படும் கோளாருகளை சரி செய்யவும் அவ்வபோது அப்டேட்களை மைக்ரோசாப்ட் நிறுவனம் வெளியிடும். அவ்வாறு இருந்தும் இயங்குதளத்தில் வைரஸ் பாதிப்புகள் ஏற்படும். மேலும் இணைய உதவியுடன் கணினியில் உள்ள தகவல்களை ஹேக்கர்கள் திருடவும் வாய்ப்புண்டு ஆனால் இந்த விண்டோஸ் 8 இயங்குதளம் அவ்வாறு இல்லை, மேலும் மிகவும் அதிக பாதுகாப்பு அம்சங்கள் இந்த இயங்குதளத்தில் அடங்கியுள்ளது.

2001 ல் விண்டோஸ் எக்ஸ்பி வெளியிட்ட போது வெறும் 50 மில்லியன் இணைப்பயனாளர்களே இணையத்தை பயன்படுத்தினர் ஆனால் தற்போது 2.7பில்லியன் இணைப்பயனாளர்கள் இணையத்தை பயன்படுத்துகிறனர்.

மேலும் வாசிக்க..,

விண்டோஸ்8.1 ப்ரிவியூ பதிப்பினை அப்டேட் செய்ய

♠ Posted by Kumaresan Rajendran in WINDOWS,Windows - 8

அன்மையில் வெளியான விண்டோஸ் 8 இயங்குதளம் பயனாளர்களை பெரிதும் கவர்ந்தது எனினும் அதில் ஒருசில குறைபாடுகள் இருந்தன. அதில் இருந்த குறைபாடுகளை நீக்கி விண்டோஸ் 8.1 பதிப்பினை மைக்ரோசாப்ட் நிறுவனம் சில தினங்களுக்கு முன் வெளியிட்டது. இதில் ஏற்கனவே உள்ள குறைகளை நீக்கி புதிய பதிப்பு வெளியாகி உள்ளது.

விண்டோஸ்8.1 ப்ரிவியூ பதிப்பினை பதிவிறக்க சுட்டி

சுட்டியில் குறிப்பிட்ட தளத்திலிருந்து அப்ளிகேஷனை பதிவிறக்கம் செய்து, விண்டோஸ் 8 இயங்குதளத்தினை மேம்படுத்திக்கொள்ள முடியும்.

விண்டோஸ் 8.1 பதிப்பு ஜனவரி 15 , 2014 வரை செல்ல தக்கதாகும். விண்டோஸ் 8.1 னை NTTX3-RV7VB-T7X7F-WQYYY-9Y92F கீயை பயன்படுத்தி முழுமையாக இயங்குதளத்தை நிறுவிக்கொள்ள முடியும்.

ஐஎஸ்ஒ பதிப்பாக பதிவிறக்க சுட்டி

விண்டோஸ் 8.1 ப்ரிவியூ பதிப்பின் புராடெக்ட் கைடினை பதிவிறக்கம் செய்ய சுட்டி

மேலும் வாசிக்க..,

விண்டோஸ் இயங்குதளத்தில் டாஸ்க் மேனேஜரை எனேபிள் மற்றும் டிசேபிள் செய்ய

♠ Posted by Kumaresan Rajendran in Tips-டிப்ஸ்,WINDOWS,Windows - 8,Winxp-Tutorials,விண்டோஸ்-7

விண்டோஸ் இயங்குதளத்தின் வேகம் சற்று முடக்கப்படும் போது டாஸ்க் மேனேஜரை திறந்து திறந்திருக்கும் தேவையற்ற அப்ளிகேஷன்களை மூடுவோம் இதனால் இயங்குதளம் சற்று வேகமாக செயல்படும், கணினி மிக மோசமான மந்த நிலைக்கு தள்ளப்படும் போது அனைத்து கணினி பயன்பாட்டாளர்களும் செல்லும் இடம் டாஸ்க் மேனேஜர் ஆகும். இந்த டாஸ்க் மேனேஜரை பயனர் விருப்பபடி மாற்றியமைத்துக்கொள்ள முடியும். 

