வலைப்பூவைப்பற்றி

மதிப்பிளிகள்

தொடர்புகொள்ள

என்னைப்பற்றி

முகநூல்

டுவிட்டர்

தமிழ் கம்ப்யூட்டர்

தமிழில் கணினி செய்திகள்

ஆன்லைன் ஷாப்பிங்கில் பொருட்களை சரியான விலைகொடுத்து வாங்குவது எப்படி - Buyhatke

♠ Posted by Kumaresan Rajendran in ,,,,,
இன்றைய காலகட்டத்தில் நாம் எந்த பொருட்களை வாங்க நினைத்தாலும் நாம் முதலில் செல்வது ஆன்லைன் வர்த்தக தளங்களுக்குதான் அதிலும் மிக முக்கியமாக எலெக்ட்ரானிக் பொடுட்களான மொபைல், கணினி போன்ற பொருட்கள் அதிகமாக வாங்கப்படுகிறது இதற்கு மிக முக்கியமான காரணம் நாம் வாங்கும் பொருட்கள் சரியில்லை என்றாலோ, திருப்தி அளிக்கவில்லை என்றாலோ அதனை திருப்பி கொடுத்துவிட்டு வேறு மாற்று பொருளையோ  அல்லது பணத்தினையோ திரும்ப பெற்றுக்கொள்ள முடியும். இவ்வாறு நாம் வாங்கும் பொருட்களை நாம் சரியான விலை கொடுத்துதான் வாங்குகின்றோமா என்றால் கண்டிப்பாக இல்லை என்றுதான் சொல்வேன். ஏனென்றால் நாம் ஆன்லைன் மூலமாக வாங்கும் எந்த பொருளுமே ஒரே விலையில் இருப்பதில்லை என்பதுதான் உண்மை. நாளுக்குநாள் பொருட்களின் விலையில் மாற்றம் ஏற்பட்டு கொண்டே தான் இருக்கும். மேலும் தள்ளுபடி என்று சொல்லி விற்க்கப்படும் பொருட்களுமே அதிக இலாபத்தில் விற்கப்படும்.

இதுபோன்ற பிரச்சினையில் இருந்து விடுபட Buyhatke என்னும் மென்பொருள் பன்படுகிறது. இந்த மென்பொருள் கூகுள் குரோம் நீட்சியாகவும், Windows, Android, IOS போன்ற மொபைல் செயலிகளாகவும் கிடைக்கிறது. இது இலவச மென்பொருள் ஆகும்.

கூகுள் குரோம் நீட்சி சுட்டி

Windows மென்பொருள் சுட்டி

Android மென்பொருள் சுட்டி

IOS மென்பொருள் சுட்டி

மேலே கொடுக்கப்பட்டுள்ள சுட்டியை பயன்படுத்தி கூகுள் குரோம் உலாவியில் நீட்சியை நிறுவிக்கொள்ளவும். இந்த நீட்சியின் மொபைல் அப்ளிகேஷன் சுட்டிகளை மேலே கொடுத்துள்ளேன் அதனை பயன்படுத்தி மொபைல் போன்களின் Buyhatke அப்ளிகேஷனை நிறுவிக்கொள்ளவும். இந்த மென்பொருள் Flipkart, Amazon, Myntra, Snapdeal போன்ற தளங்களில் மிகச்சரியாக வேலை செய்கிறது.

உதாரணத்திற்கு Flipkart தளத்தில் எவ்வாறு இந்த Buyhatke நீட்சியை பயன்படுத்துவது என்று பார்ப்போம். 

Redmi Note 4 னை எடுத்து கொண்டால் இதன் தற்போதைய விலை ரூபாய் 10,999 ஆகும். இந்த விலை தான் மிக குறைந்த விலையா என்று பார்ப்பதற்கு Buyhatke நீட்சி Graph வசதியினை அளிக்கிறது இதன் மூலம் ஒவ்வொரு நாளும் எவ்வளவு தொகைக்கு விற்க்கப்பட்டது என்பதனை மிகதெளிவாக தெரிந்து கொள்ள முடியும். 




மேலும் இந்த நீட்சியானது பல்வேறு வசதிகளை அளிக்கிறது. Watch Price என்னும் ஆப்ஷன் மூலமாக Alert வசதியினை நீங்கள் பெற முடியும். ஒரு பொருளின் விலையினை குறிப்பிட்டு அந்த பொருளின் விலை குறையும் போது அதனை Alert மூலமாக பெற முடியும். பொருட்களை வாங்கும் போது கூப்பன் உள்ளதா என்றும் சரியான கூப்பன்கள் வரிசைபடுத்தப்பட்டு இருக்கும். இதனையும் பயன்படுத்தி பொருட்களை இன்னும் குறைவாக வாங்கி கொள்ள முடியும்.

இதே பொருள் மற்ற வர்த்தக தளங்களில் எவ்வளவு தொகைக்கு விற்க்கப்படுகிறது என்பதையும் ஒரே இடத்தில் இருந்து கொண்டே தெரிந்து கொள்ள முடியும். இதன் மூலமாக மற்ற தளங்களுக்கு செல்ல வேண்டிய அவசியம் இல்லை.

Youtube சேனல் முகவரி :- 


இந்த பதிவின் வீடியோ பதிவு:- 


மேலும் வாசிக்க..,

Youtube வீடியோக்களை நேரிடையாக தரவிறக்கம் செய்ய

♠ Posted by Kumaresan Rajendran in ,,,,,,,,
Youtube தளத்திலிருந்து வீடியோக்களை மூன்றாம் நிலை மென்பொருள்கள் இல்லாமல் நேரிடையாக உலாவி (Browser)   துணையுடன் தரவிறக்கம் செய்து கொள்ள முடியும். Youtube வீடியோக்களை எளிமையாக பதிவிறக்கம் செய்ய நீட்சி (Add-on) பயன்படுகிறது. 

நீட்சிகளை தரவிறக்கம் செய்ய முகவரி :- 

கூகுள் குரோம், நெருப்புநரி மற்றும் ஒபேரா உலாவிகளில் இந்த நீட்சிகளை மேலே கொடுக்கப்பட்டுள்ள தரவிறக்க முகவரிகளை பயன்படுத்தி தரவிறக்கம் செய்து நிறுவிக்கொள்ளவும். பின் Youtube தளத்திற்கு சென்று வீடியோவினை காணும் போது வீடியோவிற்கு கீழ் பதிவிறக்கம் செய்வதற்கான இணைப்பு இருக்கும் அதனை பயன்படுத்தி தரவிறக்கம் செய்து கொள்ளவும்.



