தமிழில் கணினி செய்திகள்

ஆன்லைனில் கோப்புகளை கன்வெர்ட் செய்ய - CloudConvert

♠ Posted by Kumaresan Rajendran in ,,
ஒரு பைல் பார்மெட்டிலிருந்து மற்றொரு பைல் பார்மெட்டாக கன்வெர்ட் செய்ய பல்வேறு மென்பொருள்கள் இணையத்தில் கிடைக்கிறன. ஆன்லைனிலும் நூற்றுகணக்கான இணையதளங்கள் கோப்பினை கன்வெர்ட் செய்து கொள்ளும் வசதியினை வழங்கி வருகிறன. இருப்பினும் உடனடியாக சில கோப்புகளை கன்வெர்ட் செய்து கொள்ளும் வசதி பல இணையதளங்களில் தேடினாலும் கிடைப்பது அரிது. மேலும் gif கோப்புகளை வீடியோ கோப்புகளாக மாற்றுவதற்கு மென்பொருள்களோ , ஆன்லைன் கன்வெர்ட் வசதி கொண்ட இணையதளங்களோ கிடைப்பது மிகவும் அரிதான செயல். இப்படி அனைத்து விதமான வசதிகளையும் கொண்ட கோப்புகளை கன்வெர்ட் செய்யும் இணையதளம் ஒன்று உள்ளது. இதன் மூலம் எளிதாக கோப்புகளை கன்வெர்ட் செய்து கொள்ள முடியும்

தளத்திற்கான சுட்டி 



சுட்டியில் குறிப்பிட்ட தளத்திற்கு சென்று உங்களுக்கு என்று தனியாக பயனர் கணக்கினை உருவாக்கி கொள்ளவும். பயனர் கணக்கு தேவையெனில் மட்டுமே உருவாக்கி கொள்ளவும். பின் கன்வெர்ட் செய்ய வேண்டிய பைல்களை எல்லாம் தேர்வு செய்யவும் பின் எந்த பார்மெட்டில் கன்வெர்ட் செய்யப்பட வேண்டும் என்பதை தெரிவு செய்யவும். அடுத்து Start Conversion என்னும் பொத்தானை அழுத்தவும்.


சிறிது நேரத்தில் உங்களுடைய கோப்புகள் அனைத்தும் கன்வெர்ட் செய்யப்பட்டு விடும். பின் நீங்கள் அதனை பதிவிறக்கம் செய்து கொள்ளவும்.



கோப்புகளை பதிவிறக்கம் செய்ய பல்வேறு வழிமுறைகள் உள்ளன. அதில் ஒன்றுதான் QR Code இதனை பயன்படுத்தியும் கோப்புகளை பதிவிறக்கம் செய்து கொள்ள முடியும்.

குழுவாக Find and Replace செய்ய

♠ Posted by Kumaresan Rajendran in
Find and Replace என்பது குறிப்பிட்ட ஒரு சொற்களையோ அல்லது ஒரு குறிப்பிட்ட வரியினையோ தேடி அதனை மாற்றிக்கொள்ள முடியும். இவ்வாறு செய்ய அனைத்து எடிட்டிங் மென்பொருள்களிலும் வசதி உள்ளது. நாம் இதனை குறிப்பிட்ட ஒவ்வொரு கோப்பினையும் திறந்து , அந்த கோப்பில் மட்டுமே Find and Replace செய்ய முடியும். இதற்கு பதிலாக குழுவாக பல்வேறு கோப்புகளை Find and Replace செய்ய ஒரு வசதி உள்ளது. 

மென்பொருள் நிரலாளர்கள் பல்வேறு பைல்களில் ஒரே நேரத்தில் குறிப்பிட்ட ஒரு வார்த்தையினை மாற்ற வேண்டிய நிலை அடிக்கடி ஏற்படும். இதுபோன்ற நிலையில் பல்வேறு கோப்புகளை குழுவாக Find and Replace செய்ய ஒரு இலவச மென்பொருள் வழிவகை செய்கிறது.

மென்பொருளை தரவிறக்க சுட்டி 


மென்பொருளை தரவிறக்கி பின் அதனை ஒப்பன் செய்யவும். பின் குறிப்பிட்ட பைல்கள் அடங்கிய கோப்பினை தெரிவு செய்யவும். பின் Find Only பொத்தானை அழுத்தவும். அப்போது எத்தனை முறை நீங்கள் தேடிய வார்த்தை உள்ளது என்பதை காட்டும். 


பின்பு எந்த வார்த்தையை மாற்ற வேண்டுமோ அதனை Replace பாக்சில் டைப் செய்து விட்டு பின் Replace பொத்தானை அழுத்தவும். இப்போது நீங்கள் தெரிவு செய்த கோப்பில் நீங்கள் செய்ய மாற்றங்கள் குறிப்பிட்ட வார்த்தையோடு மாற்றம் செய்யப்பட்டு இருக்கும்.

விண்டோஸ் 10 இயங்குதளம் ஜூலை 29 ல் வெளியீடு

♠ Posted by Kumaresan Rajendran in ,
விண்டோஸ் இயங்குதளத்தின் அடுத்த பதிப்பான விண்டோஸ் 10 இயங்குதளம் ஜூலை 29 ம் தேதி வெளியிடப்படும் என அதிகாரப்பூர்வமாக மைக்ரோசாப்ட் நிறுவனத்தால் அறிவிக்கப்பட்டுள்ளது. பயனாளர்களுக்கு சோதனை அடிப்படையில் இலவசமாக ப்ரிவியூ பதிப்பினை வழங்கியது. இந்த பதிப்பில் இருந்த குறைகளை நீக்கி முழு சிறந்த தொகுப்பினை விண்டோஸ் நிறுவனம் வெளியிட உள்ளது.