Ctrl+Alt+Delete பொத்தான்களை ஒரு சேர அழுத்தி டாஸ்க் மேனேஜரை திறக்கலாம், இல்லையெனில் Ctrl +Shift+Esc பொத்தான்களை ஒரு சேர அழுத்தியும் டாஸ்க் மேனேஜரை திறக்க முடியும். இதனை ஒப்பன் ஆகாமல் தடுக்கவும் வழி உள்ளது அதுவும் மூன்றாம் தர மென்பொருள் உதவி இல்லாமல், விண்டோஸ் இயங்குதளத்தின் உதவியுடன் செய்ய முடியும். 

டாஸ்க் மேனேஜரை ஒப்பன் ஆகாமல் தடுக்க முதலில் விண்டோஸ் கீ மற்றும் R பொத்தான்களை ஒருசேர அழுத்தி தோன்றும் விண்டோவில் gpedit.msc என்று உள்ளிட்டு பின் OK பொத்தானை அழுத்தவும். 

தோன்றும் விண்டோவில் கீழ்காணும் வரிசைப்படி திறக்கவும். User Configuration >Administrative Templates >System >Ctrl+Alt+Del Options கிளிக் செய்யவும். வலதுபுறம் தோன்றும் விண்டோவில் Remove Task Manager என்னும் தேர்வினை சுட்டியினால் இரட்டை கிளிக் செய்யவும். இல்லையெனில் ரைட் கிளிக் செய்து தோன்றும் விண்டோவில் Edit தேர்வினை கிளிக் செய்யவும்.

அடுத்ததாக தோன்றும் விண்டோவில் Enabled என்னும் ஆப்ஷன் பொத்தானை தேர்வு செய்து பின் OK பொத்தானை அழுத்தவும்.

இப்போது டாஸ்க் மேனேஜரை திறந்து பாருங்கள் திறக்க முடியாது, மீண்டும் டாஸ்க் மேனேஜரை திறக்க வேண்டுமெனில் Disabled ஆப்ஷன் பொத்தானை தேர்வு செய்து பின் Ok பொத்தானை அழுத்தவும்.

மேலும் வாசிக்க..,

விண்டோஸ் 8 இயங்குதளத்தில் இருப்பியல்பு பயனர் கணக்கு மற்றும் கெஸ்ட் பயனர் கணக்கின் படத்தை மாற்ற

♠ Posted by Kumaresan Rajendran in WINDOWS,Windows - 8,Winxp-Tutorials

விண்டோஸ் ஏழு இயங்குதளத்திலிருந்து முற்றிலும் மாறுபட்டதாக விண்டோஸ் எட்டு இயங்குதளம் உள்ளது. விண்டோஸ் ஏழு இயங்குதளத்தில் கெஸ்ட் மற்றும் பயனர் கணக்கின் படத்தை மாற்ற வேண்டுமெனில் எளிதாக கன்ட்ரோல் பேனல் சென்று மாற்றிக்கொள்ள முடியும். ஆனால் விண்டோஸ் 8 இயங்குதளத்தில் அவ்வாறு இல்லை, இதில் பயனர் கணக்கின் படத்தை மாற்ற ஒரு சில வேலைகள் செய்ய வேண்டும். 

விண்டோஸ் 8 இயங்குதளத்தில் புதிய பயனர் கணக்கினை உருவாக்கும் போது தானாகவே புதிய படத்தினை இயங்குதளம் அமைத்துக்கொள்ளும். அவ்வாறு அமைக்கும் படங்களுக்கு பதில் நமக்கு பிடித்த படங்களை மாற்றிக்கொள்ளலாம். விண்டோஸ் 8 இயங்குதளத்தில் இருப்பியல்பு பயனர் கணக்கு மற்றும் கெஸ்ட் பயனர் கணக்கின் படத்தை மாற்ற முதலில் விண்டோஸ் எக்ஸ்புளோரரை ஒப்பன் செய்து C: ஒப்பன் செய்யவும். 