மேலே கூறப்பட்டுள்ள முறையினை பயன்படுத்தி கூகுள் குரோம், நெருப்புநரி மற்றும் ஒபேரா ஆகிய உலாவிகளில் Youtube வீடியோக்களை பதிவிறக்கம் செய்து கொள்ள முடியும்.

Youtube சேனல் முகவரி :- 


இந்த பதிவின் வீடியோ பதிவு:- 


மேலும் வாசிக்க..,

பேஸ்புக்கில் உள்ள படங்களை ஜூம் செய்து பார்க்க

♠ Posted by Kumaresan Rajendran in ,,
பேஸ்புக் தளத்தில் தினமும் லட்சக்கணக்கான போட்டோக்கள் பதிவேற்றம் மற்றும் பகிர்ந்துகொள்ளப்படுகிறது. இவ்வாறு உள்ள போட்டோக்களை நாம் ஒப்பன் செய்து பார்த்தால் மட்டுமே முழு போட்டோவினையும் முழுமையாக காண முடியும். இதற்கு பதிலாக போட்டோவினை ஒப்பன் செய்யாமலையே , போட்டோக்களை ஜூம் செய்து பார்க்கவும் முடியும் இதற்கு கூகுள் குரோம் நீட்சி ஒன்று உதவி செய்கிறது.

நீட்சியினை  குரோம் உலாவியில் இணைத்து கொள்ள சுட்டி

சுட்டியில் குறிப்பிட்ட தளத்திற்கு சென்று நீட்சியினை குரோம் உலாவியில் இணைத்துக்கொள்ளவும். பின் ஒருமுறை குரோம் உலாவியை மறுதொடக்கம் செய்யவும். இப்போது உங்களுடைய முகநூல் கணக்கில் நுழைந்து ஏதாவது ஒரு படத்தின் மேல் உங்களுடையை சுட்டெலியை கொண்டு செல்லவும். தற்போது போட்டோவானது ஜூம் செய்யப்படும்.



மேலும் குழுவாக முகநூலில் உள்ள அனைத்து போட்டோக்களையும் இந்த வசதியை பயன்படுத்தி எளிமையாக ஜூம் செய்து பார்த்துக்கொள்ள முடியும்.
மேலும் வாசிக்க..,

ஈமெயில்கள் ஒப்பன் செய்யப்பட்டதா என்பதை அறிய

♠ Posted by Kumaresan Rajendran in ,,
ஸ்மார்ட் போன்கள் மூலம் தற்போது தகவல் பரிமாற்றம் என்பது மிகவும் எளிதாகிவிட்டது. குறுந்தகவல் அனுப்பும் காலம் மலையேறும் தொலைவில் இல்லை. தற்போது வாட்ஸ்அப், கைக், டெலிகிராம் போன்ற இலவச தகவல் பரிமாற்ற செயலிகளின் வழியே விரைவாக நாம் தகவல்களை பரிமாறிக்கொள்கிறோம். இவ்வாறு அனுப்பபடும் தகவல் குறிப்பிட்ட மொபைல் எண்னுக்கு சென்றடைந்துவிட்டதா, அச்செய்தி ஒப்பன் செய்யப்பட்டதா என்பதையெல்லாம் அறிய முடியும். இதற்கு அச்செயலிகளிலையே வசதிகள் உள்ளன.  அதை போன்று நாம் அனுப்பும் மின்னஞ்சல்களுக்கும் இதுபோன்ற வசதி இருப்பின், மிகவும் பயனுள்ளதாக இருக்கும். இதுபோன்ற வசதி எந்த மின்னஞ்சல் சேவை வழங்கும் நிறுவனத்திடமும் இல்லை. இந்த வசதியை நாம் ஜிமெயிலில் கூகுள் குரோம் உலாவியில் ஒரு நீட்சியின் துணைகொண்டு பெற முடியும்.

நீட்சியை குரோம் உலாவியில் இணைக்க சுட்டி


நீட்சியை குரோம் உலாவியில் இணைத்துகொள்ளவும். பின் ஒரு முறை குரோம் உலாவியை மறுதொடக்கம் செய்யவும். பின் உங்களுடைய ஜிமெயில் கணக்கில் உள்நுழையவும்.


உள்நுழைந்தவுடன் தோன்றும் சாளரப்பெட்டியில் ACTIVATE MAILTRACK என்னும் பொத்தானை அழுத்தவும்.


அடுத்ததாக தோன்றும் விண்டோவானது MailTrack வசதியினை உங்களுடைய மின்னஞ்சலில் தொடங்க உங்களிடம் அனுமதி கேட்கும். நீங்கள் Accept பொத்தானை அழுத்தவும். அவ்வளவுதான் வேலை முடிந்தது. இனி நீங்கள் அனுப்பும் மின்னஞ்சல்கள் முறையாக கண்கானிக்கப்பட்டு அது ஒப்பன் செய்தால் அறிவிப்பு செய்தி வரும்.



மேலும் நீங்கள் அனுப்பிய மின்னஞ்சலுக்கு அருகே பச்சை நிற கோடு இருக்கும். அதன் அருகே சுட்டெலியை கொண்டு சென்றால், குறிப்பிட்ட மின்னஞ்சலின் தற்போதைய நிலையை அறிந்து கொள்ள முடியும்.
மேலும் வாசிக்க..,

வலைதளங்களுக்கான அழிப்பான் - கூகுள் குரோம் நீட்சி

♠ Posted by Kumaresan Rajendran in ,,
நாம் தினமும் பல்வேறு விதமான இணையதளங்களை பார்வையிடுகிறோம். அதில் பல இணையதளங்களில் முகம் சுழிக்க வைக்கும் பல செய்திகளையோ அல்லது விளம்பரங்களையோ பார்ப்போம். இவ்வாறு நாம் பார்க்கும் குறிப்பிட்ட ஒரு இணையத்தில் இருக்கும் வீடியோவினையோ அல்லது ஒரு செய்தியினை மட்டுமோ நீக்குவது என்பது சதாரண வழி இல்லை. வேண்டுமெனில் ஒரு குறிப்பிட்ட இணையதளத்தை வேண்டுமெனில் முழுவதுமாக முடக்க முடியும்.

