மென்பொருள்கள் பதிவிறக்கம் - நேரடி தரவிறக்க சுட்டி (DDownloads)

♠ Posted by Kumaresan Rajendran in Freewares

சாதரணமாக் நாம் மென்பொருள்களை பதிவிறக்கம் செய்ய வேண்டுமெனில் ஏதாவது ஒரு வலைமனையில் இருந்து பதிவிறக்கம் செய்வோம். இல்லையெனில் நேரடியாக குறிப்பிட்ட வலைமனைக்கே சென்று அந்த குறிப்பிட்ட மென்பொருளை பதிவிறக்கம் செய்வோம். இதனால் பல்வேறு பட்ட மென்பொருள்களை பதிவிறக்கம் செய்ய நினைப்பவர்களால் சரியாக மென்பொருள்களை பதிவிறக்கம் செய்ய முடியாது. இதனால் கால விரயம் மட்டுமே ஏற்படும். இதுபோன்று ஏற்படும் கால விரயத்தை தடுக்க வேண்டுமெனில் ஒரே வழி மட்டுமே அனைத்து மென்பொருளையும் பதிவிறக்கம் செய்ய குறிப்பிட்ட ஒரு தளத்திலிருந்து பதிவிறக்கம் செய்ய வேண்டும்.  அவ்வாறு இருக்கும் தளத்திலும் ஒரு சில மென்பொருள்கள் கிடைக்காது. இந்த சிக்கலை தீர்க்க DDownloads என்ற மென்பொருள் மூலம் மென்பொருள்களில் நேரடி தரவிறக்க சுட்டியை இலகுவாக பெற முடியும்.

மென்பொருளை தரவிறக்க சுட்டி

மென்பொருளை இணையத்தில் இருந்து பதிவிறக்கம் செய்து பின் அன்ஜிப் செய்துகொள்ளவும். பின் DDownloads எனும் சுருக்குவழியை பயன்படுத்தி ஒப்பன் செய்யம். பின் DDownloads சாளரப்பெட்டி ஒப்பன் ஆகும். அதில் நீங்கள் விரும்பும் மென்பொருள் பிரிவுக்கு சென்று வேண்டிய மென்பொருளை பதிவிறக்கம் செய்து கொள்ள முடியும்.

இந்த அப்ளிகேஷன் உதவியுடன் சிறிய மென்பொருளிலில் இருந்து, இயங்குதளம் வரை நேரிடையாக பதிவிறக்கம் செய்து கொள்ள முடியும். மேலும் போர்ட்டபிள் மென்பொருள்களையும் பதிவிறக்கம் செய்து கொள்ள முடியும். இது ஒரு இலவச மென்பொருள் ஆகும். இந்த மென்பொருள் உதவியுடன் 400+ மேற்பட்ட மென்பொருளை இலகுவாக பதிவிறக்கம் செய்து கொள்ள முடியும்.

மேலும் வாசிக்க..,

விண்டோஸ் டெஸ்க்டாப்பினை லாக் செய்ய

♠ Posted by Kumaresan Rajendran in Freewares,WINDOWS

நாம் அவ்வபோது கணினியில் பணியாற்றிக்கொண்டிருக்கும் போது திடிரென கணினியை விட்டு செல்வோம். அப்போது நம்முடைய கணினியை நண்பர்களோ அல்லது வேறு யாரேனும் நம் கணினியில் உள்ள தகவல்களை பார்த்து விடுவார்களோ என்று நினைத்து நாம் பயம் கொள்வோம். ஏனெனில் நம்முடைய தனிப்பட்ட தகவல்களை அவர்கள் பார்ப்பதால் சில பிரச்சினைகள் எழும். இதனால் நாம் நம்முடைய கணினியை அவசரமாக வெளியே செல்லும் ஒவ்வொரு முறையும் அனைத்து வைக்க வேண்டும். இல்லையெனில் லாக் செய்ய வேண்டும். இதற்கு பதிலாக நம்முடைய கணினியின் டெஸ்க்டாப்பினை லாக் செய்யலாம். இதனால் நம்முடைய கணினியை வேறு எவராலும் அனுக முடியாது.

