கட்டளை பலகையின் (Command Prompt) இருப்பியல்பு தொடக்கத்தை (Directory) மாற்ற

♠ Posted by Kumaresan Rajendran in Tutorials,Winxp-Tutorials

விண்டோஸ் இயங்குதளம் உயிர்நாடி எம்.எஸ்.டாஸ் ஆகும். விண்டோஸ் இயங்குதளம் வெளிவருதற்கு முன் இருந்தது எம்.எஸ்.டாஸ் மட்டுமே ஆகும். இதில் அனைத்து செயல்பாடுகளுமே கட்டளை மூலமே நிறைவேற்றப்படும். பின் விண்டோஸ் இயங்குதளம் வளர்ச்சி பெற்ற காலத்தில் அனைத்து நிரல்களும் , பயனர் மற்றும் கணினிக்கான இடைமுகப்பு சூழலில் உருவாக்கப்பட்டது. இன்றும் கணினி பற்றிய தகவலை உடனடியாக நாம் நாடுவது இந்த கட்டளை பலகையைதான் உதாரணமாக ஒரு கணினியின் IP முகவரி என்னவென்று பார்க்க உடனடியாக கட்டளை பலகை சென்று IPCONFIG என உள்ளிட்டு IP முகவரியினை தெரிந்து கொள்வோம். இதே போல் ஜாவா மொழியினை பயன்படுத்த பல எடிட்டிங் மென்பொருள்கள் வந்திருந்தாலும். 

இன்னும் சிலர் சாதாரணமாக இந்த கட்டளை பலகையின் வழியாகவே இயக்குகிறனர். இவ்வாறு புரோகிராம் மொழிகளை கம்பைல் மற்றும் ரன் செய்ய ஒவ்வொரு முறையும் நாம் குறிப்பிட்ட இருப்பியல்பு தொடக்கத்திற்கு செல்ல வேண்டும். உதாரணமாக ஜாவா நிரலை இயக்க C:\>jdk1.7\bin செல்ல வேண்டும். இதற்கு பதிலாக நாம் இதனை இருப்பியல்பாக செட் செய்து கொண்டால் ஒவ்வொரு முறையும் நாம் தட்டச்சு செய்து இருப்பியல்பு தொடக்கதிற்கு செல்ல வேண்டிய அவசியம் இல்லை.

இருப்பியல்பு தொடக்கத்தை மாற்ற முதலில் ரிஸிஸ்டரி எடிட்டரை ஒப்பன் செய்ய வேண்டும். இதற்கு Run விண்டோவை ஒப்பன் செய்து Regedit.exe என்று உள்ளிட்டு OK பொத்தானை அழுத்தவும். இப்போது ரிஸிஸ்டரி எடிட்டர் ஒப்பன் ஆகும். 

தற்போது ரிஸிஸ்டரி எடிட்டர் ஒப்பன் ஆகும். அதில் கீழ்காணும் வரிசைப்படி ஒப்பன் செய்யவும்.HKEY_CURRENT_USER \ Software \ Microsoft \ Command Processor .பின் Command Processor யை தேர்வு செய்து கொண்டு Edit -> New -> String Value என்ற வரிசையில் தெரிவு செய்யவும்.

அடுத்து உருவாக்கிய String value வினை மறுபெயர் இடவும். Autorun என்று உள்ளிடவும். பின் அதை இரண்டு முறை கிளிக் செய்து அதில் உங்களுக்கு விருப்பமான Directory யை உள்ளிடவும். உதாரணமாக  E: -> APPS  என்று உள்ளிட வேண்டுமெனில் CD /d E:\APPS என்று உள்ளிட்டு OK பொத்தானை அழுத்தவும்.

இப்போது அனைத்து விண்டோக்களையும் மூடிவிட்டு, மீண்டும் கட்டளை பலகையினை ஒப்பன் செய்து பார்க்கவும்.

தற்போது நீங்கள் குறிப்பிட்ட இருப்பியல்பு தொடக்கம் மாற்றப்பட்டு இருக்கும்.

மேலும் வாசிக்க..,

விண்டோஸ் 8 ல் புதிய வசதி - படத்தினை கொண்டு பயனர் கணக்கிற்கு கடவுச்சொல் உருவாக்குதல்

♠ Posted by Kumaresan Rajendran in WINDOWS,Windows - 8

இதற்கு முன் இருந்த விண்டோஸ் இயங்குதளங்களில் எல்லாம் சாதாரணமாக பயனர் கணக்கினை பாதுகாப்புடன் வைத்திருக்க வேண்டுமெனில் கடவுச்சொல்லை கொண்டு பயனர் கணக்கினை காப்போம். அதற்கும் மேலாக என்ன செய்வோம் என்றால் ஒலியினை கொண்டு கடவுச்சொல் உருவாக்குவோம். ஒரு சிலர் மூன்றாம் தர Face Recognition மென்பொருளை பயன்படுத்தி விண்டோஸ் பயனர் கணக்கினை அடைப்போம். தற்போது விண்டோஸ் 8 இயங்குதளத்தில் படத்தினை கொண்டு கடவுச்சொல்லை உருவாக்க வசதி உள்ளது அதனை எவ்வாறு உருவாக்குவது என்று பார்ப்போம். 