சரி மேலே கூறியது போல ஒரு குறிப்பிட்ட தளத்தில் இருக்கும் சில பகுதியை மட்டும் நீக்க கூகுள் குரோம் உலாவியில் ஒரு நீட்சி உள்ளது. இதன் மூலம் எளிமையாக நீக்கி கொள்ள முடியும்.

நீட்சியை குரோம் உலாவியில் இணைக்க சுட்டி


சுட்டியில் குறிப்பிட்ட தளத்திற்கு சென்று நீட்சியை குரோம் உலாவியில் இணைத்து கொள்ளவும். பின் ஒருமுறை கணினியை மறுதொடக்கம் செய்து விட்டு பின் குரோம் உலாவியினை ஒப்பன் செய்யவும்.


பின் அட்ரஸ் பாரின் அருகில் Page Eraser ஐகான் இருக்கும். அதனை கிளிக் செய்து பின் உங்களுக்கு தேவையில்லாத செய்திகளையோ அல்லது விளம்பரங்களையோ எளிதாக அளித்துக்கொள்ள முடியும்.


மேலே குறிப்பிட்டுள்ள படத்தில் Page eraser யை பயன்படுத்தி தலைப்பினை நீக்கியுள்ளேன். ஒருமுறை நீக்கிவிட்டால் அவ்வளவு தான் அது மீண்டும் வரவே வராது. அப்படி மீண்டும் நீக்கிய செய்திகளை வரச்செய்ய வேண்டுமெனில் Page Eraser ஐகான் மீது வலது கிளிக் செய்து தோன்று தேர்வில் Options என்பதை தெரிவு செய்ய வேண்டும்.


இதில் எவற்றையெல்லாம் Pageeraser துணைகொண்டு நீக்கியுள்ளோமோ அவை அனைத்தும் பட்டியலிடப்படும். அவற்றையெல்லாம் மீண்டும் வரச்செய்ய வேண்டுமெனில் குறிப்பிட்ட வலைதள முகவரியை மட்டும் நீக்கி விட்டால் போதுமானது. இப்போது மீண்டும் சென்று வலைதளத்தில் பார்த்தால் தற்போது அந்த செய்தி மற்றும் விளம்பரங்கள் வந்திருக்கும். 
மேலும் வாசிக்க..,

கூகுள்குரோம் உலாவியின் உதவியுடன் ஆப்பிஸ் கோப்புகளை பார்க்க

♠ Posted by Kumaresan Rajendran in ,


கூகுள்குரோம் உலாவியானது கூகுள் நிறுவனத்துடையது ஆகும். இந்த உலாவி உதவியுடன் இணைய பக்கங்களை மிக வேகமாக வலம்வர முடியும். மேலும் இந்த உலாவியில் பல்வேறு வசதிகள் உள்ளன. நீட்சியின் உதவியுடன் இந்த உலாவியில் பல்வேறு வசதிகளை பெற முடியும். அதிக பயன்பாட்டாளர்களை கொண்ட உலாவிகள் வரிசையில் மூன்றாவது இடத்தில் உள்ளது. இந்த உலாவியின் உதவியுடன் ஆப்பிஸ் கோப்புகளான வேர்ட், எக்சல் மற்றும் பவர்பாயிண்ட் கோப்புகளை பார்வையிட முடியும். இதற்கு உலாவியுடன் ஒரு நீட்சியை இணைத்துக்கொள்ள வேண்டும்.

நீட்சியை தரவிறக்க சுட்டி 



சுட்டியில் குறிபிட்ட தளத்தை குரோம் உலாவியை பயன்படுத்தி திறக்கவும். பின் இந்த நீட்சியை குரோம் உலாவியில் இணைத்கொள்ளவும். 



இந்த நீட்சி குரோம் உலாவியில் இணைய சிறிது நேரம் ஆகும். 25.7 எம்.பி அளவுடையது ஆகும்.



இந்த நீட்சி குரோம் உலாவியில் முழுவதுமாக இணைத்த பின் குரோம் உலாவியில் இணைக்கப்பட்டுவிட்டதாக அறிவிப்பு செய்தி தோன்றும்.  


பின் ஒரு முறை குரோம் உலாவியை மறுதொடக்கம் செய்து கொண்டு பின் குரோம் உலாவியில் ஆப்பிஸ் கோப்புகளை திறக்கவும். இப்போது எளிதாக ஆப்பிஸ் கோப்புகளை திறக்க முடியும்.

மேலும் வாசிக்க..,

Youtube வீடியோக்களின் பாடல் வரிகளை பெற

♠ Posted by Kumaresan Rajendran in ,,,,,,,
உலகின் புகழ்பெற்ற வீடியோ தளமான யூடுப் தளத்தில் தினமும் பல்லாயிர கனக்கான வீடியோக்கள் பதிவேற்றம் மற்றும் பதிவிறக்கம் செய்யப்படுகிறது. ஒரு சிலர் வீடியோவை பதிவிறக்கம் செய்யும் முன்னரே அதன் வரிகளை கேட்க விரும்புவர்கள். ஆனால் அவர்களுடைய கணினியில் ஸ்பீக்கர்/ஹெட்செட் போன்ற ஆடியோ சாதனங்கள் இருக்காது எனவே குறிப்பிட்ட வீடிவோவை முழுமையாக பதிவிறக்கம் செய்து அதனை வேறொரு கணினிக்கு மாற்றம் செய்த பின்னரே அதனை கேட்க முடியும். இதற்கு பதிலாக யூடுப் தளத்தில் இருந்து வீடியோவை பதிவிறக்கம் செய்யும் போதே அதன் வரிகளை எழுத்து வடிவில் பெற முடியும்.

இதற்காக நாம் எந்த மூன்றாம் தர மென்பொருளையும் நாடி செல்ல வேண்டிய அவசியம் இல்லை. நேரடியாக யூடுப் தளத்திலேயே பெற முடியும்.  இதற்கு நாம் பயன்படுத்தும் உலாவியில் நீட்சியை இணைத்துகொண்டால் போதுமானது. 