மென்பொருளை தரவிறக்க சுட்டி

   

மென்பொருளை இணையத்தின் உதவியுடன் பதிவிறக்கி பின் அன்ஜிப் செய்து கொள்ளவும். பின் ScreenBlur என்னும் சுருக்குவிசையை பயன்படுத்தி ஒப்பன் செய்யவும். பின் விரும்பிய கடவுச்சொல்லை உள்ளிடவும். பின் Automation டேப்பினை தேர்வு செய்து நம் விருப்பபடி தேர்வுகளை மாற்றியமைத்துக்கொள்ள முடியும். அதேபோன்று Hotkeys டேப்பில் வேண்டிய சுருக்குவிசைகளை ஏற்படுத்திக்கொள்ள முடியும். டெஸ்க்டாப்பினை லாக் செய்ய , டெஸ்க்டாப்பினை மறைக்க சுருக்கு விசைகளை உருவாக்கி கொள்ள முடியும்.

ScreenBlur மென்பொருளை பயன்படுத்தி கணினியை லாக் செய்தவுடன், டெக்ஸ்க்டாப்பில் இதே போன்று தோன்றும். இந்த லாக்கினை விடுவிக்க வேண்டுமெனில் கடவுச்சொல்லை உள்ளிட்டால் மட்டுமே இந்த ScreenBlur லாக்கில் இருந்து வெளியேற முடியும். விண்டோஸ் கீ மற்றும் L கீகளை ஒருசேர அழுத்தி விண்டோஸ் இயங்குதளத்தை லாக் செய்து கொள்ளவும் முடியும்.

மேலும் வாசிக்க..,

இண்டர்நெட் எக்ஸ்புளோரர் பெயரை மாற்ற

♠ Posted by Kumaresan Rajendran in IE,Tutorials,WINDOWS

இண்டர்நெட் எக்ஸ்புளோரர் உலாவியானது மைக்ரோசாப்ட் நிறுவனத்துடையது என்பது அனைவரும் அறிந்த ஒன்றே, விண்டோஸ் இயங்குதளத்துடன் இருப்பியல்பாகவே இருப்பது இண்டர்நெட் எக்ஸ்புளோரர் உலாவி ஆகும். விண்டோஸ் 7 ல் இண்டர்நெட் எக்ஸ்புளோரர் உலாவி 8 ம், விண்டோஸ் 8 ல் இண்டர்நெட் எக்ஸ்புளோரர் உலாவி 9 ம் இருப்பியல்பாகவே உள்ளது. இந்த இண்டர்நெட் எக்ஸ்புளோரர் உலாவியின் பெயரை பயனாளர்களின் விருப்பபடி மாற்றியமைத்துக்கொள்ள முடியும்.

மேலே இருக்கும் படமானது இருப்பியல்பாக இருக்கும் பெயர் Windows Internet Explorer இதனை மாற்றம் செய்ய வழிமுறைகள்.

முதலில் ரிஸிஸ்டர்  எடிட்டரினை ஒப்பன் செய்யம். இதற்கு விண்டோஸ் பொத்தான் மற்றும் R பொத்தானை ஒரு சேர அழுத்தும் போது. Run விண்டோ ஒப்பன் ஆகும் அதில் regedit என்று டைப் செய்து ஒகே பொத்தானை அழுத்தவும். தற்போது ரிஸிஸ்டர்  எடிட்டர் ஒப்பன் ஆகும்.

அதில் பின் வரும் வரிசைப்படி ஒப்பன் செய்யவும்.  HKEY_CURRENT_USER -> Software -> Microsoft -> Internet Explorer ->Main , பின் Main பட்டையை தேர்வு செய்து. Edit -> New -> String Value என்பதை தேர்வு செய்யவும்.