முதலில் உங்களுடைய விண்டோஸ் பயனர் கணக்கிற்கு கடவுச்சொல்லை வழக்கம் போல் அதே முறைமையை பயன்படுத்தி உருவாக்கி கொள்ளவும். பின் Control Panel யை ஒப்பன் செய்யவும்.

அதில் User Accounts னை கிளிக் செய்யவும். அடுத்ததாக ஒப்பன் ஆகும் விண்டோவில் Make changes to my account in PC settings என்பதை கிளிக் செய்யவும்.

பின் அடுத்ததாக தோன்றும் விண்டோவில் Create a picture password என்ற பொத்தானை கிளிக் செய்யவும். கிளிக் செய்தவுடன் தோன்றும் விண்டோவில் Choose picture என்ற பட்டியை அழுத்தி விருப்பமான படத்தை தேர்வு செய்யவும்.

பின் அடுத்ததாக தோன்றும் விண்டோவில் Use this picture என்னும் பட்டியை அழுத்தவும். அதில் மூன்று அடையாளங்களை உருவாக்கி கொள்ள முடியும். குறிப்பிட்ட படத்தில் மூன்று இடங்களில் கிளிக் செய்யலாம் , இல்லையெனில் ட்ராக் செய்து விசை குறியீடுகளை உருவாக்கலாம் எப்படி வேண்டுமோ விருப்பபடி இந்த கடவுச்சொல்லை உருவாக்க முடியும். மீண்டும் ஒருமுறை கடவுச்சொல்லை உள்ளிடவும்.

இரண்டு முறை தொடர்ந்து ஒரே மாதிரியாக கடவுச்சொல்லை உள்ளிடவும். அப்போது Start Over 1 2 3 என்று வரிசையாக காட்டும். அதற்கேற்ப கடவுச்சொல்லை உருவாக்கி கொள்ள முடியும்.

தற்போது கடவுச்சொல் உருவாக்கப்பட்டு விட்டது Finish பொத்தானை அழுத்தவும். அவ்வளவுதான் அனைத்து விண்டோவையும் மூடிவிட்டு கணினியை ஒருமுறை மறுதொடக்கம் செய்யவும் தற்போது அந்த படத்தினை கொண்டு கடவுச்சொல் உள்ளிடுமாறு தோன்றும். இவ்வாறு படத்தினை கொண்டு உருவாக்கப்படும் கடவுச்சொல் மறந்தாலும் சாதரணமாக உருவாக்கிய கடவுச்சொல்லை கொண்டும் பயனர் கணக்கில் நுழையலாம்.

மேலும் வாசிக்க..,

விண்டோஸ் 8 ல் - விண்டோஸ் 7 ஸ்டார்ட் பட்டன்

♠ Posted by Kumaresan Rajendran in WINDOWS,Windows - 8

மைக்ரோசாப்ட் அன்மையில் வெளியிட்ட இயங்குதளம் விண்டோஸ்8 ஆகும். இந்த விண்டோஸ் 8 ல் பல்வேறு புதிய அம்சங்கள் உள்ளது. அதில் ஒன்றுதான் ஸ்டார்ட் பட்டன் இது பலருக்கு சிரமத்தை உண்டாக்குகிறது. மேலும் இயங்குதளத்தை பயன்படுத்துகையில் பல குழப்பம் நீடிக்கிறது. இந்த குழப்பங்களை நீக்க ஒரே வழி விண்டோஸ் 7 ல் உள்ளவாறு ஸ்டார்ட் அமைத்தல் மட்டுமே இதுபோன்ற குழப்பங்கள் தீரும். விண்டோஸ் 7 தோற்றத்தில் ஸ்டார்ட் பட்டனை உருவாக்க பல மென்பொருள்கள் உள்ளது அதில் ஒன்றுதான் StartW8, இந்த மென்பொருள் இலவச மென்பொருள் ஆகும்.

மென்பொருளை தரவிறக்க சுட்டி

மென்பொருளை தரவிறக்கி கணினியில் நிறுவிக்கொள்ளவும். பின் ஸ்டார்ட் பட்டன் விண்டோஸ் 7 போல் மாறி இருக்கும். மேலும் பல விருப்ப தேர்வுகளை நமது விருப்பபடி அமைத்துக்கொள்ள முடியும்.

இந்த ஸ்டார்ட் பட்டன் தேவையில்லையெனில் StartW8 மென்பொருளை கணினியில் இருந்து நீக்கிவிட்டால் போதும், மீண்டும் பழைய விண்டோஸ் 8 ஸ்டார்ட் பட்டனை பெற முடியும்.