விண்டோஸ் 10 இயங்குதளத்தில் பல்வேறு சிறப்பம்சங்கள் உள்ளன, மிகச்சிறப்பான ஸ்டார்ட் மெனுவையும், மிக விரைவாக தொடங்குதளையும் , மறுதொடங்குதளையும் கொண்டுள்ளது. வைரஸ் தொல்லைகளிருந்து கணினியை பாதுகாக்கும் விதமாக விண்டோஸ் 10 இயங்குதளத்துடன் இலவசமாகவே விண்டோஸ் டிபெண்ட்டர் ஆண்டி மால்வேர் மென்பொருள் வருகிறது.

விண்டோஸ் 10 சிறப்பம்சங்கள்:

  • Cortana: இந்த வசதி தற்போது விண்டோஸ் மொபைல்களில் அறிமுகப்படுத்தப்பட்டுள்ளது. இது தற்போது விண்டோஸ் இயங்குதளத்திலும் வரஉள்ளது. இதன் மூலம் எளிமையாக நினைவூட்டல் (Reminders) , தகவல்களை மிக விரைவாக தேடும் வசதியையும் பெற முடியும்.
  • Microsoft EDGE: மைக்ரோசாப்ட் நிறுவனத்தின் புதிய உலாவி, இதுவரை வெளிவந்த இயங்குதளங்களில் இண்டர்நெட் எக்ஸ்புளோரர் உலாவி இருப்பியல்பாகவே இருந்து வந்தது , இனி அதற்கு பதிலாக மைக்ரோசாப்ட் எட்ஜ் உலாவி வெளிவர உள்ளது.
  • மைரோசாப்ட் ஆப்பிஸ்: விண்டோஸ் இயங்குதளங்கள் வெளியிடும் போது, ஆப்பிஸ் பதிப்புகளின் புது வெளியீடு வெளியிடப்படும்.  தற்போது விண்டோஸ் 10 இயங்குதளம் வெளிவர உள்ள நிலையில் மைக்ரோசாப்ட் ஆப்பிஸ் 2016 பதிப்பும் வெளிவர உள்ளது.
  • Xbox: எக்ஸ் பாக்ஸ் விளையாட்டு அப்ளிகேஷன் விண்டோஸ் 10 இயங்குதளத்துடன் இருப்பியல்பாகவே வெளிவர உள்ளது. இதன் மூலம் விண்டோஸ் கணினிகளை நெட்வோர்க்கில் இணைத்து விளையாட முடியும்.
இதுபோன்று பல்வேறு விதமான வசதிகளுடன் ஜூலை 29, 2015 அன்று விண்டோஸ் 10 இயங்குதளம் வெளிவர உள்ளது. தற்போது நீங்கள் வாங்கும் கணினியில் விண்டோஸ் 8.1 இயங்குதளம் இருப்பின் அதனை நீங்கள் விண்டோஸ் 10 ஆக புதுப்பித்து கொள்ள முடியும்.

ஆன்ட்ராய்ட் அடுத்த பதிப்பு - Android M

♠ Posted by Kumaresan Rajendran in
ஆன்ட்ராய்ட் இயங்குதளம் மொபைல் மற்றும் டேப்லெட் சாதனங்களில் அதிகமாக பயன்படுத்தப்பட்டு வருகிறது. இந்த ஆன்ட்ராய்ட் சாதனங்களுக்கு என அப்ளிகேஷன்கள் மற்றும் விளையாட்டு செயலிகள் லட்சக்கணக்கில் இலவசமாகவே கிடைக்கிறது. இதனால் ஆன்ட்ராய்ட் இயங்குதளம் கொண்ட மொபைல்கள் சந்தையில் அதிகளவு பயன்படுத்தப்பட்டு வருகிறது. இதன் காரணமாக ஆன்ட்ராய்ட் இயங்குதளத்தின் மதிப்பு அதிகரித்து கொண்டோ வருகிறது.

இந்த ஆன்ட்ராய்ட் இயங்குதளத்தின் ஏழாவது வெளியீடான Android  M சோதனை பதிப்பு தற்போது டெவலப்பர்களுக்காக நெக்சஸ் (5,6,9 மற்றும் ப்ளேயர்) சாதனங்களில் மட்டும் இயங்கும் வன்னம் வெளியிடப்பட்டுள்ளது. இந்த புதிய பதிப்பில் ஆன்ட்ராய்ட் இயங்குதளத்தில் இருக்கும் முக்கியமான பிரச்சினைகள் சரி செய்யப்பட்டுள்ளது. அதில் சில முக்கிய அம்சங்களை பற்றி பார்ப்போம்.


மென்பொருள் அனுமதி:
ஆன்ட்ராய்ட் 5.0 இயங்குதளத்தில் செயலிகளை நிறுவும்போது மட்டுமே முழு அனுமதியையும் கேட்கும். ஆனால் இந்த ஆன்ட்ராய்ட் 6.0 (Android M) ல் , அப்ளிகேஷன்களை பயன்படுத்தும் போதும் இந்த அனுமதியை கேட்கும் வன்னம் அமைக்கப்பட்டுள்ளது. இதன் காரணமாக உங்களுடைய ஆன்ட்ராய்ட் சாதனம் மிக விரைவாக செயல்படும். 