பின் View என்னும் டேப்பினை தேர்வு செய்து பின் Hidden items என்னும் செக்பாக்சை டிக் செய்யவும். அடுத்து கீழ் காணும் வரிசையில் ஒப்பன் செய்யவும். C:\ ProgramData -> Microsoft -> Default Account Pictures

பின் படங்களை இந்த கோப்பறையில் காப்பி செய்யவும். படங்கள் கீழ்காணும் அளவு, பெயர், பார்மெட்களில் இருத்தல் வேண்டும்.

பயனர் கணக்கு

• அளவு 200*200, பார்மெட் .PNG, பெயர் user-200.
• அளவு 40*40, பார்மெட் .PNG, பெயர் user-40.
• அளவு 448*448, பார்மெட் .PNG, பெயர் user.
• அளவு 448*448, பார்மெட் .BMP, பெயர் user.

கெஸ்ட் கணக்கு

• அளவு 448*448, பார்மெட் .PNG, பெயர் guest.
• அளவு 448*448, பார்மெட் .BMP, பெயர் guest. 

மேலே குறிப்பிட்டுள்ளவாறு படங்களை ஒழுங்குபடுத்தி கொள்ளவும். பின்  அதனை Default Account Pictures என்னும் கோப்பறைக்குள் இந்த படங்களை பேஸ்ட் செய்யவும்.

பின் தோன்றும் விண்டோவில் Continue பொத்தானை அழுத்தி படங்களை முழுயாக காப்பி செய்யவும். பின் கன்ட்ரோல் பேனல் சென்று , User Accounts தேர்வு செய்து பின் Guest பயனர் கணக்கின் படத்தை காணவும். தற்போது Guest பயனர் கணக்கின் படம் மாற்றப்பட்டிருக்கும்.

அடுத்து புதிய பயனர் கணக்குகளை ஒப்பன் செய்யவும். அப்போதும் பயனர் கணக்கின் படமும் மாற்றப்பட்டு வரும்.

அவ்வளவுதான், வேலை முடிந்தது. இதே முறையை பின்பற்றி வேண்டிய படங்களை அமைத்துக்கொள்ள  முடியும்.

மேலும் வாசிக்க..,

விண்டோஸ் 8 இயங்குதளத்தை Safe Mode ல் பூட் செய்ய

♠ Posted by Kumaresan Rajendran in Tips-டிப்ஸ்,WINDOWS,Windows - 8

விண்டோஸ் எக்ஸ்பி, ஏழு இயங்குதளத்தில் சாதாரணமாக பூட் ஆகும் போதே F8 கீயை அழுத்தினால் Safe Mode போவதற்கான வழி கிடைக்கும். ஆனால் விண்டோஸ் 8 இயங்குதளத்தில் அவ்வாறு இல்லை, விண்டோஸ் 8 F8 அழுத்தினால் எந்த வித மாறுதலும் இல்லாமல் சாதாரணமாக பூட் ஆகும். எனினும் விண்டோஸ்8 இயங்குதளத்தை Safe Mode ல் பூட் செய்யவும் வழி இருக்கிறது.

இந்த Safe Mode ல் பூட் செய்வதற்கான அவசியம் என்ன, ஒரு வேலை அழியாத கோப்புகளை அழிக்க வேண்டுமெனில் Safe Mode சென்று முழுமையாக அழித்துவிட முடியும். இயங்குதளம் பூட் ஆகாமல் கோளாரு செய்தாலும் Safe Mode சென்று சரி செய்து கொள்ள முடியும். இது போல் பல்வேறு பிரச்சினைகளை Safe Mode சென்று சரி செய்து கொள்ள முடியும்.

விண்டோஸ் 8 ல் Safe Mode செல்ல , முதலில்  விண்டோஸ்கீ மற்றும் R பொத்தான்களை ஒருசேர அழுத்தி ரன் விண்டோவை ஒப்பன் செய்யவும். பின் தோன்றும் விண்டோவில் msconfig என்று தட்டச்சு செய்து OK பொத்தானை அழுத்தவும்.