இந்த பாடல் வரிக்கான நீட்சியானது நெருப்புநரி, குரோம், இண்டர்நெட் எக்ஸ்புளோரர், சபாரி மற்றும் ஒபேரா உலாவிகளுக்கு மட்டும் உள்ளது.


சுட்டியில் குறிப்பிட்ட இணைப்பினை பயன்படுத்தி உலாவியில் நீட்சியை பதிந்து கொள்ளவும். பின் ஒரு முறை உலாவியை மறுதொடக்கம் செய்து கொண்டு பின் யூடுப் தளத்தை ஒப்பன் செய்து குறிப்பிட்ட வீடியோவை ஒப்பன் செய்யவும். அப்போது அந்த வீடியோக்கான பாடல் வரி தோன்றும். மேலும் இந்த வசதியை நமது விருப்பபடி மற்றியமைத்து கொள்ளவும் முடியும்.


அமைப்பினை பயன்படுத்தி விரும்பியவாறு இந்த பாடல்வரி நீட்சியை மாற்றியமைத்துக்கொள்ள முடியும்.
மேலும் வாசிக்க..,

கூகுள்+ உள்ள படம் மற்றும் வீடியோக்களை தரவிறக்க குரோம் நீட்சி

♠ Posted by Kumaresan Rajendran in ,,
முகநூலுக்கு போட்டியாக கூகுள் நிறுவனத்தால் ஆரபிக்கப்பட்டதே கூகுள்+ ஆகும்.  இதன் மூலம் படங்கள், வீடியோக்கள் மற்றும் எழுத்து வடிவிலான தகவல்கள் போன்றவற்றை நம் நண்பர்களுடன் பகிர்ந்துகொள்ள முடியும். மேலும் இதில் பல்வேறு வசதிகள் உள்ளன. இவ்வாறு நம் நண்பர்கள் பகிர்ந்து கொள்ளும் தகவல் நமக்கு பிடித்தவையாக இருக்கும். அதிலும் ஒரு சில வீடியோக்கள் அரிதானவையாக இருக்கும். அவற்றை நம்மால் பார்க்க மட்டுமே முடியும். ஆனால் அவற்றை நம்மால் தரவிறக்கி பயன்படுத்த முடியாது. இவ்வாறு கூகுள்+ உள்ள படம் மற்றும் வீடியோக்களை தரவிறக்க குரோம் நீட்சி ஒன்று உள்ளது இதன் மூலம் எளிமையாக வீடியோ மற்றும் படங்களை தரவிறக்கம் செய்து கொள்ள முடியும். 

குகூள் குரோம் நீட்சியினை தரவிறக்க சுட்டி


சுட்டியில் குறிப்பிட்ட நீட்சியை இணையத்தின் உதவியுடன் குரோம் உலவியில் இணைத்துக்கொள்ளவும். பின் ஒருமுறை உலவியை மறுதொடக்கம் செய்து கொள்ளவும். உங்களுடைய கூகுள் கணக்கை திறக்கவும். பின் உங்களுடைய கூகுள்+ யை ஒப்பன் செய்யவும். 


பின் படம் மற்றும் வீடியோவை  தரவிறக்கம் செய்வதற்கான ஐகான்கள் ஒவ்வொரு படம் மற்றும் வீடியோவிற்கு கீழே இருக்கும், அதை பயன்படுத்தி படம் மற்றும் வீடியோவை தரவிறக்கம் செய்து கொள்ள முடியும்.
மேலும் வாசிக்க..,

ஒரே நேரத்தில் மூன்று உலவிகளில் உலாவ

♠ Posted by Kumaresan Rajendran in ,,,
இணையதளங்களை வலம்வருவதற்கு அனைவராலும் பயன்படுத்தப்படுவது உலவிகள் மட்டுமே ஆகும். இதற்கு மாற்றாக எதுவும் இல்லை. எனினும் இணைய பயன்பாட்டு அப்ளிகேஷன்கள் ஒரு சில உண்டு. இவையும் உலவிகளில் வடிவிலேயேதான் இருக்கும். இவை இரண்டுக்கும் அதிக வித்தியாசம் ஒன்றும் பெரிதாக இல்லாவிட்டாலும், ஒருசில வசதிகள் இதுபோன்ற அப்ளிகேஷன்களில் உண்டு. அந்த வகையில் Multibrowser என்னும் மென்பொருள் வாயிலாக, ஒரே நேரத்தில் மூன்று உலவிகளில் பணியாற்ற முடியும். அவை இண்டர்நெட் எக்ஸ்புளோரர் 7.0, 8.0, 9.0, நெருப்புநரி உலவி மற்றும் கூகுள் குரோம் உலவி போன்றவை ஆகும். 

மென்பொருளை தரவிறக்க சுட்டி


இந்த மென்பொருளை இணையத்தின் உதவியுடன் பதிவிறக்கி கணினியில் நிறுவிக்கொள்ளவும். பின் இந்த அப்ளிகேஷனை ஒப்பன் செய்யவும். இதில் இருக்கும் அட்ரஸ்பாரில் இணையதள முகவரியினை உள்ளிடவும். பின் என்டர் கீயினை அழுத்தவும். தற்போது நீங்கள் குறிப்பிட்ட வலைத்தளத்தினை காணமுடியும். பின் நீங்கள் உலவிகளை தேர்வு செய்து அதற்கிடையேயுள்ள மாற்றத்தினை காண முடியும். மேலும் மூன்று உலவிகளிலும் நீங்கள் குறிப்பிட்ட வலைப்பக்கத்தினை ஒரேஇடத்தில் காண முடியும்.
மேலும் வாசிக்க..,

வலைப்பக்கத்தினை சேமிக்க (பிடிஎப் மற்றும் இமேஜ்) பார்மெட்களில்

♠ Posted by Kumaresan Rajendran in ,
வலைப்பக்கங்கள் பொதுவாக HTML பைல் பார்மெட்டில் மட்டுமே இருக்கும். இதனை நாம் பிடிஎப் மற்றும் இமேஜ் பைல் பார்மெட்களில் சேமித்து வைத்துக்கொள்ள முடியும். இதனை நாம் நெருப்புநரி மற்றும் குரோம் உலவிகளில் செய்ய முடியும். பிடிஎப் மற்றும் இமேஜ் பைல்களாக மாற்றுவதால் நாம் இதனை உலவிகளின் துணை இல்லாமலே காண முடியும். இந்த நீட்சியில் மூலம் நாம் வலைப்பக்கத்தில் உள்ள எழுத்து, படம் போன்றவற்றை இணைத்தோ இல்லையெனில், வெறும் எழுத்துக்களை மட்டுமோ தனியாக சேமித்துக்கொள்ள முடியும். 