மேலும் வாசிக்க..,

அவாஸ்ட் இலவச ஆண்டிவைரஸ் தொகுப்பு 8

♠ Posted by Kumaresan Rajendran in அவாஸ்ட்,வைரஸ்

விண்டோஸ் இயங்குதளங்களுக்கு எந்த மென்பொருள் தேவையில்லையென்றாலும் ஆண்டிவைரஸ் கண்டிப்பாக தேவை, ஏனெனில் வைரஸ்களிடம் இருந்து விண்டோஸ் இயங்குதளத்தையும் நம்முடைய கணினியையும் காக்க ஆண்டிவைரஸ் தொகுப்புகள் நம் கணினிக்கு கண்டிப்பாக தேவை, இதுபோன்ற ஆண்டிவைரஸ் தொகுப்புகள் பல இலவசமாகவும், பணம் செலுத்தியும்  பெற்றுக்கொள்ளலாம். இலவசமாக கிடைக்கும் ஆண்டிவைரஸ் தொகுப்புகளில் பிரபலமான ஆண்டிவைரஸ் அவாஸ்ட் ஆகும். இந்த அவாஸ்ட் ஆண்டிவைரஸ் தொகுப்பின் புதிய பதிப்பான 8 வெளியிடப்பட்டது. இந்த புதிய பதிப்பு முந்தைய பதிப்பினை காட்டிலும் அருமையாக உள்ளது.

அவாஸ்ட் 8 பதிவிறக்க சுட்டி

மென்பொருளை சுட்டியில் குறிப்பிட்ட தளத்திலிருந்து பதிவிறக்கம் செய்து உங்கள் கணினியில் நிறுவிக்கொள்ளவும். 105 MB அளவுடையது இணைய இணைப்பு சீராக இருந்தால் பதிவிறக்கம் செய்வது எளிது ஆகும். மென்பொருளை கணினியில் நிறுவிய பின் இந்த அவாஸ்ட் தொகுப்பினை ஒப்பன் செய்யவும்.

இந்த அவாஸ்ட் தொகுப்பின் உதவியுடன் மென்பொருள்களை அப்டேட் செய்து கொள்ள முடியும். மேலும் உலாவிகளை சீர் செய்யவும். தேவையற்ற கோப்புகளை நீக்கவும் முடியும்.

இந்த அவாஸ்ட் 8 தொகுப்புடன் AutoSandbox என்ற வசதி புதியதாக அறிமுகப்படுத்தப்பட்டுள்ளது. இதன் மூலம் எளிதாக மால்வேர்களை கண்டறிந்து நீக்க முடியும். மேலும் அவாஸ்ட் இதன் உதவியுடன் மால்வேர்களை தானகவே நீக்கிவிடும். பல புதிய வசதிகள் இந்த அவாஸ்ட் தொகுப்பில் இணைக்கப்பட்டுள்ளது. 

மேலும் இந்த அவாஸ்ட் 8 தொகுப்பானது விண்டோஸ் 7 மற்றும் 8 இயங்குதளங்களில் பயன்படுத்த முடியும்.

மேலும் வாசிக்க..,

VMware workstation & VirtualBox- ஒரு பார்வை

♠ Posted by Kumaresan Rajendran in Freewares,VMWARE

VMware workstation & VirtualBox பற்றி சிலருக்கு தெருந்திருப்பினும் பலருக்கு இதை பற்றி தெரிந்திருக்க வாய்ப்பில்லை இதை பற்றிதான் இந்த பதிவில் பார்க்க இருகிறோம். VMware workstation என்பது மாயை வன்பொருள்களை ஏற்படுத்தி அவற்றின் உதவியுடன் இயங்குதளத்தை நிறுவி பார்க்க உதவும் மென்பொருள் ஆகும். புதியதாக இயங்குதளங்களை நிறுவ ஆசைபடும் கணினி வல்லுனர்களுக்கு இந்த மென்பொருள் ஒரு வரப்பிரசாதம். மேலும் மாணவர்கள் பலருக்கு தங்களுடைய கணினில் ஒன்றுக்கு மேற்பட்ட இயங்குதளங்களை தாங்கள் கணினியில் நிறுவி பயன்படுத்த வேண்டும் என்ற ஆசை இருக்கும். ஆனால் அவர்களுடைய கணினி அதனை ஆதரிக்க கூடியதாக இருக்காது. இந்த சூழ்நிலையில் இந்த மென்பொருளை பயன்படுத்தி பல்வேறு இயங்குதளங்களை தாங்கள் கணினியில் நிறுவி பயன்படுத்த முடியும்.

மேலும் மாணவர்களுக்கு இயங்குதளங்களை நிறுவ பயிற்ச்சி அளிக்கும் போது இந்த மென்பொருள்களை பயன்படுத்தி எளிமையாக பயிற்ச்சி அளிக்க முடியும்.

VMware workstation பதிவிறக்க சுட்டி

VirtualBox பதிவிறக்க சுட்டி

சுட்டியில் குறிப்பிட்டுள்ள தளங்களுக்கு சென்று மென்பொருள்களை தரவிறக்கி கணினியில் நிறுவிக்கொள்ளவும். இதில் VirtualBox ஒப்பன் சோர்ஸ் மென்பொருள் ஆகும் எனவே இது இலவசமாக கிடைக்கிறது. ஆனால் VMware பணம் செலுத்தினால் மட்டுமே முழுமையாக பெற முடியும். இதில் VMware Workstation யை எவ்வாறு பயன்படுத்துவது என்று பார்ப்போம்.