பின் நீங்கள் உருவாக்கிய String Value வின் பெயரை மாற்றம் செய்ய வேண்டும். இதற்கு சுட்டெலியின் உதவியுடன், வலது கிளிக் செய்து தோன்றும் Context Menu வில் Rename என்பதை தெரிவு செய்து, Window Title என்பதை உள்ளிடவும்.

தற்போது Window Title என்பதை சுட்டெலியின் உதவியுடன் இருமுறை சொடுகி, தோன்றும் விண்டோவில் Value Data என்பதில் உங்களுக்கு விருப்பமான பெயரை உள்ளிடவும். நான் //TCINFO என்று சான்றாக உள்ளிட்டுள்ளேன். நீங்கள் விரும்பிய படி பெயரை மாற்றிக்கொள்ள முடியும். தமிழிலும் மாற்றிக்கொள்ள முடியும். 

அவ்வளவு தான் தற்போது ரிஸிஸ்டர் எடிட்டரை மூடிவிட்டு, இண்டர்நெட் எக்ஸ்புளோரரை ஒப்பன் செய்து பார்க்கவும். தற்போது பெயர் மாற்றம் செய்ய பட்டு இருக்கும்.

இதே முறைமையை பயன்படுத்தி மீண்டும். இண்டர்நெட் எக்ஸ்புளோரர் பெயரை மாற்றியமைத்துக்கொள்ள முடியும். இல்லையெனில் Window Title வரை சென்று அதனை நீக்கி விட்டால் போதும். மீண்டும் எக்ஸ்புளோரர் பழைய நிலைக்கு வந்துவிடும்.

மேலும் வாசிக்க..,

விண்டோஸ் 8 மற்றும் 7 USB பூட்டபிள் பெண்ட்ரைவினை உருவாக்க

♠ Posted by Kumaresan Rajendran in Usb Drives,WINDOWS,Windows - 8,Winxp-Tutorials,விண்டோஸ்-7

கணினியில் இயங்குதளத்தை நிறுவ பல்வேறு வழிகள் இருக்கின்றன, அவற்றில் பெரும்பான்மையாக பயன்படுத்தபடுவது  CD/DVD , USB , ETHERNET,  மூலமாக நிறுவுவதே ஆகும். இவற்றில் நாம் தற்போது அதிகம் பயன்படுத்துவது CD/DVD என்றாலும் கூட, அவற்றை மிஞ்சும் வகையில் தற்போது USB மூலம் இயங்குதளத்தை நிறுவுதல் என்பது அதிகமாகி வருகிறது. USB மூலம் நிறுவ வேண்டுமெனில் நாம் நம்முடைய USBயினை பூட்டபிள் USB யாக மாற்ற வேண்டும். இதற்கு இரண்டு வழி உள்ளது ஒன்று ISO பைலாக உள்ள இயங்குதளத்தை நாம் பூட்டபிள் பைலாக USB யில் மாற்ற வேண்டும். இல்லையெனில் ஏற்கனவே பூட்டபிள் பைலாக சீடியில் உள்ள இயங்குதளத்தை பெண்ட்ரைவிற்கு காப்பி செய்ய வேண்டும் நாம் சாதாரணமாக காப்பி செய்தால் இயங்குதளத்தை நிறுவ முயற்ச்சிக்கும் போது கோளாறு செய்தி ஏற்படும். இதனால் நமக்கு ஏமாற்றமே மிஞ்சும். இதனை சரி செய்ய ஒருவழி உள்ளது சாதாரணமாக காப்பி செய்வதற்கு பதிலாக  Unified Extensible Firmware Interface (UEFI) என்னும் முறைமையை பயன்படுத்தி இயங்குதளத்தை பெண்ட்ரைவிற்கு காப்பி செய்வதன் மூலம் நம்மால் எளிமையாக USB மூலம் இயங்குதளத்தை கணினியில் எளிமையாக நிறுவ முடியும்.