நெருப்புநரி உலவிக்கான நீட்சி

குரோம் உலவிக்கான நீட்சி



இந்த நீட்சிகளை குறிப்பிட்ட உலவிகளில் நிறுவிக்கொள்ளவும். பின் உலவிகளை மறுதொடக்கம் செய்து கொள்ளவும். தற்போது நீட்சிக்கான சுட்டி உங்கள் உலவியில் இணைக்கப்பட்டிருக்கும். அதை பயன்படுத்தி எந்த வலைப்பக்கத்திற்கு சென்றாலும், அந்த வலைப்பக்கத்தினை பிடிப் மற்றும் இமேஜ் பைல் பார்மெட்களில் சேமித்து வைத்துக்கொள்ள முடியும். 



இந்த நீட்சியின் மூலம், நாம் இமேஜ் பைல்களை JPEG, PNG, GIF, BMP மற்றும் பல்வேறு பைல் பார்மெட்களில் சேமித்துக்கொள்ள முடியும். பிடிஎப் பைல்களை A4, A3, Legal, B10 மற்றும் பல்வேறு பைல்பார்மெட்களில் சேமித்துக்கொள்ள முடியும். நெருப்புநரி உலவியில் நீட்சிக்கான ஐகான் தெரியவில்லையெனில் Ctrl + / கீகளை ஒருசேர அழுத்துவதன் மூலம் காணமுடியும். இல்லையெனில் View > Toolbars > Add-on Bar வழியாகவும் இந்த நீட்க்காண ஐகானை காண முடியும். இதில் உள்ள குறைபாடு என்னவெனில் ஒருசில தமிழ்வலைப்பக்கங்களை மட்டுமே சரியாக சேமிக்க முடியவில்லை. ஆனால் மற்ற அனைத்து வலைப்பக்கங்களையும் எளிமையாக சேமிக்க முடியும்.
மேலும் வாசிக்க..,

பேஸ்புக்கில் உள்ள போட்டோக்களை பிகாசாவில் பதிவேற்ற - குரோம் நீட்சி

♠ Posted by Kumaresan Rajendran in ,,
பேஸ்புக் தளமானது தற்போது உலகளவில் அதிகமாக பயன்படுத்தப்பட்டு வருகிறது. கூகுளை மிஞ்சும் அளவிற்கு இதில் வாடிக்கையாளர்கள் பெருகிவிட்டனர். பிகாசா தளம் தற்போது கூகுள் நிறுவனத்திடம் உள்ளது. இந்த தளம் மூலம் கூகுள் கணக்குடைவர்கள் இந்த தளத்தில் பதிவேற்றி கொள்ள முடியும். கூகுள் கணக்கில் பதிவேற்றும் போட்டோக்கள் அனைத்தும் பிகாசாவிலேயே பதிவேற்றப்படும். நம்முடைய போட்டோக்களை பெரும்பாலும் பேஸ்புக் தளத்திலேயே நண்பர்களுடன் பகிர்ந்து கொள்வோம். இவ்வாறு முகநூலில் பகிர்ந்து கொண்ட உங்களுடைய போட்டோக்களை வேண்டுமெனில் பிகாசாவில் பதிவேற்றம் செய்து கொள்ள முடியும். பேஸ்புக் கணக்கில் உள்ள போட்டோக்களை பிகாசா தளத்தில் பதிவேற்ற குரோம் நீட்சி ஒன்று உதவி செய்கிறது. 

Move2Picasa குரோம் நீட்சி



 சுட்டியில் குறிப்பிட்ட நீட்சியை குரோம் உலவியில் பதிந்து கொள்ளவும். பின் ஒருமுறை குரோம் உலவியை மறுதொடக்கம் செய்து கொள்ளவும். தற்போது உங்களுடைய பேஸ்புக் கணக்கு மற்றும் கூகுள் கணக்கினை குரோம் உலவியில் திறந்து வைத்துக்கொள்ளவும். தற்போது Move2Picasa என்னும் ஐகானை அழுத்தவும். 


தற்போது தோன்றும் விண்டோவில் உங்களுடைய பேஸ்புக் கணக்கில் உள்ள போட்டோக்கள் வரிசைப்படுத்தப்படும். வேண்டிய போட்டோவினை தேர்வு செய்துவிட்டு பின் Upload என்னும் பொத்தானை அழுத்தவும். 


இணைய வேகத்தை பொறுத்து உங்களுடைய போட்டோக்கள் ஒன்றன்பின் ஒன்றாக பதிவேற்றப்படும். பின் சிலமணி நேரங்களில் உங்களுடைய போட்டோக்கள் அனைத்தும் பதிவேற்றப்பட்டுவிடும். தற்போது உங்களுடைய பிகாசா கணக்கில் பேஸ்புக் கணக்கில் நீங்கள் குறிப்பிட்ட போட்டோக்கள் அனைத்தும் பதிவேற்றப்பட்டுவிடும்.
மேலும் வாசிக்க..,

செஸ் விளையாட்டு

♠ Posted by Kumaresan Rajendran in ,
கணினியில் அனைத்து விளையாட்டுளையும் இலவசமாக இணையத்தின் உதவியுடன் பதிவிறக்கி பயன்படுத்துவோம். அதுபோல செஸ் விளையாட்டும் இணையத்தில் கிடைக்கிறது. ஆனால் நாம் இதனை அப்ளிகேஷனாக பயன்படுத்தபோவது இல்லை. குரோம் உலவியின் துணையுடன் இந்த விளையாட்டை விளையாட போகிறோம். செஸ் விளையாட்டில் அனைவரும் விஸ்வனாதன் ஆனந்தனாக இருக்கவே ஆசைப்படுவோம். ஏனெனில் செஸ் விளையாட்டில் கொடிகட்டி பறக்க கூடியவர் அவரே. அவருக்கு நிகரானவர் யாரும் இல்லை என்றுதான் கூறமுடியும். வீட்டில் போரடிக்கும் போது அனைவரும் விளையாட நினைப்பது செஸ், கேரம் ஆகும். இதில் புகழ்பெற்ற விளையாட்டு செஸ் விளையாட்டு ஆகும். இந்த விளையாட்டை நாம் குரோம் உலவியில் இணைத்து விளையாட முடியும்.