அடுத்ததாக தோன்றும் விண்டோவில் Boot என்னும் டேப்பினை தேர்வு செய்து பின் விண்டோஸ் 8 இயங்குதளத்தை தேர்வு செய்து Set as default என்னும் பொத்தானை அழுத்தி இருப்பியல்பு இயங்குதளமாக மாற்றிக்கொள்ளவும். பின் Boot options என்னும் அமைப்பில் Safe boot என்னும் செக் பாக்சை டிக் செய்து OK பொத்தானை அழுத்தவும்.

அடுத்ததாக கணினி மறுதொடக்கம் ஆகும். மறுதொடக்கம் ஆகும் போது தானாகவே விண்டோஸ்8 இயங்குதளதளம் Safe Mode ல் பூட் ஆகும்.

இதே முறையை பயன்படுத்தி விண்டோஸ் 7 இயங்குதளத்தையும் Safe Mode பூட் செய்ய முடியும்.

மேலும் வாசிக்க..,

யுஎஸ்பி மற்றும் ப்ளாஷ் ட்ரைவுகளை கடவுச்சொல் கொண்டு பூட்ட

♠ Posted by Kumaresan Rajendran in Usb Drives,WINDOWS,Windows - 8,Winxp-Tutorials

தற்போது தரவுகளை கணினிகளுக்கிடையே பறிமாற்றம் செய்து கொள்ள பெரும்பான்மையான கணினி பயன்பட்டாளர்களால் பயன்படுத்தபடுவது யுஎஸ்பி ட்ரைவ் மற்றும் போர்ட்டபிள் ப்ளாஷ் ட்ரைவுகள் ஆகும். நாம் பயன்படுத்தும் கணினி மற்றும் செல்போன் ஆகிய சாதனங்களுக்கு கடவுச்சொல் கொண்டு பூட்டி வைத்திருப்போம், கடவுச்சொல் கொண்டு பூட்டி வைக்க காரணம் அதில் இரகசியமான தகவல்கள் மற்றும் கோப்புகளை வைத்திருப்பதனால் மட்டுமே, அதே போல் தான் யுஎஸ்பி மற்றும் ப்ளாஷ் ட்ரைவிலும் இரகசியமான கோப்புகளை வைத்திருப்போம் அதனை பாதுகாப்பாக வைத்திருக்க வேண்டுமெனில் அதற்கு கடவுச்சொல் கொண்டு பூட்டி வைக்க வேண்டும்.

யுஎஸ்பி மற்றும் ப்ளாஷ் ட்ரைவுகளுக்கு கடவுச்சொல் கொண்டு பூட்டுவது என்பது அவ்வளவு எளிதான செயல் இல்லை. இதற்கென பல மென்பொருள்கள் இணையத்தில் இருந்தும் பெயர் சொல்லும் அளவிற்கு சிறப்பான மென்பொருள் என்று ஏதும் இல்லை. ஆனால் ப்ளாஷ் ட்ரைகளை கடவுச்சொல் கொண்டு பூட்ட விண்டோஸ் இயங்குதளத்திலேயே வழி உள்ளது. கடவுச்சொல் கொண்டு பூட்ட BitLocker வழிவகை செய்கிறது.

முதலில் எந்த யுஎஸ்பி அல்லது ப்ளாஷ் ட்ரைவிற்கு கடவுச்சொல் கொண்டு பூட்ட நினைக்கிறீர்களோ அதனை கணினியுடன் இணைக்கவும், பின் கன்ட்ரோல் பேனலை ஒப்பன் செய்யவும், அதற்கு விண்டோஸ் கீ மற்றும் R பொத்தான்களை ஒருசேர அழுத்தி தோன்றும் ரன் விண்டோவில் Control என்று உள்ளிட்டு OK பொத்தானை அழுத்தவும்.