சரி இப்போது  Unified Extensible Firmware Interface (UEFI) முறைமையை பயன்படுத்துவது என்று பார்ப்போம். முதலில் Command Prompt யை ஒப்பன் செய்யவும். இதற்கு Windows key + R பொத்தான்களை ஒரு சேர அழுத்தி தோன்று சாளரப்பெட்டியில் cmd என்று உள்ளிட்டு Ok செய்யவும். 

அடுத்ததாக தோன்றும் விண்டோவில் diskpart என உள்ளிட்டு என்டர் கீயை அழுத்தவும். அப்போது தோன்றும் செய்தியை  படித்துவிட்டு Yes என்று உள்ளிடவும். 

• பின் அடுத்ததாக தோன்றும் விண்டோவில் list disk என்று உள்ளிட்டு என்டர் கீயை அழுத்தவும். அப்போது உங்கள் கணினியில் உள்ள வன்தட்டு மற்றும் பெண்ட்ரைவ் வரிசைப்படுத்தபடும். 
• பிறகு நீங்கள் காப்பி செய்ய வேண்டிய Disk எண்னினை குறித்து வைத்துக்கொள்ளவும்.  என்னுடைய கணினியில் பெண்ட்ரைவானது, Disk 1. என உள்ளது.
• பின்பு select disk 1 என்று உள்ளிட்டு என்டர் கீயை அழுத்தவும்.  அடுத்ததாக பின் வரும் கட்டளைகளை வரிசையாக உள்ளிடவும்.

• clean

• create partition primary

• format fs=fat32 quick label=TC

• active

• assign

• list volume

• exit

மேலே குறிப்பிட்ட கட்டளைகளை ஒன்றன் பின் ஒன்றாக உள்ளிடவும். இதில் format fs=fat32 quick label=TC என்ற கட்டளையில் TC - க்கு பதில் உங்கள் விருப்ப பெயரை பெண்ட்ரைவிற்கு இட்டு கொள்ள முடியும்.

இனி நீங்கள் செய்ய வேண்டியது வழக்கம் போல சீடி மற்றும் டிவிடியில் உள்ள இயங்குதளத்தை பெண்ட்ரைவிற்கு காப்பி செய்தால் போதும். 

அவ்வளவு தான் வேலை முடிந்தது காப்பி செய்து முடித்தவுடன். நீங்கள் பெண்ட்ரைவினை இயங்குதளம் நிறுவுதலுக்கு பயன்படுத்திக்கொள்ள முடியும். மேலும் இதே முறையயை பின்பற்றி ISO பைலை கன்வெர்ட் செய்து Usb யில் ஏற்றிக்கொள்ள முடியும். இதற்கு 7zip உதவுகிறது.

ISO பைல்களை கொண்டு பூட்டபிள் விண்டோஸ்7 மற்றும் 8  ப்ளாஷ்ட்ரைவினை உருவாக்குவற்கான சுட்டி