பேட்டரியின் செயல்பாடு:
ஆன்ட்ராய்ட் இயங்குதளத்தில் மிகப்பெரிய பிரச்சினை என்னவெனில் பேட்டரியின் செயல்பாட்டு திறன். இதனை சரி செய்யும் விதத்தில் ஆன்ட்ராய்ட் எம் இயங்குதளத்தில் Called Doze என்னும் புதிய நுட்பம் அறிமுகப்படுத்தப்படுகிறது. இதன்மூலம் ஆன்ட்ராய்ட் இயங்குதளத்தில் பின்புலமாக இயங்கும் சில அப்ளிகேஷன்கள் நிறுத்தப்படும். இதன் காரணமாக பேட்டரிகளின் ஆயுள்காலம் நீடிக்கும். மேலும் USB Type-C என்னும் வசதி மூலமாக மிக விரைவாக சார்ஜ் செய்து கொள்ளும் வசதியும் இந்த பதிப்பில் வெளிவர உள்ளது என்பது கூடுதல் செய்தியாகும்.


டேப்:
ஆன்ட்ராய்ட் எம் இயங்குதளத்தில் டேப் என்னும் புதிய வசதி அறிமுகப்படுத்தபட உள்ளது. இதன் மூலம் அனைத்து உதவிகளையும் கூகுள் மூலமாக எளிதில் பெற முடியும். உதாரணமாக உங்கள் நண்பர் ஒரு ரெஸ்டாரண்டினை பற்றி குறுந்தகவல் அனுப்புகிறார். நீங்கள் அந்த ரெஸ்டாரண்ட் பற்றிய முழுவிவரங்களையும் மிக விரைவாக பெற முடியும். குறிப்பிட்ட அப்ளிகேஷனில் பணியாற்றிக்கொண்டே நமக்கு தேவையான தகவல்களை பெற முடியும். 


Fingerprint (கைரேகை):
கணினிகளில் முன்பிருந்தே இந்த சேவை உள்ளது, பாதுகாப்பாக கணினியை வைத்துகொள்ள கடவுச்சொல் கொண்டு பூட்டிவைப்போம். அதற்கு சிறந்த வழியாக இந்த Fingerprint வசதி இருக்கிறது. இதன் மூலம் உங்களுடைய கணினியை எவரும் பயன்படுத்த இயலாது. தற்போது ஆன்ராய்ட் எம் இயங்குதளத்திலும் இந்த Fingerprint வசதி அறிமுகப்படுத்தப்பட்டுள்ளது. இதன் மூலம் உங்களுடைய சாதனம் காக்கப்படும்.

கூகுள் குரோம் டேப்:
இந்த வசதி மூலம் இணையத்தில் குரோம் உலாவியில் உலாவரும் போதே ஆன்ட்ராய்ட் அப்ளிகேஷன்களை அடுத்த டேப்களில் பயன்படுத்திக்கொள்ள முடியும். 

பேஸ்புக்கில் உள்ள படங்களை ஜூம் செய்து பார்க்க

பேஸ்புக் தளத்தில் தினமும் லட்சக்கணக்கான போட்டோக்கள் பதிவேற்றம் மற்றும் பகிர்ந்துகொள்ளப்படுகிறது. இவ்வாறு உள்ள போட்டோக்களை நாம் ஒப்பன் செய்து பார்த்தால் மட்டுமே முழு போட்டோவினையும் முழுமையாக காண முடியும். இதற்கு பதிலாக போட்டோவினை ஒப்பன் செய்யாமலையே , போட்டோக்களை ஜூம் செய்து பார்க்கவும் முடியும் இதற்கு கூகுள் குரோம் நீட்சி ஒன்று உதவி செய்கிறது.

நீட்சியினை  குரோம் உலாவியில் இணைத்து கொள்ள சுட்டி


சுட்டியில் குறிப்பிட்ட தளத்திற்கு சென்று நீட்சியினை குரோம் உலாவியில் இணைத்துக்கொள்ளவும். பின் ஒருமுறை குரோம் உலாவியை மறுதொடக்கம் செய்யவும். இப்போது உங்களுடைய முகநூல் கணக்கில் நுழைந்து ஏதாவது ஒரு படத்தின் மேல் உங்களுடையை சுட்டெலியை கொண்டு செல்லவும். தற்போது போட்டோவானது ஜூம் செய்யப்படும்.



மேலும் குழுவாக முகநூலில் உள்ள அனைத்து போட்டோக்களையும் இந்த வசதியை பயன்படுத்தி எளிமையாக ஜூம் செய்து பார்த்துக்கொள்ள முடியும்.

எந்தெந்த நேரத்தில் அப்ளிகேஷன்ளை ஒப்பன் செய்ய வேண்டும்

♠ Posted by Kumaresan Rajendran in ,,
கடிகாரம் மற்றும் மொபைல் போன்களில் அலராம் என்ற ஒரு வசதி இருக்கும் அதனை பயன்படுத்தி குறிப்பிட்ட நேரத்தில் அலாரத்தினை ஒலிக்க செய்து பயன்படுத்திக்கொள்ள முடியும். அதனை போன்று வலைதளங்களில் ஒரு குறிப்பிட்ட நேரத்தில் ஒரு குறிப்பிட்ட செயலை செய்ய CRON JOB மற்றும் CURL போன்ற வசதிகள் பயன்படுகிறன. இவைகளைப்போன்று விண்டோஸ் இயங்குதளத்தில் ஒரு குறிப்பிட்ட நேரத்தில் குறிப்பிட்ட அப்ளிகேஷனை தானாகவே செயல்படுத்த முடியும். இதற்கு Freebyte Task Scheduler என்னும் மென்பொருள் வழிவகை செய்கிறது.