முதலில் இந்த அப்ளிகேஷனை ஒப்பன் செய்யவும். பின் படத்தில் குறிப்பிட்டுள்ளவாறு செய்யவும்.

 

 

நீங்கள் வழக்கம்போல் கணினில் இயங்குதளத்தை நிறுவி அதற்குள்ளும் மென்பொருள்களை நிறுவி பயன்படுத்த முடியும். இந்த முறைமையை பயன்படுத்தி லினக்ஸ் இயங்குதளங்களையும் நிறுவ முடியும். பயன்படுத்தி பாருங்கள் அருமையான மென்பொருள். இந்த மென்பொருள்களை பயன்படுத்தி நமது தேவைகேற்ப எத்தனை இயங்குதளங்களை வேண்டுமெனினும் நிறுவி பயன்படுத்த முடியும். ஒரு அளவிற்கு மேல் சென்றால் கணினி மந்தமாக செயல்பட தொடங்கிவிடும்.

மேலும் வாசிக்க..,

நெருப்புநரி உலாவியின் பெயரை மாற்றம் செய்ய

♠ Posted by Kumaresan Rajendran in Mozila Firefox

கடந்த மூன்று பதிவுகளுக்கு முன்பு இண்டர்நெட் எக்புளோரர் உலாவியின் பெயரை எவ்வாறு மாற்றம் செய்வது என்று பார்த்தோம். தற்போது நெருப்புநரி உலாவியின் பெயரை எவ்வாறு மாற்றம் செய்வது என்று பார்க்க போகிறோம். நெருப்புநரி உலாவியை பற்றி அதிகம் கூற வேண்டியது இல்லை என நினைக்கிறேன், ஏனெனில் இணைய பயன்பாட்டாளர்கள் பெரும்பாலானோரால் பயன்படுத்தபடுவது இந்த நெருப்புநரி உலாவி ஆகும். உச்சத்தில் இருந்த தனது போட்டியாளரான இண்டர்நெட் எக்ஸ்புளோரரை பின்னுக்கு தள்ளிவிட்டு முன்னேறியது நெருப்புநரி உலாவி ஆகும். இதற்கு மிக முக்கியமான காரணம் மற்ற உலவிகளை காட்டிலும் வேகம் அதிகம் உள்ளது. மேலும் தேவைக்கு அதிகமான Add-ons உள்ளது. இதனை பயன்படுத்தி தேவையான அனைத்து பயன்பாடுகளையும் நிறைவேற்றிக்கொள்ள முடியும். இந்த Add-ons  யை பயன்படுத்திதான் விண்டோ தலைப்பினை மாற்றம் செய்ய போகிறோம்.

Add-ons யை தரவிறக்க சுட்டி

சுட்டியில் குறிப்பிட்ட தளத்திற்கு சென்று, குறிப்பிட்ட Nightly Tester Tools என்ற Add-ons யை நெருப்புநரி உலாவியில் இணைத்துக்கொள்ளவும்.  பின் Tools -> Nightly Tester Tools -> Customize Titlebar என்ற வரிசையில் தேர்வு செய்யவும். 

பின் வரும் விண்டோவில் விருப்பமான பெயரை உள்ளிடவும். நான் TCINFO என்று உள்ளிட்டுள்ளேன்.

பின் OK பொத்தானை அழுத்தவும். அவ்வளவு தான் வேலை முடிந்தது தற்போது நெருப்புநரி உலாவியின் பெயர் மாற்றப்பட்டிருக்கும். மீண்டும் நெருப்புநரி பெயரை இருப்பு நிலைக்கு கொண்டு வர  ${DefaultTitle} என்று உள்ளிட்டால் போதும்.

மாற்றப்பட்டுள்ள நெருப்புநரி உலாவியின் தலைப்பினை மேலே உள்ள படத்தில் காணலாம். மேலும் இந்த Nightly Tester Tools னை கொண்டு ஸ்கிரின்சாட் மற்றும் BuildNumber போன்றவைகளையும் அறிந்து கொள்ள முடியும்.

இண்டர்நெட் எக்ஸ்புளோரர் பெயரை மாற்ற சுட்டி

மேலும் வாசிக்க..,

முகநூல் கணக்கினை முழுவதுமாக நீக்க

♠ Posted by Kumaresan Rajendran in Facebook

முகநூலினை பற்றி அறியாத இணைய பயன்பாட்டாளர்கள் எவரும் இருக்க மாட்டார்கள். அந்த அளவுக்கு புகழ்பெற்றது முகநூல் தளமாகும். தகவல்களை நண்பர்களிடம் பகிர்ந்து கொள்ள கொள்ள பயன்படுவது முகநூல் தளமாகும். தற்போது முகநூல் தளம் தனது போட்டியாளரான கூகுளினை பின்னுக்கு தள்ளிவிட்டு முன்னேறி விட்டது. தற்போது உலக அளவில் அதிக பயனாளர்களை கொண்ட தளமாக உருவெடுத்துள்ளது முகநூல் தளம் ஆகும். இந்த தளத்தில் பகிரப்படும் பகிர்வுகள் பல தவறானவைகளாகவே உள்ளது. மேலும் ஆபாசமான செய்திகளும் அதிகம் பகிரப்படுகிறன. அதற்கும் மேலாக நம்முடைய சுயதகவல்கள் திருடப்படுகிறன என்பது மிகவும் வருத்தம் அளிக்ககூடிய ஒன்றாக உள்ளது இதனால் பலர் தங்களுடைய முகநூல் கணக்கினை நீக்க முடிவு செய்துள்ளனர். முகநூல் கணக்கில் இருந்து விருப்பதேர்வினை பயன்படுத்தி நீக்க முயன்றால் நம்முடைய தகவல்கள் மறைக்கபடுமே தவிற, நம்முடைய கணக்கு முழுமையாக நீக்கப்படமாட்டாது. முகநூல் கணக்கினை முழுமையாக நீக்க கீழ்காணும் வழிமுறையை பின்பற்றவும்.