மேலும் வாசிக்க..,

முகநூல் நண்பர்களை குழுவாக நீக்கம் செய்ய

♠ Posted by Kumaresan Rajendran in Facebook,Mozila Firefox

முகநூலினை பற்றி ஏற்கனவே பலமுறை குறிப்பிட்டுள்ளேன், எனவே முகநூல் பற்றிய முன்னுரை ஏதும் தேவையில்லை என்று நினைக்கிறேன். முகநூல் முதன்முதலில் பயன்படுத்தும் போது நமக்கு முன் அறிமுகம் இல்லாத நண்பர்கள் பலரையும், நண்பர்களாக்கிவிடுவோம் இதற்கு முக்கிய காரணமே நமக்கு இணையத்தை பற்றியும் முகநூல் பற்றியும் முழுமையாக அறிந்திருக்காமை, பிற்காலத்தில் இவை இரண்டையும் சரி வர புரிந்துகொண்டு பயன்படுத்தும் காலத்தில் தேவையற்ற நண்பர்களை நீக்க நிணைப்போம் ஆனால் நம்முடைய முகநூல் கணக்கில் என்னற்ற தேவையற்ற நண்பர்கள் பலர் இருப்பார்கள், இவர்களை நம்முடைய நண்பர்கள் பட்டியலில் இருந்து நீக்கம் செய்ய ஒவ்வொருவராக மட்டுமே நீக்கம் செய்ய முடியும். இதனால் கால விரயமும் மனரீதியான உளைச்சலுமே ஏற்படும். இதுபோன்ற தேவையற்ற நண்பர்களை குழுவாக நீக்கம் செய்ய வழி இருக்கிறதா என்று ஆராய்ந்து பார்த்தேன் ஒரு வழி கிடைத்தது அதனை உங்களிடம் பகிர்ந்து கொள்கிறேன்.

நான் கூறும் இந்த வழிமுறை நெருப்புநரி உலாவிக்கு மட்டுமே பொருந்தும் என்பது குறிப்பிடதக்கது.

முதலில் நெருப்புநரி உலாவியை திறக்கவும், பின் Greasemonkey நீட்சியை நெருப்பு உலாவியில் இணைத்துக்கொள்ளவும்.

 Greasemonkey நீட்சியை நெருப்புநரி உலாவியில் இணைப்பதற்கான சுட்டி

சுட்டியில் குறிப்பிட்ட நீட்சியை நெருப்புநரி உலாவியில் இணைத்த பிறகு ஒரு முறை நெருப்புநரி உலாவியை மறுதொடக்கம் செய்து கொள்ளவும். பிறகு Delete Facebook Friends என்ற பயனர் நீட்சியை நெருப்புநரி உலாவியில் நிறுவ வேண்டும்.

Delete Facebook Friends பயனர் நீட்சியை நெருப்புநரி உலாவியில் இணைப்பதற்கான சுட்டி

 

Delete Facebook Friends பயனர் நீட்சியை நெருப்புநரி உலாவியில் இணைத்தவுடன், 'Mass Facebook Friends Deleter' installed successfully. என்ற அறிவிப்பு செய்தி தோன்றும் அப்போது Ok பொத்தானை அழுத்தவும்.

பின் மீண்டும் ஒரு முறை நெருப்புநரி உலாவியை மறுதொடக்கம் செய்து கொண்டு, உங்களுடைய முகநூல் கணக்கில் உள்நுழையவும். பின் நண்பர்கள் பக்கத்திற்கு செல்லவும். அப்போது நீங்கள் உங்கள் நண்பர்களை குழுவாக நீக்குவதற்கான இணைப்புகளை காண முடியும்.

 

இப்போது உங்களுக்கு தேவையற்ற நண்பர்களை குழுவாக தேர்ந்தெடுத்து நீக்கி கொள்ள முடியும். 

மேலும் வாசிக்க..,

இலவசமாக மின் புத்தகங்களை பதிவிறக்கம் செய்ய முதன்மையான ஐந்து தளங்கள்

♠ Posted by Kumaresan Rajendran in PDF,மின் புத்தகம்

  

      கணினி துறை சம்பந்தமான மின் இதழ்கள் பல உள்ளன, அவற்றில் பலவும் விலை அதிகமானவை இதுபோன்ற அனைத்து இதழ்களையும் நம்மால் விலை கொடுத்து வாங்கி பயன்படுத்த முடியாது. இதுபோன்ற நிலையில் நாம் இதழ்களை படிக்க வேண்டுமெனில் ஒன்று நூலகத்திலோ அல்லது நண்பர்களிடம் கடனாகவோ வாங்கிதான் படிக்க வேண்டும். சில நேரங்களில் இவை சாத்தியமாகும் ஆனால் இவை எப்போதும் நடப்பது சாத்தியமற்றது. இது போன்ற நிலையில் நாம் என்ன செய்யலாம் என்றால் இணையத்தின் உதவியுடன் அனைத்து விதமான மின் புத்தகங்களையும் இலவசமாக  தரவிறக்கம் செய்து பயன்படுத்திக் கொள்ள முடியும்.  அதற்கு பல்வேறு தளங்கள் உதவி செய்கிறன. 