மென்பொருளை தரவிறக்க சுட்டி


மென்பொருளை தரவிறக்கி அன்ஜிப் செய்து பின் ஒப்பன் செய்யவும். இது ஒரு போர்ட்டபிள் அப்ளிகேஷன் ஆகும். மேலே குறிப்பிட்ட விண்டோ போன்று தோன்றும் அதில் + பொத்தானை அழுத்தவும்.


அடுத்ததாக தோன்றும் விண்டோவில் உங்கள் விருப்ப படி தேர்வுகளை தெரிவு செய்து கொள்ளவும். Program location என்பதனை தெரிவு செய்து எந்த அப்ளிகேஷனை ஒப்பன் செய்ய வேண்டுமோ அதனை தேர்ந்தெடுக்கவும்.  பின் Save பொத்தானை அழுத்தி சேமித்து கொள்ளவும். Active செக் பாக்ஸ் செக் செய்யப்பட்டிருக்க வேண்டும்.


நாம் உருவாக்கிய அட்டவனைகளை (Scheduler) நீக்கி கொள்ளவோ அல்லது மாற்றியமைத்து கொள்ளவோ முடியும். இது ஒரு இலவச மென்பொருள் ஆகும்.

ஈமெயில்கள் ஒப்பன் செய்யப்பட்டதா என்பதை அறிய

ஸ்மார்ட் போன்கள் மூலம் தற்போது தகவல் பரிமாற்றம் என்பது மிகவும் எளிதாகிவிட்டது. குறுந்தகவல் அனுப்பும் காலம் மலையேறும் தொலைவில் இல்லை. தற்போது வாட்ஸ்அப், கைக், டெலிகிராம் போன்ற இலவச தகவல் பரிமாற்ற செயலிகளின் வழியே விரைவாக நாம் தகவல்களை பரிமாறிக்கொள்கிறோம். இவ்வாறு அனுப்பபடும் தகவல் குறிப்பிட்ட மொபைல் எண்னுக்கு சென்றடைந்துவிட்டதா, அச்செய்தி ஒப்பன் செய்யப்பட்டதா என்பதையெல்லாம் அறிய முடியும். இதற்கு அச்செயலிகளிலையே வசதிகள் உள்ளன.  அதை போன்று நாம் அனுப்பும் மின்னஞ்சல்களுக்கும் இதுபோன்ற வசதி இருப்பின், மிகவும் பயனுள்ளதாக இருக்கும். இதுபோன்ற வசதி எந்த மின்னஞ்சல் சேவை வழங்கும் நிறுவனத்திடமும் இல்லை. இந்த வசதியை நாம் ஜிமெயிலில் கூகுள் குரோம் உலாவியில் ஒரு நீட்சியின் துணைகொண்டு பெற முடியும்.

நீட்சியை குரோம் உலாவியில் இணைக்க சுட்டி


நீட்சியை குரோம் உலாவியில் இணைத்துகொள்ளவும். பின் ஒரு முறை குரோம் உலாவியை மறுதொடக்கம் செய்யவும். பின் உங்களுடைய ஜிமெயில் கணக்கில் உள்நுழையவும்.


உள்நுழைந்தவுடன் தோன்றும் சாளரப்பெட்டியில் ACTIVATE MAILTRACK என்னும் பொத்தானை அழுத்தவும்.


அடுத்ததாக தோன்றும் விண்டோவானது MailTrack வசதியினை உங்களுடைய மின்னஞ்சலில் தொடங்க உங்களிடம் அனுமதி கேட்கும். நீங்கள் Accept பொத்தானை அழுத்தவும். அவ்வளவுதான் வேலை முடிந்தது. இனி நீங்கள் அனுப்பும் மின்னஞ்சல்கள் முறையாக கண்கானிக்கப்பட்டு அது ஒப்பன் செய்தால் அறிவிப்பு செய்தி வரும்.



மேலும் நீங்கள் அனுப்பிய மின்னஞ்சலுக்கு அருகே பச்சை நிற கோடு இருக்கும். அதன் அருகே சுட்டெலியை கொண்டு சென்றால், குறிப்பிட்ட மின்னஞ்சலின் தற்போதைய நிலையை அறிந்து கொள்ள முடியும்.

வலைதளங்களுக்கான அழிப்பான் - கூகுள் குரோம் நீட்சி

நாம் தினமும் பல்வேறு விதமான இணையதளங்களை பார்வையிடுகிறோம். அதில் பல இணையதளங்களில் முகம் சுழிக்க வைக்கும் பல செய்திகளையோ அல்லது விளம்பரங்களையோ பார்ப்போம். இவ்வாறு நாம் பார்க்கும் குறிப்பிட்ட ஒரு இணையத்தில் இருக்கும் வீடியோவினையோ அல்லது ஒரு செய்தியினை மட்டுமோ நீக்குவது என்பது சதாரண வழி இல்லை. வேண்டுமெனில் ஒரு குறிப்பிட்ட இணையதளத்தை வேண்டுமெனில் முழுவதுமாக முடக்க முடியும்.

சரி மேலே கூறியது போல ஒரு குறிப்பிட்ட தளத்தில் இருக்கும் சில பகுதியை மட்டும் நீக்க கூகுள் குரோம் உலாவியில் ஒரு நீட்சி உள்ளது. இதன் மூலம் எளிமையாக நீக்கி கொள்ள முடியும்.

நீட்சியை குரோம் உலாவியில் இணைக்க சுட்டி




சுட்டியில் குறிப்பிட்ட தளத்திற்கு சென்று நீட்சியை குரோம் உலாவியில் இணைத்து கொள்ளவும். பின் ஒருமுறை கணினியை மறுதொடக்கம் செய்து விட்டு பின் குரோம் உலாவியினை ஒப்பன் செய்யவும்.