பின் கன்ட்ரோல் பேனல் ஒப்பன் ஆகும், அதில் BitLocker Drive Encryption என்னும் ஐகானை கிளிக் செய்யவும்.

அடுத்ததாக தோன்றும் விண்டோவில் நீங்கள் எந்த யுஎஸ்பி அல்லது ப்ளாஷ் ட்ரைவிற்கு கடவுச்சொல் கொண்டு பூட்ட நினைக்கிறீர்களோ அதன் ட்ரைவ் எது என குறித்து வைத்துக்கொள்ளுங்கள் பின் Turn on BitLocker என்னும் சுட்டியை கிளிக் செய்யவும்.

அடுத்து உங்களுடைய ப்ளாஷ் ட்ரைவ் சோதிக்க பட்டு, பின் BitLocker என்கிரிப்ஷன் செய்வதற்கான வேலை ஆரம்பம் ஆகும்.

அடுத்ததாக தோன்றும் விண்டோவில் கடவுச்சொல்லை உள்ளிட்டு, பின் மீண்டும் மறுஉள்ளீடு செய்து Next பொத்தானை அழுத்தவும்.

அடுத்ததாக தோன்றும் விண்டோவில் Save to a file என்னும் பட்டியை கிளிக் செய்யவும். பின் ஒரு டெக்ஸ்ட் கோப்பு ஒன்று கணினியில் சேமிக்கபடும். அதில் ஒரு கீ இருக்கும். அதை கொண்டு பிட்லாக்கர் என்கிரிப்ஷன் கடவுச்சொல் மறக்கும் போது மீட்டெடுக்க உதவியாக இருக்கும்.

அடுத்ததாக தோன்றும் விண்டோவில் Encrypt used disk space only  என்னும் ஆப்ஷனை தேர்வு செய்து Next பொத்தானை அழுத்தவும்.

பின் அடுத்து தோன்றும் விண்டோவில் Start Encrypting என்னும் என்னும் பொத்தானை அழுத்தி, ப்ளாஷ் ட்ரைவினை என்கிரிப்ட் செய்யவும்.

சிறிது நேரத்தில் ப்ளாஷ் ட்ரைவ் முழுவதுமாக என்கிரிப்ட் செய்யப்பட்டுவிட்டது என்ற செய்தி வரும்.

பின் நீங்கள் ப்ளாஷ் ட்ரைவினை பாதுகாப்பான முறையில் கணினியில் இருந்து நீக்கி கொள்ளவும்.பின் நீங்கள் இந்த ப்ளாஷ் ட்ரைவினை கணினியில் இணைக்கும் போது கடவுச்சொல் உள்ளிட்ட பின்புதான் ஒப்பன் ஆகும்.

பின் ப்ளாஷ் ட்ரைவினை முழுவதுமாக ஒப்பன் செய்ய, விண்டோஸ் எக்ஸ்புளோரர் சென்று, எந்த ட்ரைவினை ஒப்பன் செய்ய வேண்டுமோ அதனை இரட்டை கிளிக் செய்யவும். இல்லையெனில் அந்த ட்ரைவ் மீது வலது கிளிக் செய்து தோன்றும் சாளரப்பெட்டியில் Unlock Drive என்னும் ஆப்ஷனை தேர்வு செய்யவும்.

பின் கடவுச்சொல்லை தோன்றும் விண்டோவில் உள்ளிட்டு, பின் Unlock என்னும் பொத்தானை அழுத்தவும். அப்போது மூடப்பட்டிருந்த ப்ளாஷ் ட்ரைவ் ஒப்பன் செய்யப்படும்.

பின் நீங்கள் இந்த ப்ளாஷ் ட்ரைவினை வழக்கம்போல் பயன்படுத்திக்கொள்ள முடியும். கோப்புகளை பறிமாற்றம் செய்து கொள்ள முடியும்.