     கணினி துறை சார்ந்த மின்புத்தகங்கள் மட்டுமல்லாது அனைத்து விதமான மின்புத்தகங்களையும் பதிவிறக்கம் செய்து கொள்ள முடியும். ஆனால் இலவசமாக தரவிறக்கம் செய்வதால் சில குறிப்பிட்ட நிபந்தனைகளுக்கு உட்பட்டு பதிவிறக்கம் செய்ய வேண்டி வரும். அதாவது 1 மணி நேரத்திற்கு ஒரு பதிவிறக்கம், வேகம் குறைவான பதிவிறக்கம் போன்று, ஒரே நேரத்தில் ஒன்றுக்கு மேற்பட்ட புத்தகங்களை பதிவிறக்கம் செய்ய முடியாமை போன்ற ஒரு சில பிரச்சினைகள் எழுக்கூடும். எனினும் குறிப்பிட்ட சில தொகையை செலுத்தினால் மேலே குறிப்பிட்ட எந்த பிரச்சினையும் இல்லை. 

     பணம் செலுத்தி பதிவிறக்கம் செய்ய முடியாதோர் இலவசமாகவே பதிவிறக்கம் செய்து கொள்ளலாம். இலவசமாக மின் புத்தகங்களை பதிவிறக்கம் செய்ய சிறந்த முதன்மையான ஐந்து தளங்கள்.

1)PDF giant

     இந்த தளத்திலிருந்து ஆங்கிலம், ப்ரென்ஞ், இத்தாலி, ஜெர்மன் போன்ற மின் இதழ்களையும் பதிவிறக்கம் செய்து கொள்ள முடியும்.  இந்த தளத்தில் பயனர் வசதிகேற்ப வகைப்படுத்த பட்டுள்ளன. அவற்றை பயன்படுத்தி பயனர்கள் இலவசமாக மின் புத்தகங்களை பதிவிறக்கம் செய்து கொள்ள முடியும்.

கணினி துறை மின்புத்தகங்களை பதிவிறக்கம் செய்ய சுட்டி

2)Magazines Download - All in PDF

    இந்த தளத்தின் சிறப்பே வகைவாரியாக வரிசைப்படுத்தி உள்ளதுதான், மேலும் புத்தகங்களை அவ்வபோது பதிவேற்றம் செய்து கொண்டே இருப்பர்.

கணினி துறை மின்புத்தகங்களை பதிவிறக்கம் செய்ய சுட்டி

3)Magazine Time

     அன்மை மின் புத்தகங்களை பதிவிறக்கம் செய்ய உதவுகிறது, மற்ற தளங்களில் உள்ளது போன்றே இந்த தளத்திலும் உள்ளது. வகைகள் மற்றும் பதிவிறக்கம் செய்வதற்கான சுட்டிகள் அனைத்தும்.

கணினி துறை மின்புத்தகங்களை பதிவிறக்கம் செய்ய சுட்டி

4)WorldMags

     சிறப்பான தளம் கணினி மின்புத்தகங்களும் மற்ற மின் புத்தகங்களையும் பதிவிறக்கம் செய்து கொள்ள முடியும். 

கணினி துறை மின்புத்தகங்களை பதிவிறக்கம் செய்ய சுட்டி

5)PremioMag

     இலவசமாக மின்புத்தகங்களை பதிவிறக்கம் செய்ய மற்றுமொரு தளம், நன்றாக உள்ளது பயன்படுத்தி பார்க்கவும்.