செஸ் விளையாட்டிற்கான சுட்டி


இந்த விளையாட்டை குரோம் உலவியில் பதிந்து கொள்ளவும். பின் ஒரு முறை குரோம் உலவியை மறுதொடக்கம் செய்து கொள்ளவும். பின் குரோம் உலவியை ஒப்பன் செய்து தோன்றும் விண்டோவில் Spark Chess என்னும் ஐகானை அழுத்தி விளையாட்டை ஒப்பன் செய்யவும்.


பின் விளையாட்டை விளையாட துவங்கவும். நீங்கள் இதில் நான்கு பேருடன் விளையாட முடியும். கணினியும் நீங்களும் விளையாடும் விளையாட்டு ஆகும். செஸ் விளையாட்டில் நான் ஒன்றும் புலி கிடையாது. எலி என்று வேணுமானால் சொல்லிக்கொள்ள முடியும். விளையாட்டை விளையாட்டாக விளையாடி பாருங்கள். இதனை நீங்கள் குரோம் உலவியில் பதிந்து பயன்படுத்த முடியும்.
மேலும் வாசிக்க..,

துப்பாக்கி விளையாட்டு - குரோம் உலவியில்

♠ Posted by Kumaresan Rajendran in ,
இணைய பயன்பாடுகள் பெருகிகொண்டு வரும் இந்த நேரத்தில், ஆன்லைன் விளையாட்டுகளும் அதிகரித்து கொண்டே உள்ளன. அந்த வகையில் பல்வேறு நிறுவனங்கள் ஆன்லைன் மூலமாக விளையாட்டுகளை இலவசமாக வழங்கி வருகிறன. அதேபோல் கூகுள் நிறுவனமும் குரோம் உலவியின் மூலமாக விளையாட்டுகளை வழங்கி வருகிறது. இதன் மூலமாக குரோம் உலவியின் துணையுடன் விளையாட்டுகளை விளையாட முடியும். கூகுள் நிறுவனம் பல்வேறு விளையாட்டுகளை இலவசமாக தருகிறனர். அந்த வகையில் நாம் தற்போது பார்க்க இருக்கும் விளையாட்டுதான் Private Joe.

விளையாட்டிற்கான சுட்டி


இந்த விளையாட்டை குரோம் உலவியில் பதிந்து கொள்ளவும். பின் ஒரு முறை குரோம் உலவியை மறுதொடக்கம் செய்து கொள்ளவும். இப்போது தோன்றும் விண்டோவில் Private Joe ஐகானை கிளிக் செய்து செய்து விளையாட்டை திறக்கவும். அல்லது இந்த சுட்டியை கிளிக் செய்து ஒப்பன் செய்யவும்.


இந்த விளையாட்டானது எதிரிகளை வீழ்த்தி அடுத்த கட்டத்திற்கு முன்னேறுவது ஆகும். இந்த விளையாட்டில் மொத்தம் 8நிலைகள் உள்ளன. கீழே காணும் படத்தை போல ஒவ்வொரு நிலையை முடித்தவுடன் தோன்றும்.


இந்த விளையாட்டில் சுடுவதற்கு C பொத்தானையும், தாவுவதற்கு X யையும் நகர்ந்து செல்ல வலது மற்றும் இடது திசை பொத்தான்களையும் பயன்படுத்தவும். இந்த விளையாட்டில் ஒவ்வொரு நிலையிலும் பல்வேறு இடையூறுகள் உள்ளன அதனை எதிர்கொள்ள நம்மிடம் உள்ள ஒரே ஆயுதம் துப்பாக்கி மட்டும் தான். இந்த விளையாட்டு அருமையாக உள்ளது. விளையாடி பாருங்கள்.
மேலும் வாசிக்க..,

உண்டிவில் விளையாட்டு - (Angry Birds)

♠ Posted by Kumaresan Rajendran in ,
நான் வலைப்பூ ஆரபித்து ஒரு வருடங்களுக்கு மேல் ஆகிவிட்டது, இதுவரை நான் 250+ பதிவுகளுக்கு மேல் எழுதியுள்ளேன் இவையாவும் தொழில்நுட்ப பதிவுகள் ஆகும். இந்த வலைப்பூவில் எனக்கு தெரிந்த தொழிநுட்ப செய்திகளை மட்டுமே பகிர்ந்து வருகிறேன். அவ்வபோது வாசகர்களின் குழப்பங்களையும் நிவர்த்தி செய்து வருகிறேன் என்னால் முடிந்த வரை. நாம் வலைபூ எழுதுகிறோம் என்றால் எதோ சாதித்து விட்டோம் என்று சிலரது நினைப்பு அது முற்றிலும் தவறானது. சரி நான் சொல்ல வந்த விசயத்தை சொல்லி விடுகிறேன். நான் இதுவரை எழுதிய பதிவுகள் அனைத்தும் ஒரே மாதிரி உள்ளதாக நிறைய வாசகர்கள் பின்னுட்டம் மூலம் தெருவித்தனர். ஒரு சில சக வலைப்பூ நண்பர்களும் தெரிவித்தனர். அப்போதுதான் தோன்றியது நாம் என்னவோ ஒரே மாதிரியான பதிகளை எழுதிகிறோம் என்று. பின்பு முடிவு செய்தேன் இனி கூட்டுசுவையாக பதிவுகளை எழுத வேண்டும் என்று. அந்த வகையில் தற்போது ஒரு அருமையான விளையாட்டை உங்களுடன் பகிர்ந்து கொள்ள போகிறேன்.