ப்ளாஷ் ட்ரைவ் கடவுச்சொல் மறந்துவிட்டால்

யுஎஸ்பி ட்ரைவிற்கு நாம் உருவாக்கிய கடவுச்சொல்லை மறந்து விட்டாலும் அதனை ஒப்பன் செய்யவும் வழி உள்ளது. ப்ளாஷ் ட்ரைவ் உருவாக்கும் போது ஒரு இடத்தில் டெக்ஸ்ட் கோப்பு ஒன்றினை ஒரு இடத்தில் சேமித்து வைத்திருப்போம் அதனை ஒப்பன் செய்தால் அதில் இரகசிய கோடு இருக்கும் அதனை கொண்டு எளிதாக ஒப்பன் செய்துவிட முடியும். இருப்பியல்பாக My Document ல் டெக்ஸ்ட் கோப்பு சேமிக்கப்பட்டிருக்கும்.

ப்ளாஷ் ட்ரைவினை ஒப்பன் செய்யும் போது, கடவுச்சொல் கேட்கும் அப்போது அதற்கு கீழே More Option என்ற ஆப்ஷன் இருக்கும் அதை கிளிக் செய்யும் போது Enter recovery Key என்ற ஆப்ஷனை கிளிக் செய்யவும்.

அப்போது 48 இலக்க இரகசிய கீ கேட்கும் அதை உள்ளிட்டு Unlock பொத்தானை அழுத்தவும். இப்போது பூட்டு திறக்கப்படும். வழக்கம் போல் ப்ளாஷ் ட்ரைவினை பயன்படுத்திக்கொள்ள முடியும்.

கடவுச்சொல்லை நீக்க

ப்ளாஷ் ட்ரைவிற்கு பிட்லாக்கர் மூலம் உருவாக்கிய கடவுச்சொல்லை முழுவதுமாக நீக்கம் செய்ய முதலில் எந்த ட்ரைவிற்கான கடவுச்சொல்லை நீக்க நினைக்கிறீர்களோ அந்த ப்ளாஷ் ட்ரைவினை கணினியுடன் இணைக்கவும். பின் முன்பு கூறியது போல் கன்ட்ரேல் பேனல் சென்று பின் BitLocker Drive Encryption என்னும் ஆப்ஷனை கிளிக் செய்யவும்.

அடுத்து தோன்றும் விண்டோவில் நீங்கள் நீக்க நினைக்கும் ப்ளாஷ் ட்ரைவிற்கு எதிரே Turn off BitLocker என்னும் பொதியை கிளிக் செய்யவும்.

சிறிது நேரத்தில் முழுவதுமாக டிகிரிப்ஷன் செய்யப்பட்டுவிட்டது என்ற செய்தி வரும். அதாவது கடவுச்சொல் நீக்கப்பட்டு விட்டது என்பதாகும். இந்த முறையை பயன்படுத்தி எளிதாக யுஎஸ்பி ப்ளாஷ் ட்ரைவுகளுக்கு கடவுச்சொல்லை உருவாக்க முடியும்.

மேலும் வாசிக்க..,

விண்டோஸ் 7 மற்றும் 8 இயங்குதளங்களில் பூட்டிங் திரையை மாற்ற

♠ Posted by Kumaresan Rajendran in Freewares,Windows - 8,Winxp-Tutorials,மென்பொருள்கள்,விண்டோஸ்-7

விண்டோஸ் இயங்குதளம் தொடங்கும் போதும் மூடும் போதும் இருப்பியல்பான பூட்டிங் திரையே தோன்றும். இதனை மாற்றம் செய்ய இயங்குதளத்தில் எந்தவொரு வசதியும் இல்லை. 

விண்டோஸ் இருப்பியல்பு திரையை மாற்றி நம்முடைய படத்தையோ அல்லது நமக்கு பிடித்தமான படத்தையோ பூட்டிங் திரையில் வைத்து பார்க்க ஆசை இருக்கும். நமக்கு பிடித்தமான படத்தை பூட்டிங் திரையாக வைக்க இரண்டு வழி உண்டு ஒன்று இயங்குதளத்தில் ஒரு சில மாற்றங்கள் செய்து வைக்க வேண்டும். மற்றொன்று மூன்றாம் தர மென்பொருளின் உதவியுடன் வைக்கலாம்.