கணினி துறை மின்புத்தகங்களை பதிவிறக்கம் செய்ய சுட்டி

மேலும் இந்த தளங்கள் போன்றே இன்னும் பல்வேறு தளங்கள் உள்ளன. இவையாவும் மின் புத்தகங்களை இலவசமாக பதிவிறக்கம் செய்து கொள்ள முடியும்.

மேலும் வாசிக்க..,

உங்களுடைய கூகுள் கணக்கு உருவாக்கப்பட்டது எப்போது

♠ Posted by Kumaresan Rajendran in GOOGLE,Tips-டிப்ஸ்

உங்களுக்கு தெரியுமா, உங்களுடைய கூகுள் கணக்கு எப்போது உருவாக்கப்பட்டது எப்போது என்று, ஒவ்வொருவருக்கும் தன்னுடைய பிறந்தநாள் எப்போது என்று கேட்டால் சொல்லிவிடுவார்கள் ஆனால் அவர்களுடைய கூகுள் கணக்கு எப்போது உருவாக்கப்பட்டது என்றால் அவர்களால் சொல்ல முடியாது, ஏனென்றால் இதனை யாரும் ஒரு பொருட்டாக நினைப்பதில்லை ஏதோ ஒரு காரணத்திற்காக கூகுள் கணக்கினை உருவாக்கியிருப்போம். பின் அதே கணக்கினை அனைத்து கூகுள் சம்பந்தமான அனைத்து சேவைகளையும் பெற பயன்படுத்துவோம். இவ்வாறு நாம் பயன்படுத்தும் கூகுள் கணக்கானது எப்போது உருவாக்கப்பட்டது என்றால் அது நமக்கு தெரியாது. சரி கூகுள் கணக்கு உருவாக்கப்பட்டது எப்போது என்று கண்டறிய வழி இருக்கிறதா என்றால், இருக்கிறது என்றே கூறலாம். சரி ஏன் இந்த கூகுள் கணக்கு உருவாக்கப்பட்ட நாள் நமக்கு தெரிய வேண்டும், நம்முடைய கடவுச்சொல் மறக்கும்போது அதனை மீண்டும் பெற கூகுள் கணக்கு உருவாக்கப்பட்டதேதி மிகவும் அவசியம் ஆகும்.

இதனை கண்டறிய முதலில் Google Takeaway பக்கத்திற்கு செல்லவும். இதற்கான சுட்டி. பின் Transfer your Google+ connections to another account என்னும் சுட்டியை கிளிக் செய்யவும்.

பின் உங்களுடைய பயனர்பெயர் மற்றும் கடவுச்சொல்லை உள்ளிடவும். அடுத்ததாக தோன்றும் விண்டோவில் உங்களுடைய கூகுள் கணக்கு எப்போது உருவாக்கப்பட்டது என்ற விவரம் காண்பிக்கப்படும்.

மேலும் வாசிக்க..,

கூகுள் புத்தகங்களை பதிவிறக்கம் செய்ய மென்பொருள்

♠ Posted by Kumaresan Rajendran in GOOGLE

மின்னனு புத்தகங்கள் பெரும்பாலும் பதிவிறக்கம் செய்ய அனைவரும் நாடுவது கூகுள் தளம் ஆகும். இந்த தளத்தில் உள்ள மின்னனு புத்தகங்களை பதிவிறக்கம் செய்ய எந்த ஒரு இணைப்பு சுட்டியும் இருக்காது. எனவே இந்த புத்தகங்களை நம்மால் பதிவிறக்கம் செய்ய முடியாது. கணிப்பொறி வாயிலாக காண முடியுமே தவிர பதிவிறக்கம் செய்ய முடியாது. எனினும் இந்த புத்தகங்களை விலைகொடுத்து வாங்கி கொள்ள முடியும். இதனை இலவசமாக பெற முடியாத என்றால், ஏன் முடியாது, முடியும். அதற்கு ஒரு இலவச Google Books Downloader மென்பொருள் உள்ளது. இந்த மென்பொருள் மூலமாக கூகுள் புத்தகங்களை இலவசமாகவே பதிவிறக்கம் செய்து கொள்ள முடியும். இது ஒரு இலவச மென்பொருள் ஆகும்.