முகநூல் கணக்கினை முழுமையாக நீக்க சுட்டி

சுட்டியில் குறிப்பிட்ட தளத்திற்கு சென்று முகநூல் பயனர்பெயர் மற்றும் கடவுச்சொல்லை உள்ளிட்டு உள்நுழையவும். பின் மேலே குறிப்பிட்டுள்ள படத்தில் உள்ளவாறு தோன்றும் அதில் Delete my account என்னும் பொத்தானை அழுத்தவும். 

அடுத்ததாக தோன்றும் விண்டோவில் கடவுச்சொல்லை உள்ளிட்டு, பின் கொடுக்கப்பட்டுள்ள அடையாள சொற்களை உள்ளிட்டு OK பொத்தானை அழுத்தவும். அவ்வளவுதான் வேலை முடிந்தது. ஆனால் நீங்கள் முகநூல் கணக்கினை நீக்கும் முன் அதில் உள்ள தகவல்களை நகல் எடுத்து வைத்து கொள்ளவும். நீங்கள் செய்த நாளிலிருந்து 14 நாட்கள் வரை குறிப்பிட்ட முகநூல் கணக்கில் உள்நுழையக்கூடாது. அவ்வாறு இருந்தால் மட்டுமே முகநூல் கணக்கு நீக்கம் செய்யப்படும்.

மேலும் வாசிக்க..,

மென்பொருள்கள் பதிவிறக்கம் - நேரடி தரவிறக்க சுட்டி (DDownloads)

♠ Posted by Kumaresan Rajendran in Freewares

சாதரணமாக் நாம் மென்பொருள்களை பதிவிறக்கம் செய்ய வேண்டுமெனில் ஏதாவது ஒரு வலைமனையில் இருந்து பதிவிறக்கம் செய்வோம். இல்லையெனில் நேரடியாக குறிப்பிட்ட வலைமனைக்கே சென்று அந்த குறிப்பிட்ட மென்பொருளை பதிவிறக்கம் செய்வோம். இதனால் பல்வேறு பட்ட மென்பொருள்களை பதிவிறக்கம் செய்ய நினைப்பவர்களால் சரியாக மென்பொருள்களை பதிவிறக்கம் செய்ய முடியாது. இதனால் கால விரயம் மட்டுமே ஏற்படும். இதுபோன்று ஏற்படும் கால விரயத்தை தடுக்க வேண்டுமெனில் ஒரே வழி மட்டுமே அனைத்து மென்பொருளையும் பதிவிறக்கம் செய்ய குறிப்பிட்ட ஒரு தளத்திலிருந்து பதிவிறக்கம் செய்ய வேண்டும்.  அவ்வாறு இருக்கும் தளத்திலும் ஒரு சில மென்பொருள்கள் கிடைக்காது. இந்த சிக்கலை தீர்க்க DDownloads என்ற மென்பொருள் மூலம் மென்பொருள்களில் நேரடி தரவிறக்க சுட்டியை இலகுவாக பெற முடியும்.

மென்பொருளை தரவிறக்க சுட்டி

மென்பொருளை இணையத்தில் இருந்து பதிவிறக்கம் செய்து பின் அன்ஜிப் செய்துகொள்ளவும். பின் DDownloads எனும் சுருக்குவழியை பயன்படுத்தி ஒப்பன் செய்யம். பின் DDownloads சாளரப்பெட்டி ஒப்பன் ஆகும். அதில் நீங்கள் விரும்பும் மென்பொருள் பிரிவுக்கு சென்று வேண்டிய மென்பொருளை பதிவிறக்கம் செய்து கொள்ள முடியும்.

இந்த அப்ளிகேஷன் உதவியுடன் சிறிய மென்பொருளிலில் இருந்து, இயங்குதளம் வரை நேரிடையாக பதிவிறக்கம் செய்து கொள்ள முடியும். மேலும் போர்ட்டபிள் மென்பொருள்களையும் பதிவிறக்கம் செய்து கொள்ள முடியும். இது ஒரு இலவச மென்பொருள் ஆகும். இந்த மென்பொருள் உதவியுடன் 400+ மேற்பட்ட மென்பொருளை இலகுவாக பதிவிறக்கம் செய்து கொள்ள முடியும்.