விளையாட்டுகான சுட்டி


இந்த நீட்சியை கூகுள் குரோம் உலவியில் பதிந்து கொள்ளவும். இந்த விளையாட்டானது குரோம் உலவியில் செயல்படுமாறு வடிவமைக்கப்பட்டுள்ளது. மேலும் இந்த விளையாட்டை எக்ஸ்புளோரர், நெருப்புநரி உலவிகளிலும் விளையாட முடியும். ஆனால் குரோம் உலவியில் இந்த விளையாட்டை விளையாட ஏதுவாக பல்வேறு அம்சங்கள் உள்ளன. பின் உலவியை ஒரு முறை மறுதொடக்கம் செய்து கொள்ளவும். பின் விளையாட்டை துவக்கவும்.


இந்த விளையாட்டானது கிராமங்களில் விளையாடும் உண்டிவில் விளையாட்டு போன்றது, சிறுவர்கள் முதல் பெரியவர்கள் வரை அனைவரும் விளையாடும் வகையில் உள்ளது. குறிபார்த்து எறிந்து குறிப்பிட்ட எதிரியை அழிக்க வேண்டும். இதன் மூலம் விளையாட்டின் அடுத்தடுத்த நிலைக்கு நீங்கள் செல்ல முடியும். விளையாட்டானது மிகவும் அருமையாக உள்ளது. விளையாடி பாருங்கள் பின்பு உங்கள் பதிலை கூறுங்கள்.
மேலும் வாசிக்க..,

பேஸ்புக் தளத்தில் உள்ள போட்டோக்களை பதிவிறக்கம் செய்ய கூகுள் குரோம் நீட்சி

♠ Posted by Kumaresan Rajendran in ,
பேஸ்புக் தளமானது நண்பர்களிடம் தகவல்களை பரிமாறிக்கொள்ள உதவும் தளம் ஆகும். இந்த தளத்தில் நம்முடைய கருத்துக்கள், போட்டோக்கள், வீடியோக்கள், சுயதகவல்களை உள்ளிட்டு அதனை நண்பர்களிடம் பரிமாறிக்கொள்ள முடியும். இதில் உள்ள தகவல்களை நாம் தரவிறக்கி பயன்படுத்தி கொள்ள முடியும். ஆனால் நாம் தரவிறக்கம் செய்வதற்கான வழிகள் யாவும் பேஸ்புக் தளத்தில் நேரிடையாக கொடுக்கப்பட்டிருக்காது, எனவே பேஸ்புக் தளத்தில் உள்ள வீடியோ, போட்டோவினை தரவிறக்கம் செய்ய வேண்டுமெனில் மூன்றாவது வழியை மட்டுமே நாட வேண்டும். பேஸ்புக் தளத்தில் உள்ள வீடியோவினை தரவிறக்கம் செய்வதற்கான நெருப்புநரி நீட்சி. போட்டோவினை தரவிறக்கம் செய்ய வேண்டுமெனில் அதற்கும் பல்வேறு வழிகள் இணையத்தில் உள்ளன. அதில் ஒன்றுதான் கூகுள் குரோம் உலவியை பயன்படுத்தி பேஸ்புக் போட்டோவினை தரவிறக்கம் செய்தல் ஆகும்.

நீட்சியை தரவிறக்கம் செய்ய சுட்டி


கூகுள் குரோம் உலவியினை திறந்து இந்த நீட்சியை பதிந்து கொள்ளவும், பின் ஒருமுறை கூகுள் குரோம் உலவியினை மறுதொடக்கம் செய்து கொள்ளவும். பின் பேஸ்புக் கணக்கை திறந்து எந்த புகைப்படங்களை பதிவிறக்கம் செய்ய வேண்டுமோ அந்த இடத்திற்கு செல்லவும். உதாரணமாக உங்களுடைய நண்பரின் புகைப்படங்களை தரவிறக்கம் செய்ய வேண்டுமெனில் அவருடைய பேஸ்புக் அக்கவுண்டிற்கு சென்று, அவருடைய புகைப்பட பட்டியை அழுத்தி புகைப்பட மெனுவிற்கு செல்லவும். இப்போது Download Facebook album's photos என்னும் ஐகானை அழுத்த்தவும்.


அடுத்ததாக தோன்றும் விண்டோவில் "Ctrl+S" ஐகான்களை ஒருசேர அழுத்தி படங்களை கணினியில் சேமித்துக்கொள்ள முடியும். முழு வலைப்பக்கமும் சேமிக்கப்பட்டுவிடும்.


இந்த நீட்சியானது பேஸ்புக் படங்களை மிக துல்லியமாக தரவிறக்கம் செய்ய உதவுகிறது. மேலும் உங்களுடைய நண்பர்களுடைய போட்டோக்களை மிக எளிதாக தரவிறக்கம் செய்ய இந்த நீட்சி உதவும்.
மேலும் வாசிக்க..,

கூகுள் குரோம் உலவியில் காப்பி பேஸ்ட் செய்ய ஒரு நீட்சி

♠ Posted by Kumaresan Rajendran in
இணையத்தில் உலா வரும் போது ஒருசில குறிப்பிட்ட தகவல்களை சேமித்து கொள்ள பயனாளர்கள் விரும்புவர். முக்கியமாக எழுத்துக்களையே அதிகமாக காப்பி செய்து தனியொரு டாக்குமெண்டாக சேமித்து வருவோம். இவ்வாறு ஒவ்வொரு முறையும் எழுத்துக்களை காப்பி செய்து தனியொரு டாக்குமெண்டில் பேஸ்ட் செய்து வருவோம். பெரிய கோப்பாக இருந்தால் பரவாயில்லை சின்னஞ்சிறு சொற்றொடர்களை கூட இதுபோன்றே காப்பி செய்து பேஸ்ட் செய்வோம். இதனால் கால விரயம் மட்டுமே ஆகும். ஒரு சில நேரங்களில் ஒரு பகுதி சொற்றொடர்களை காப்பி செய்து விடுவோம் ஆனால் பேஸ்ட் செய்ய மறந்து விடுவோம், இல்லையெனில் இன்னொரு சொற்றொடர்களை காப்பி செய்திடுவோம் இதனால் நாம் அதற்கு முன் காப்பி செய்த சொற்றொடரானது நீக்கப்பட்டிருக்கும். விண்டோஸ் ஆப்ரேட்டிங் சிஸ்ட்டத்தில் இதற்கான வசதி இல்லை, ஆனால் இணைய உலவியான கூகுள் குரோமில் இது சாத்தியம். இந்த உலவியில் Pastey என்னும் நீட்சியின் உதவியுடன் இதுபோன்ற காப்பி,பேஸ்ட் செயல்களை மிக எளிமை செய்ய முடியும். அதற்கு முன் காப்பி, பேஸ்ட் என்ற வார்த்தைகள் ஆங்கில வார்த்தைகள் ஆகும். இதற்கான தமிழ் அர்த்தங்கள் காப்பி - நகலெடுத்தல், பேஸ்ட் - ஒட்டுதல் , கட் - நகர்த்துதல், இந்த வார்த்தைகளை பயன்படுத்தினால் வாசர்களுக்கு சற்று தடுமாற்றம் ஏற்படும் என்பதால் இந்த பதிவில் காப்பி, பேஸ்ட் என்ற வாத்தையினையே பயன்படுத்தி உள்ளேன். 