பின் அட்ரஸ் பாரின் அருகில் Page Eraser ஐகான் இருக்கும். அதனை கிளிக் செய்து பின் உங்களுக்கு தேவையில்லாத செய்திகளையோ அல்லது விளம்பரங்களையோ எளிதாக அளித்துக்கொள்ள முடியும்.


மேலே குறிப்பிட்டுள்ள படத்தில் Page eraser யை பயன்படுத்தி தலைப்பினை நீக்கியுள்ளேன். ஒருமுறை நீக்கிவிட்டால் அவ்வளவு தான் அது மீண்டும் வரவே வராது. அப்படி மீண்டும் நீக்கிய செய்திகளை வரச்செய்ய வேண்டுமெனில் Page Eraser ஐகான் மீது வலது கிளிக் செய்து தோன்று தேர்வில் Options என்பதை தெரிவு செய்ய வேண்டும்.


இதில் எவற்றையெல்லாம் Pageeraser துணைகொண்டு நீக்கியுள்ளோமோ அவை அனைத்தும் பட்டியலிடப்படும். அவற்றையெல்லாம் மீண்டும் வரச்செய்ய வேண்டுமெனில் குறிப்பிட்ட வலைதள முகவரியை மட்டும் நீக்கி விட்டால் போதுமானது. இப்போது மீண்டும் சென்று வலைதளத்தில் பார்த்தால் தற்போது அந்த செய்தி மற்றும் விளம்பரங்கள் வந்திருக்கும். 

கூகுள் மூலமாக தேடிய உங்களுடைய வரலாற்றை அறிய (Google - Search History)

♠ Posted by Kumaresan Rajendran in
கூகுள் மூலமாக மட்டுமே நாம் பல்வேறு இணைய தள முகவரிகளை கண்டறியக்கூடும். நமக்கு ஏதும் சந்தேகம் ஏற்பட்டால் உடனே கூகுள் மூலமாக தேடி குறிப்பிட்ட செய்தியை பெற்றுக்கொள்வோம். இவ்வாறு நாம் கூகுளின் மூலமாக எப்படி, எந்த நேரத்தில் எல்லாம் தேடியுள்ளோம் என்பதை எளிதில் அறிந்து கொள்ள முடியும். 

தளத்திற்கான சுட்டி




இந்த தளத்தில் நீங்கள் உள்நுழைந்தவுடன் வகை வாரியாக உங்களுடைய வரலாற்றினை பட்டியட்டு காட்டும். மேலும் மாத வாரியகவும், வார வாரியகவும், மேலும் மணி வாரியாகவும் இதனை பிரித்து காட்டும். நீங்கள் கூகுள் மூலமாக தேடிய இவற்றை அளித்துக்கொள்ளவும் முடியும்.


குறிப்பிட்ட தெரிவுகளை தெரிவு செய்து பின் அதனை நீக்கி கொள்ளவும், தரவிறக்கம் செய்து கொள்ளவும் முடியும்.


நீங்கள் குறிப்பிட்ட உங்களுடைய கூகுள் கணக்கில் உள்நுழைந்த பின்னரே இவற்ற எல்லாம் காண முடியும். மேலும் உங்களுடைய கணக்கு உழ்நுழைந்த பின் தேடியவற்றை மட்டுமே மேலே குறிப்பிட்டுள்ள தளத்தில் காண முடியும்.




Google - Search History வசதியினை டிசேபிள் செய்ய:
நண்பர் கதிர்வேல் கூறியதை தொடர்ந்து , Google Search history வசதியினை டிசேபிள் செய்வது எப்படி என்று பார்ப்போம்.

மேலே குறிப்பிட்டுள்ள சுட்டியில் நுழைந்த பின் செட்டிங்ஸ் ஐகானை கிளிக் செய்து, தோன்றும் தேர்வில் Settings என்பதை கிளிக் செய்யவும்.


அடுத்ததாக தோன்றும் விண்டோவில் Your searches and browsing activity என்பதற்கு எதிரே உள்ள இழு விசை பொத்தானை இடது பக்கமாக கிளிக் செய்யவும்.


அடுத்ததாக தோன்றும் விண்டோவில் PAUSE என்னும் பொத்தானை அழுத்தவும்.


அவ்வளவு தான் வேலை முடிந்தது. இனி நீங்கள் உங்களுடைய கூகுள்கணக்கில் உள்நுழைந்து தேடும் எதுவும் , கூகுள் மூலமாக சேமிக்க படாது.


மேலும் இது போன்று யூடுப் தளத்தில் நாம் தேடும் அல்லது பார்க்கும் வீடியோக்களையும் சேமித்து வைத்திருக்கும், அதனையும் நமது வசதிகேற்ப மாற்றியமைத்து கொள்ள முடியும். அதற்கு மேலே குறிப்பிட்டுள்ள விண்டோவில் தோன்றுவது போல் SHOW MORE SETTINGS பொத்தானை கிளிக் செய்யவும்.


யூடுப்பில் தேடும் அனைத்து விதமான வீடியோ பட்டியலும், பார்க்கபடும் வீடியோ பட்டியலும் தனித்தனியே சேமிக்க படும். மேலும் கூகுள் வாய்ஸ் மூலம் நாம் தேடும் தேடல்களும் தனியே சேமிக்கப்படும். இவையனைத்தையும் நாம் டிசேபிள் செய்து வைத்துக்கொள்ள முடியும்.