இயங்குதளம் மூலமாக பூட்டிங் திரையை மாற்றுதல்

முதலில் வின்கி மற்றும் R பொத்தான்களை ஒரு சேர அழுத்தி தோன்றும் விண்டோவில் regedit என்று உள்ளிட்டு ஒகே செய்யவும். தோன்றும் விண்டோவில் கீழ்காணும் வரிசைப்படி தேர்வு செய்யவும்.

HKEY_LOCAL_MACHINE\SOFTWARE\Microsoft\Windows\CurrentVersion\Authentication\LogonUI\Background

பின் Background என்பதை கிளிக் செய்யவும். கிளிக் செய்தவுடன் வலது புறம் OEMBackground என்பதை டபுள் கிளிக் செய்யவும். தோன்றும் விண்டோவில் Value data என்பதில் 1 என்று உள்ளிட்டு OK பொத்தானை அழுத்தி ரிஸிஸ்டரி எடிட்டரை மூடி விடவும்.

அடுத்து C:\Windows\System32\oobe எனும் வரிசையில் விண்டோஸ் எக்ஸ்புளோரரை ஒப்பன் செய்யவும். நீங்கள் இயங்குதளத்தை எந்த ட்ரைவில் நிறுவியுள்ளீர்களோ அந்த ட்ரைவில் ஒப்பன் செய்யவும். இங்கு C: ட்ரைவில் இயங்குதளம் நிறுவப்பட்டுள்ளது. 

அடுத்து oobe எனும் கோப்பறையினுள் info எனும் கோப்பறையையும் அதனுள் backgrounds எனும் கோப்பறையையும் உருவாக்கவும்.

அதனுள் நீங்கள் பூட்டிங் திரையில் வைக்க விரும்பிய படத்தை காப்பி செய்யவும். அந்த படத்திற்கு backgroundDefault.jpg என்று பெயரை மாற்றிக்கொள்ளவும். அந்த படமானது .jpg இருக்கும் பட்சத்தில்  256 கே.பி அளவுக்குள் இருத்தல் அவசியம் ஆகும். ஒரு முறை கணினியை மறுதொடக்கம் செய்து பாருங்கள் நீங்கள் குறிப்பிட்ட படம் பூட்டிங் திரையாக வந்திருக்கும். 

மென்பொருள் மூலம் பூட்டிங் திரையை மாற்ற

மேலே குறிப்பிட்ட முறையை செய்ய நேரம் போதவில்லை என்போருக்கு எளிதாக இலவச மென்பொருள் உதவியுடன் பூட்டிங் திரையை மாற்றம் செய்வது எப்படி என்று பார்ப்போம்.

மென்பொருளை தரவிறக்க சுட்டி

மென்பொருளை இணையத்தின் உதவியுடன் பதிவிறக்கி கணினியில் நிறுவிக்கொள்ளவும். பின் ஒருமுறை கணினியை மறுதொடக்கம் செய்து கொண்டு பின் VSLogonScreenCustomizer  அப்ளிகேஷனை ஒப்பன் செய்யவும்.

அதில் Open Picture File என்னும் பொத்தானை அழுத்தி படத்தினை தேர்வு செய்யவும். பின் Apply எனும் பொத்தானை அழுத்தவும். User image has been set on logon screen successfully என்ற செய்தி வரும். 

தற்போது கணினியை மறுதொடக்கம் செய்து பாருங்கள், நீங்கள் குறிப்பிட்ட படம் பூட்டிங் திரையாக அமர்ந்திருக்கும்.

மூன்றாம் தர மென்பொருளை பயன்படுத்தி எளிதாக பூட்டிங் திரையை மாற்றிக் கொள்ள முடியும். இது விண்டோஸ் விஸ்டாவிற்கும் பொருந்தும்.

மேலும் வாசிக்க..,