மேலும் வாசிக்க..,

விண்டோஸ் டெஸ்க்டாப்பினை லாக் செய்ய

♠ Posted by Kumaresan Rajendran in Freewares,WINDOWS

நாம் அவ்வபோது கணினியில் பணியாற்றிக்கொண்டிருக்கும் போது திடிரென கணினியை விட்டு செல்வோம். அப்போது நம்முடைய கணினியை நண்பர்களோ அல்லது வேறு யாரேனும் நம் கணினியில் உள்ள தகவல்களை பார்த்து விடுவார்களோ என்று நினைத்து நாம் பயம் கொள்வோம். ஏனெனில் நம்முடைய தனிப்பட்ட தகவல்களை அவர்கள் பார்ப்பதால் சில பிரச்சினைகள் எழும். இதனால் நாம் நம்முடைய கணினியை அவசரமாக வெளியே செல்லும் ஒவ்வொரு முறையும் அனைத்து வைக்க வேண்டும். இல்லையெனில் லாக் செய்ய வேண்டும். இதற்கு பதிலாக நம்முடைய கணினியின் டெஸ்க்டாப்பினை லாக் செய்யலாம். இதனால் நம்முடைய கணினியை வேறு எவராலும் அனுக முடியாது.

மென்பொருளை தரவிறக்க சுட்டி

   

மென்பொருளை இணையத்தின் உதவியுடன் பதிவிறக்கி பின் அன்ஜிப் செய்து கொள்ளவும். பின் ScreenBlur என்னும் சுருக்குவிசையை பயன்படுத்தி ஒப்பன் செய்யவும். பின் விரும்பிய கடவுச்சொல்லை உள்ளிடவும். பின் Automation டேப்பினை தேர்வு செய்து நம் விருப்பபடி தேர்வுகளை மாற்றியமைத்துக்கொள்ள முடியும். அதேபோன்று Hotkeys டேப்பில் வேண்டிய சுருக்குவிசைகளை ஏற்படுத்திக்கொள்ள முடியும். டெஸ்க்டாப்பினை லாக் செய்ய , டெஸ்க்டாப்பினை மறைக்க சுருக்கு விசைகளை உருவாக்கி கொள்ள முடியும்.

ScreenBlur மென்பொருளை பயன்படுத்தி கணினியை லாக் செய்தவுடன், டெக்ஸ்க்டாப்பில் இதே போன்று தோன்றும். இந்த லாக்கினை விடுவிக்க வேண்டுமெனில் கடவுச்சொல்லை உள்ளிட்டால் மட்டுமே இந்த ScreenBlur லாக்கில் இருந்து வெளியேற முடியும். விண்டோஸ் கீ மற்றும் L கீகளை ஒருசேர அழுத்தி விண்டோஸ் இயங்குதளத்தை லாக் செய்து கொள்ளவும் முடியும்.

மேலும் வாசிக்க..,

இண்டர்நெட் எக்ஸ்புளோரர் பெயரை மாற்ற

♠ Posted by Kumaresan Rajendran in IE,Tutorials,WINDOWS

இண்டர்நெட் எக்ஸ்புளோரர் உலாவியானது மைக்ரோசாப்ட் நிறுவனத்துடையது என்பது அனைவரும் அறிந்த ஒன்றே, விண்டோஸ் இயங்குதளத்துடன் இருப்பியல்பாகவே இருப்பது இண்டர்நெட் எக்ஸ்புளோரர் உலாவி ஆகும். விண்டோஸ் 7 ல் இண்டர்நெட் எக்ஸ்புளோரர் உலாவி 8 ம், விண்டோஸ் 8 ல் இண்டர்நெட் எக்ஸ்புளோரர் உலாவி 9 ம் இருப்பியல்பாகவே உள்ளது. இந்த இண்டர்நெட் எக்ஸ்புளோரர் உலாவியின் பெயரை பயனாளர்களின் விருப்பபடி மாற்றியமைத்துக்கொள்ள முடியும்.

மேலே இருக்கும் படமானது இருப்பியல்பாக இருக்கும் பெயர் Windows Internet Explorer இதனை மாற்றம் செய்ய வழிமுறைகள்.

முதலில் ரிஸிஸ்டர்  எடிட்டரினை ஒப்பன் செய்யம். இதற்கு விண்டோஸ் பொத்தான் மற்றும் R பொத்தானை ஒரு சேர அழுத்தும் போது. Run விண்டோ ஒப்பன் ஆகும் அதில் regedit என்று டைப் செய்து ஒகே பொத்தானை அழுத்தவும். தற்போது ரிஸிஸ்டர்  எடிட்டர் ஒப்பன் ஆகும்.

அதில் பின் வரும் வரிசைப்படி ஒப்பன் செய்யவும்.  HKEY_CURRENT_USER -> Software -> Microsoft -> Internet Explorer ->Main , பின் Main பட்டையை தேர்வு செய்து. Edit -> New -> String Value என்பதை தேர்வு செய்யவும்.

பின் நீங்கள் உருவாக்கிய String Value வின் பெயரை மாற்றம் செய்ய வேண்டும். இதற்கு சுட்டெலியின் உதவியுடன், வலது கிளிக் செய்து தோன்றும் Context Menu வில் Rename என்பதை தெரிவு செய்து, Window Title என்பதை உள்ளிடவும்.