இணையத்தின் உதவியுடன் ட்ரைவர்களை இன்ஸ்டால்/அப்டேட் செய்ய

♠ Posted by Kumaresan Rajendran in ,,,
கணினியில் விண்டோஸ் இயங்குதளத்தை நிறுவியவுடன் அதன் கூடவே ட்ரைவர்களையும் நிறுவ வேண்டும் இல்லையெனில் இயங்குதளத்தின் செயல்பாடுகள் திருப்தி அளிக்க கூடிய வகையில் கண்டிப்பாக இருக்காது. ஆடியோ பிரச்சினை அல்லது ஏதேனும் வன்பொருள் பிரச்சினைகள் கண்டிப்பாக எழும். இதுபோன்ற நிலையில் இணையத்தின் உதவியுடன் தேவையான ட்ரைவர்களை நிறுவிக்கொள்ள முடியும் மேலும் பதிவேற்றமும் செய்து கொள்ள முடியும். இதன் மூலம் அனைத்து விதமான செயல்பாடுகளும் உங்களுடைய கணினியில் திருப்தி அளிக்க கூடிய வகையில் இருக்கும். 

இதில் சில பிரச்சினைகள் எழும். அவை முதன்முதலாக கணினில் இயங்குதளத்தினை நிறுவிய பின், லேன் (Ethernet) கேபிள் மூலமாக இணையத்தை இணைக்க முடியாது. இதற்கு ஒரு சில ட்ரைவர்கள் தேவைப்படும். அதுபோன்ற நிலையில் USB மோடம் அல்லது மெபைல் போனின் உதவியுடன் இணையத்தை பயன்படுத்தி எளிதாக குறிப்பிட்ட ட்ரைவர்களை கணினியில் நிறுவிக்கொள்ள முடியும். 

மென்பொருளை தரவிறக்க சுட்டி




மென்பொருளை தரவிறக்கி பின் செய்து, குறிப்பிட்ட அப்ளிகேஷனை ஒப்பன் செய்யவும். ஒப்பன் செய்தவுடன் மேலே தோன்றும் விண்டோ போன்று வரும். அதில் உங்கள் கணினியில் இல்லாத, மற்றும் பதிவேற்றம் செய்யப்பட வேண்டிய ட்ரைவர்களை சிறிது நேரத்தில் கணக்கிட்டு காட்டும்.  அதனை கிளிக் செய்து குறிப்பிட்ட ட்ரைவர்களை தெரிவு செய்து பின் Install என்னும் பொத்தானை அழுத்தவும்.


சிறிது நேரத்தில் ட்ரைவரானது இணையத்தின் உதவியுடன் பதிவிறக்கம் செய்யப்பட்டு கணினியில் நிறுவப்பட்டும் விடும்.


விண்டோஸ் இயங்குதளத்தில் ட்ரைவர்களை பதிவேற்றம் செய்ய இது ஒரு நல்ல வழி ஆகும். மேலும் இந்த மென்பொருள் இலவச மென்பொருள் ஆகும். 

GIF - இமேஜ்களை உருவாக்க

இணையத்தில் நாம் பார்க்கும் ஒரு நிகழ்வினை படமாக்க வேண்டுமெனில், சாதரணமாக விண்டோஸ் இயங்குதளத்தில் PrtScn பொத்தானை அழுத்தி நாம் பார்க்கும் கணினி திரையினை முழுவதுமாக நகலெடுத்துக்கொள்ள முடியும். இது வெறும் (.jpeg, .png, .tiff) போன்ற பார்மெட்களில் மட்டுமே கணினியில் சேமித்து வைத்துக்கொள்ள முடியும். 

நாம் கணினியில் பார்க்கும் நிகழ்வினை தொடர்ச்சியாக படமாக்க வேண்டுமெனில் ஒன்று வீடியோ எடுக்க வேண்டும். இல்லையெனில் அதனை .gif பைல் பார்மெட்டில் போட்டோவாக எடுக்க வேண்டும்.  .gif இமேஜினை உருவாக்க  ScreenToGif என்ற மென்பொருள் உதவி செய்கிறது.

மென்பொருளை தரவிறக்க சுட்டி




மென்பொருளை தரவிறக்கி பின் அன்ஜிப் செய்துகொண்டு பின் Screen To Gif அப்ளிகேஷனை ஒப்பன் செய்யவும். இதனை கொண்டு கணினியில் நடக்கும் அனைத்து விதமான செயல்களையும் படம் பிடிக்க முடியும். நான் வேர்ட் தொகுபினை படம் எடுத்துள்ளேன்.

எப்பொழுது படம் எடுக்க வேண்டுமோ அப்போது Record என்னும் பொத்தானை அழுத்தவும். உடனே ரெக்கார்ட் ஆக தொடங்கி விடும். பாதியில் நிறுத்த வேண்டுமெனில் Pasue பொத்தானை அழுத்தி நிறுத்தி கொள்ளவும். பின் இறுதியாக ரெக்கார்ட் முடிந்தவுடன் Stop பொத்தானை அழுத்தி ரெக்கார்டினை நிறுத்திக்கொள்ளவும்.


அடுத்து தோன்றும் விண்டோவில் Done என்னும் பொத்தானை அழுத்தவும். உடனே ஜிப் பைலை எங்கு சேமிக்க வேண்டும் என்பதை தெரிவு செய்து சேமித்துக்கொள்ளவும்.


மேலே குறிப்பிட்ட விண்டோவானது நானே உருவாக்கிய ஜிப் பைல் ஆகும். மேலும் இந்த மென்பொருளில் பல்வேறு வசதிகள் உள்ளன. ஜிப் பைலின் வேகத்தை நமது வசதிக்கு ஏற்றவாறு மாற்றியமைத்துக்கொள்ள முடியும்.