நீட்சியை தரவிறக்க சுட்டி


கூகுள் குரோம் உலவியில் நீட்சியை பதிந்து கொள்ளவும். பின் அட்ரஸ்பாரின் பக்கத்தில் ஒரு Pastey ஐகான் ஒன்று சேர்க்கப்பட்டிருக்கும். அதை ஒப்பன் செய்தும் பேஸ்ட் செய்து கொள்ள முடியும். இல்லையெனில் எந்தெந்த சொற்றொடர்களை தனியே சேமிக்க வேண்டுமோ அந்த சொற்றொடர்களை தேர்வு செய்து கொண்டு, சுட்டெலியின் உதவியுடன் வலது கிளிக் செய்து தோன்றும் வரிசையில் Copy selected to Pastey என்பதை அழுத்தியும் சொற்றொடர்களை சேமித்துக்கொள்ள முடியும்.



காப்பி செய்த சொற்றொடர்களை பேஸ்ட் செய்ய வேண்டுமெனில் Pastey ஐகானை அழுத்தி வேண்டிய இடத்தில் பேஸ்ட் செய்து கொள்ள முடியும். இந்த நீட்சியானது இணையத்தில் தகவல்களை  தேடி அலைந்து சேகரிப்பவர்களுக்கு மிகவும் உதவியாக இருக்கும். வலைப்பக்கத்தில் காப்பி செய்த சொற்றொடர்களை மற்ற இடங்களிலும் பேஸ்ட் செய்து கொள்ள முடியும்.
மேலும் வாசிக்க..,

ஜிமெயிலில் பேஸ்புக்கை இணைப்பதற்கான கூகுள் குரோம் நீட்சி

♠ Posted by Kumaresan Rajendran in ,
கூகுள் குரோம் உலவியானது தற்போது அதிக பயனாளர்களை பெற்று வருகிறது. இதற்கு காரணம் கூகுள் நிறுவனம் அளிக்கும் புதுப்புது சேவைகள் மட்டுமே ஆகும். அந்த நிறுவனம் எல்லாத்துறையிலும் வெற்றி பெற்று வருகிறது. சர்ச் எஞ்சினில் தொடங்கி ஈமெயில் வரை அனைத்தும் கூகுளின் ஆதிக்கமே உள்ளது. ஆனால் உலவி என்று எடுத்துக்கொண்டால் அதில் இண்டர்நெட் எக்ஸ்புளோரரும், நெருப்புநரி உலவியின் ஆதிக்கமே நிறைந்துள்ளது. இதிலும் கூகுள் நிறுவனம் தன்னுடைய உரிமையை நிலைநாட்ட விரும்பி இரண்டு வருடங்களுக்கு முன்னர் கூகுள் குரோம் என்ற உலவியை வெளியிட்டது, ஆனால் இந்த உலவி தொடக்கத்தில் பெரும் எதிர்பார்ப்பை உண்டாக்கியது, ஆனால் இந்த உலவியால் பயனாளர்களை எந்த அளவிற்கும் கவர இயலவில்லை. இதன் தொடர்ச்சியாக கூகுள் நிறுவனம் கூகுள் குரோம் உலவியில் புதுப்புது வசதிகளை சொடுகியது. அதில் ஒன்றுதான் கூகுள் குரோம் உலவியை பயன்படுத்தி ஜிமெயில் இருந்தவாறே முகநூல் (Face book) அக்கவுண்டை பார்ப்பதற்கான நீட்சி ஒன்றை கூகுள் நிறுவனம் அறிமுகப்படுத்தியுள்ளது. இதன் மூலம் ஜிமெயில் அக்கவுண்டில் இருந்தவாறே பேஸ்புக் கணக்கை உங்களால் அணுக முடியும்.

நீட்சியை தரவிறக்க சுட்டி


இந்த நீட்சியை உங்களுடைய கூகுள் குரோம் உலவியில் பதிந்து கொள்ளவும். அதற்கு சுட்டியை கிளிக் செய்தவுடன் மேலே குறிப்பிட்ட விண்டோவினை போல் ஒரு விண்டோ தோன்றும். அதில் Install என்னும் பொத்தானை அழுத்தவும். கிளிக் செய்தவுடன் தோன்றும் விண்டோவில் Allow என்னும் பொத்தானை அழுத்தவும்.


இப்போது உங்களுடை கூகுள் குரோம் உலவியை ஒருமுறை மறுதொக்கம் செய்து கொண்டு, உங்களுடைய ஜிமெயில் அக்கவுண்டில் உள்நுழையவும். இப்போது உங்களுடைய ஜிமெயில் அக்கவுண்டில் பேஸ்புக் இணைப்புக்கான பொத்தான் ஒன்று இணைக்கப்பட்டிருக்கும்.


இந்த பொத்தானை அழுத்தியவுடன் பேஸ்புக் பயனர் பெயர் மற்றும் கடவுச்சொல்லை உள்ளிட்டு உள்நுழையவும். இப்போது உங்களுடைய பேஸ்புக் கணக்கை  காண முடியும். இந்த வசதியை நீங்கள் கூகுள் குரோம் உலவியில் இருந்தால் மட்டுமே பெற முடியும்.
மேலும் வாசிக்க..,
Copyright © 2010 - 2025 தமிழ் கம்ப்யூட்டர். All Rights Reserved
↑