தற்போது Window Title என்பதை சுட்டெலியின் உதவியுடன் இருமுறை சொடுகி, தோன்றும் விண்டோவில் Value Data என்பதில் உங்களுக்கு விருப்பமான பெயரை உள்ளிடவும். நான் //TCINFO என்று சான்றாக உள்ளிட்டுள்ளேன். நீங்கள் விரும்பிய படி பெயரை மாற்றிக்கொள்ள முடியும். தமிழிலும் மாற்றிக்கொள்ள முடியும். 

அவ்வளவு தான் தற்போது ரிஸிஸ்டர் எடிட்டரை மூடிவிட்டு, இண்டர்நெட் எக்ஸ்புளோரரை ஒப்பன் செய்து பார்க்கவும். தற்போது பெயர் மாற்றம் செய்ய பட்டு இருக்கும்.

இதே முறைமையை பயன்படுத்தி மீண்டும். இண்டர்நெட் எக்ஸ்புளோரர் பெயரை மாற்றியமைத்துக்கொள்ள முடியும். இல்லையெனில் Window Title வரை சென்று அதனை நீக்கி விட்டால் போதும். மீண்டும் எக்ஸ்புளோரர் பழைய நிலைக்கு வந்துவிடும்.

மேலும் வாசிக்க..,

விண்டோஸ் 8 மற்றும் 7 USB பூட்டபிள் பெண்ட்ரைவினை உருவாக்க

♠ Posted by Kumaresan Rajendran in Usb Drives,WINDOWS,Windows - 8,Winxp-Tutorials,விண்டோஸ்-7

கணினியில் இயங்குதளத்தை நிறுவ பல்வேறு வழிகள் இருக்கின்றன, அவற்றில் பெரும்பான்மையாக பயன்படுத்தபடுவது  CD/DVD , USB , ETHERNET,  மூலமாக நிறுவுவதே ஆகும். இவற்றில் நாம் தற்போது அதிகம் பயன்படுத்துவது CD/DVD என்றாலும் கூட, அவற்றை மிஞ்சும் வகையில் தற்போது USB மூலம் இயங்குதளத்தை நிறுவுதல் என்பது அதிகமாகி வருகிறது. USB மூலம் நிறுவ வேண்டுமெனில் நாம் நம்முடைய USBயினை பூட்டபிள் USB யாக மாற்ற வேண்டும். இதற்கு இரண்டு வழி உள்ளது ஒன்று ISO பைலாக உள்ள இயங்குதளத்தை நாம் பூட்டபிள் பைலாக USB யில் மாற்ற வேண்டும். இல்லையெனில் ஏற்கனவே பூட்டபிள் பைலாக சீடியில் உள்ள இயங்குதளத்தை பெண்ட்ரைவிற்கு காப்பி செய்ய வேண்டும் நாம் சாதாரணமாக காப்பி செய்தால் இயங்குதளத்தை நிறுவ முயற்ச்சிக்கும் போது கோளாறு செய்தி ஏற்படும். இதனால் நமக்கு ஏமாற்றமே மிஞ்சும். இதனை சரி செய்ய ஒருவழி உள்ளது சாதாரணமாக காப்பி செய்வதற்கு பதிலாக  Unified Extensible Firmware Interface (UEFI) என்னும் முறைமையை பயன்படுத்தி இயங்குதளத்தை பெண்ட்ரைவிற்கு காப்பி செய்வதன் மூலம் நம்மால் எளிமையாக USB மூலம் இயங்குதளத்தை கணினியில் எளிமையாக நிறுவ முடியும்.

சரி இப்போது  Unified Extensible Firmware Interface (UEFI) முறைமையை பயன்படுத்துவது என்று பார்ப்போம். முதலில் Command Prompt யை ஒப்பன் செய்யவும். இதற்கு Windows key + R பொத்தான்களை ஒரு சேர அழுத்தி தோன்று சாளரப்பெட்டியில் cmd என்று உள்ளிட்டு Ok செய்யவும். 

அடுத்ததாக தோன்றும் விண்டோவில் diskpart என உள்ளிட்டு என்டர் கீயை அழுத்தவும். அப்போது தோன்றும் செய்தியை  படித்துவிட்டு Yes என்று உள்ளிடவும். 

• பின் அடுத்ததாக தோன்றும் விண்டோவில் list disk என்று உள்ளிட்டு என்டர் கீயை அழுத்தவும். அப்போது உங்கள் கணினியில் உள்ள வன்தட்டு மற்றும் பெண்ட்ரைவ் வரிசைப்படுத்தபடும். 
• பிறகு நீங்கள் காப்பி செய்ய வேண்டிய Disk எண்னினை குறித்து வைத்துக்கொள்ளவும்.  என்னுடைய கணினியில் பெண்ட்ரைவானது, Disk 1. என உள்ளது.
• பின்பு select disk 1 என்று உள்ளிட்டு என்டர் கீயை அழுத்தவும்.  அடுத்ததாக பின் வரும் கட்டளைகளை வரிசையாக உள்ளிடவும்.