இதனைப்போன்று Frame வசதியினை கொண்டு ஜிப் பைலினை எளிதாக அழகு தோற்றத்தில் மாற்ற முடியும். இது ஒரு இலவச மென்பொருள் ஆகும்.

விண்டோஸ் இயங்குதளத்தில் டாஸ்க்பார் கடிகாரத்தில் விநாடிகளை காட்ட

விண்டோஸ் இயங்குதளத்தில் டாஸ்க்பார் கடிகாரத்தில் மணி மற்றும் நிமிடங்கள் மட்டுமே காட்டும். மேலும் குறிப்பிட்ட தேதியினையும் காட்டும் விநாடி காட்டப்பட மாட்டது. இந்த விநாடியினை காட்ட ஒரு சிறிய மென்பொருள் வழிவகை செய்கிறது.



மென்பொருளை தரவிறக்க சுட்டி 




மென்பொருளை தரவிறக்கம் செய்து அன்ஜிப் செய்து கொள்ளவும். பின் Clock என்னும் அப்ளிகேஷனை ஒப்பன் செய்யவும். உங்கள் கணினி 64 பிட் என்றால் Clock64 என்ற அப்ளிகேஷனை ஒப்பன் செய்யவும். சிறிது நேரத்தில் டாஸ்க்பார் கடிகாரத்தில் விநாடியானது ஓடத் துவங்கி விடும்.  இந்த மென்பொருள் விண்டோஸ் 7 / 8.1 / 10 ஆகிய இயங்குதளங்களில் இயங்க கூடியது ஆகும்.

ஒரே நேரத்தில் அனைத்து சமூக வலைதளங்களிலும் பயனர்பெயரை தெரிவு செய்ய

♠ Posted by Kumaresan Rajendran in ,
சமூக வலைதளங்களின் வருகையும் செயல்பாடும் நாளுக்கு நாள் அதிகரித்து கொண்டே வருகிறது. இணையத்தை பயன்படுத்துபவர்கள் பெரும்பாலும் சமூக வலைதளங்களிலும் உலாவுவது அதிகம். ஒரு பயனர் ஒரே ஒரு சமூக வலைதளத்தில் மட்டும் கணக்கு வைத்துகொண்டு இருப்பார் என்று கூற முடியாது. பல சமூக வலைதளங்களில் கணக்கு வைத்திருக்கும் போது ஒவ்வொரு தளத்திலும் ஒரு பயனர் பெயர் என்றால், கண்டிப்பாக நினைவில் வைத்துக்கொள்ள முடியாது. 

ஒரே பயனர் பெயரை பயன்படுத்தினால் நன்றாக இருக்கும். இவ்வாறு குறிப்பிட்ட ஒரு பயனர்பெயரை மட்டும் பயன்படுத்தும் போது தனியொரு அடையாளம் கிடைக்கும். மேலும் நம்முடைய நண்பர்களும் எளிதாக நம்மை கண்டறிய முடியும். 

அனைத்து சமூக வலைதளங்களிலும் குறிப்பிட்ட பயனர்பெயர் இருக்கிறதா என்று தனித்தனியாக தேடிச்சென்றால் கண்டிப்பாக அது தோல்வியில் தான் முடியும். இதற்கு என்று ஒரு தளம் உள்ளது இந்த தளத்தின் மூலமாக 150+ மேற்பட்ட சமூக வலைதளங்களில் உங்கள் பெயர் பயனர்பெயராக தெரிவு செய்ய முடியுமா என்பதை எளிதாக அறிந்து கொள்ள முடியும். எந்தெந்த சமூக வலைதளங்களில் பெயர் இருக்கிறதோ அவை பச்சை நிறமிட்டு Available என்றும். பயனர்பெயர் இல்லாத தளங்களில் வெளிர் சிகப்பு நிறமிட்டு taken என்றும் இருக்கும். இந்த வசதியை பயன்படுத்தி குறிப்பிட்ட பயனர்பெயரை அனைத்து சமூக வலைதளங்களிலும் பயன்படுத்திக்கொள்ள முடியும்.


தளத்திற்கான சுட்டி

Facebook வீடியோக்களை தரவிறக்கம் செய்ய

♠ Posted by Kumaresan Rajendran in ,,
எந்த ஒரு மூன்றாம் தர மென்பொருள் உதவியும் இல்லாமல் முகநூலில் உள்ள வீடியோக்களை தரவிறக்கம் செய்ய ஒரு எளிய வழி உள்ளது. முகநூலில் உலாவும் போது நாம் பல வீடியோக்களை காண்போம் அதனை இணையத்தில் உதவியுடன் மட்டுமே காண முடியும். அதனை கணினியில் தரவிறக்கம் செய்ய முயன்றால் வீடியோவினை தரவிறக்கம் செய்ய முடியாது.  இதற்கு ஒரு எளிய முறை உள்ளது.

முகநூல் தளத்தில் நீங்கள் ஒரு வீடியோவினை தரவிறக்கம் செய்ய முதலில், முகவரியில் (URL)  WWW என்பதனை நீக்கிவிட்டு அதற்கு பதிலாக m என்று உள்ளிட்டு Enter பொத்தானை அழுத்தவும். இப்போது முகநூல் பக்கமானது மொபைல் சாதனத்தில் தோன்றுவதை போல் தெரியும். நீங்கள் வீடியோவினை ப்ளே செய்து விட்டு, வீடியோவின் மீது சுட்டெலியின் உதவியுடன் வலது கிளிக் செய்து தோன்றும் விண்டோவில் Save video as... என்னும் தெரிவினை தேர்வு செய்து வீடியோவினை எளிமையாக தரவிறக்கம் செய்து கொள்ள முடியும்.


கணினியில் முகநூல் வீடியோக்களை தரவிறக்கம் செய்ய இது ஒரு எளிய முறை ஆகும்.

கணினியில் மறைந்துள்ள கோப்புகளை கண்டறிய / விண்டோஸ் இயங்குதளத்தில் மறைந்துள்ள கோப்புகளை தேட

♠ Posted by Kumaresan Rajendran in ,,
விண்டோஸ் இயங்குதளத்தில் மறைந்துள்ள கோப்புகளை தேடி கண்டறியவும், கணினியை பற்றி முழு விவரங்களை அறியவும். மேலும் குறிப்பிட்ட கோப்பினை முழு விவரத்தை தெரிந்து கொள்ளவும். உலாவிகளின் வழியாக தேடிய வலைதள முகவரியை மீண்டும் தேடி பெறவும் PCFerret  மென்பொருள் உதவி செய்கிறது.

மென்பொருளை தரவிறக்க சுட்டி 




மென்பொருளை தரவிறக்கி கணினியில் நிறுவிக்கொள்ளவும். பின் PCFerret  மென்பொருளை ஒப்பன் செய்யவும். இதில் பல டேப்கள் இருக்கும். திறந்தவுடன் கணினியின் தகவல்களை பார்க்க முடியும். அடுத்த டேப்பினை  (Full System Details) கிளிக் செய்தவுடன் கணினியில் முழுவிவரத்தையும் அறிந்து கொள்ள முடியும்.


ADS என்னும் டேப்பினை அழுத்தி தோன்றும் விண்டோவில், மறைந்துள்ள கோப்புகளை கண்டறிய முடியும். அடுத்த டேப்பினை (Find Files By Type) அழுத்தவும். தோன்றும் விண்டோவில்  குறிப்பிட்ட கோப்பினை தேர்வு செய்து கோப்பின் முழுவிவரங்களையும் அறிந்து கொள்ள முடியும்.



உலாவியின் வழியாக தேடிய முகவரிகளை பெற முடியும். மொசில்லா பயர்பாக்ஸ், இண்டர்நெட் எக்ஸ்புளோரர், கூகுள் குரோம், ஒபேரா , ஆப்பிள் சபாரி, சீ மன்ங்கி போன்ற உலாவிகளின் முகவரிகளை எளிதாக இந்த PCFerret  மென்பொருள் வழியாக பெற்றுக்கொள்ள முடியும்.



மிகவும் பாதுகாப்பான கடவுச்சொல்லை உருவாக்கவும், இந்த மென்பொருள் வழிவகை செய்கிறது. Tools டேப்பினை கிளிக் செய்து, Generate Password  என்னும் தேர்வினை கிளிக் செய்யவும். தோன்றும் விண்டோவில் குறிப்பிட்ட தேர்வுகளை தெரிவு செய்து கொண்டு Generate New Password  என்னும் பொத்தானை அழுத்தவும். புதிது புதிதாக கடவுச்சொல்லை பெற்றுக்கொள்ள முடியும். மேலும் Hash  மதிப்புகளையும் உருவாக்கி கொள்ள முடியும்.

இந்த மென்பொருள் வழியாக கணினியை பற்றியும், கணினியின் முக்கியமான அம்சங்களையும் எளிதாக அறிந்து கொள்ள முடியும். இது ஒரு இலவச மென்பொருள் ஆகும்.

SecretFolder - போல்டர் லாக்

♠ Posted by Kumaresan Rajendran in ,,
கோப்புகளை இரகசியமாக பூட்டி வைக்கவும், முக்கியமான சில தகவல்களை பாதுகாத்து கொள்வதற்கும், விண்டோஸ் இயங்குதளத்திற்கு என பல்வேறு மென்பொருள் உள்ளன. அதில் ஒன்றுதான் SecretFolder .


மென்பொருளை தரவிறக்க சுட்டி 


மென்பொருளை தரவிறக்கி கணினியில் நிறுவிக்கொள்ளவும். மென்பொருளை நிறுவும் போதே கடவுச்சொல் கேட்கும் அதனை உள்ளிட்டு கொள்ளவும். பின் இந்த மென்பொருளை ஒப்பன் செய்து Add பொத்தானை அழுத்தி எந்தெந்த கோப்புகளை லாக் செய்ய வேண்டுமோ அதனை தெரிவு செய்யவும். பின் Lock என்ற பொத்தானை அழுத்தவும். நீங்கள் தெரிவு செய்த கோப்புகள் லாக் செய்யப்பட்டு விடும். 

மீண்டும் லாக் செய்த கோப்பினை அன்லாக் செய்ய, SecretFolder  அப்ளிகேஷனை ஒப்பன் செய்யவும். பின் எந்தெந்த கோப்புகளை அன்லாக் செய்ய வேண்டுமோ அதனை தெரிவு செய்து பின் Unlock பொத்தானை அழுத்தவும். 


நீங்கள் SecretFolder ன் கடவுச்சொல்லை மாற்றிக்கொள்ளவும் முடியும். இதற்கு Preferences என்னும் பொத்தானை அழுத்தவும். தோன்றும் விண்டோவில் Change password என்னும் பொத்தானை அழுத்தி கடவுச்சொல்லை மாற்றியமைத்துக்கொள்ள முடியும். 

கோப்புகளை பாதுகாப்பாக வைத்துக்கொள்ள இந்த மென்பொருள் கண்டிப்பாக உதவும்.