• clean

• create partition primary

• format fs=fat32 quick label=TC

• active

• assign

• list volume

• exit

மேலே குறிப்பிட்ட கட்டளைகளை ஒன்றன் பின் ஒன்றாக உள்ளிடவும். இதில் format fs=fat32 quick label=TC என்ற கட்டளையில் TC - க்கு பதில் உங்கள் விருப்ப பெயரை பெண்ட்ரைவிற்கு இட்டு கொள்ள முடியும்.

இனி நீங்கள் செய்ய வேண்டியது வழக்கம் போல சீடி மற்றும் டிவிடியில் உள்ள இயங்குதளத்தை பெண்ட்ரைவிற்கு காப்பி செய்தால் போதும். 

அவ்வளவு தான் வேலை முடிந்தது காப்பி செய்து முடித்தவுடன். நீங்கள் பெண்ட்ரைவினை இயங்குதளம் நிறுவுதலுக்கு பயன்படுத்திக்கொள்ள முடியும். மேலும் இதே முறையயை பின்பற்றி ISO பைலை கன்வெர்ட் செய்து Usb யில் ஏற்றிக்கொள்ள முடியும். இதற்கு 7zip உதவுகிறது.

ISO பைல்களை கொண்டு பூட்டபிள் விண்டோஸ்7 மற்றும் 8  ப்ளாஷ்ட்ரைவினை உருவாக்குவற்கான சுட்டி

மேலும் வாசிக்க..,

முகநூல் நண்பர்களை குழுவாக நீக்கம் செய்ய

♠ Posted by Kumaresan Rajendran in Facebook,Mozila Firefox

முகநூலினை பற்றி ஏற்கனவே பலமுறை குறிப்பிட்டுள்ளேன், எனவே முகநூல் பற்றிய முன்னுரை ஏதும் தேவையில்லை என்று நினைக்கிறேன். முகநூல் முதன்முதலில் பயன்படுத்தும் போது நமக்கு முன் அறிமுகம் இல்லாத நண்பர்கள் பலரையும், நண்பர்களாக்கிவிடுவோம் இதற்கு முக்கிய காரணமே நமக்கு இணையத்தை பற்றியும் முகநூல் பற்றியும் முழுமையாக அறிந்திருக்காமை, பிற்காலத்தில் இவை இரண்டையும் சரி வர புரிந்துகொண்டு பயன்படுத்தும் காலத்தில் தேவையற்ற நண்பர்களை நீக்க நிணைப்போம் ஆனால் நம்முடைய முகநூல் கணக்கில் என்னற்ற தேவையற்ற நண்பர்கள் பலர் இருப்பார்கள், இவர்களை நம்முடைய நண்பர்கள் பட்டியலில் இருந்து நீக்கம் செய்ய ஒவ்வொருவராக மட்டுமே நீக்கம் செய்ய முடியும். இதனால் கால விரயமும் மனரீதியான உளைச்சலுமே ஏற்படும். இதுபோன்ற தேவையற்ற நண்பர்களை குழுவாக நீக்கம் செய்ய வழி இருக்கிறதா என்று ஆராய்ந்து பார்த்தேன் ஒரு வழி கிடைத்தது அதனை உங்களிடம் பகிர்ந்து கொள்கிறேன்.

நான் கூறும் இந்த வழிமுறை நெருப்புநரி உலாவிக்கு மட்டுமே பொருந்தும் என்பது குறிப்பிடதக்கது.

முதலில் நெருப்புநரி உலாவியை திறக்கவும், பின் Greasemonkey நீட்சியை நெருப்பு உலாவியில் இணைத்துக்கொள்ளவும்.

 Greasemonkey நீட்சியை நெருப்புநரி உலாவியில் இணைப்பதற்கான சுட்டி

சுட்டியில் குறிப்பிட்ட நீட்சியை நெருப்புநரி உலாவியில் இணைத்த பிறகு ஒரு முறை நெருப்புநரி உலாவியை மறுதொடக்கம் செய்து கொள்ளவும். பிறகு Delete Facebook Friends என்ற பயனர் நீட்சியை நெருப்புநரி உலாவியில் நிறுவ வேண்டும்.

Delete Facebook Friends பயனர் நீட்சியை நெருப்புநரி உலாவியில் இணைப்பதற்கான சுட்டி

 

Delete Facebook Friends பயனர் நீட்சியை நெருப்புநரி உலாவியில் இணைத்தவுடன், 'Mass Facebook Friends Deleter' installed successfully. என்ற அறிவிப்பு செய்தி தோன்றும் அப்போது Ok பொத்தானை அழுத்தவும்.

பின் மீண்டும் ஒரு முறை நெருப்புநரி உலாவியை மறுதொடக்கம் செய்து கொண்டு, உங்களுடைய முகநூல் கணக்கில் உள்நுழையவும். பின் நண்பர்கள் பக்கத்திற்கு செல்லவும். அப்போது நீங்கள் உங்கள் நண்பர்களை குழுவாக நீக்குவதற்கான இணைப்புகளை காண முடியும்.

 

இப்போது உங்களுக்கு தேவையற்ற நண்பர்களை குழுவாக தேர்ந்தெடுத்து நீக்கி கொள்ள முடியும். 

மேலும் வாசிக்க..,