மென்பொருளை தரவிறக்க சுட்டி

சுட்டியில் குறிப்பிட்ட மென்பொருளை இணையத்தின் உதவியுடன் பதிவிறக்கம் செய்து கணினியில் நிறுவிக்கொள்ளவும். பின் ஒரு முறை கணினியை மறுதொடக்கம் செய்து கொள்ளவும். பின் இந்த Google Books Downloader மென்பொருளை ஒப்பன் செய்து பதிவிறக்கம் செய்ய வேண்டிய புத்தகத்தின் முகவரியை குறிப்பிட்டு, குறிப்பிட்ட புத்தகமானது எந்த இடத்தில் சேமிக்க வேண்டும் என்பதை தேர்ந்தெடுத்து, பின் Download Book as PDF, Download Book as Image என்ற பொத்தான்களை அழுத்தி கூகுள் புத்தகத்தினை தரவிறக்கம் செய்து கொள்ளலாம்.

பின் சிலமணி நேரங்களில் நீங்கள் குறிப்பிட்ட புத்தகமானது, நீங்கள் குறிப்பிட்ட பைல் பார்மெட்டில், குறிப்பிட்ட இடத்தில் தரவிறக்கம் செய்யப்பட்டு இருக்கும்.

மேலும் வாசிக்க..,

MS ஆப்பிஸ் டாக்குமெண்ட்களை டேப் வடிவில் திறக்க

♠ Posted by Kumaresan Rajendran in Freewares,MS-OFFICE

எம்.எஸ் ஆப்பிஸ் பதிப்புகளான வேர்ட், எக்சல், பவர் பாயிண்ட் போன்ற பதிப்புகளை சாதாரணமாக பயன்படுத்தும் போது, ஒவ்வொறு பதிப்பினை பயன்படுத்தும் போது தனித்தனியே திறந்து பயன்படுத்துவோம். உதாரணமாக வேர்ட் பதிப்பில் இரண்டு கோப்புகளை உருவாக்க வேண்டுமெனில் தனித்தனியே ஒப்பன் செய்து உருவாக்குவோம். இதற்கு பதிலாய் ஒரே பதிப்பில் இருந்து கொண்டே பல்வேறு கோப்புகளை உருவாக்க முடியும்.  சாதாரணமாக ஆப்பிஸ் கோப்புகளை கையாளும் போது அதனை நாம் தனித்தனியாக மட்டுமே ஒப்பன் செய்து பயன்படுத்துவோம். அதற்கு பதிலாக உலாவிகளில்(Browser) போன்று ஒவ்வொரு கோப்புகளையும் டேப் வடிவில் திறக்க முடியும். இதற்கு Office Tap என்னும் சிறிய மென்பொருள் உதவி செய்கிறது.

மென்பொருளை தரவிறக்கம் செய்ய சுட்டி

மென்பொருளை இணையத்தின் உதவியுடன் கணினியில் தரவிறக்கம் செய்து நிறுவிக்கொள்ளவும். பின் இந்த மென்பொருளை ஒப்பன் செய்து நம் விருப்பபடி மாற்றங்கள் செய்து கொள்ள முடியும்.

நமக்கு ஏற்றபடி மாற்றங்களை செய்து கொள்ள முடியும். மேலும் இந்த மென்பொருள் எம்.எஸ் ஆப்பிஸ் தொகுப்புகளான 2003,2007 மற்றும் 2010 ஆகிய தொகுப்புகளை ஆதரிக்க கூடியது ஆகும். மேலும் இந்த மென்பொருள் இலவச மென்பொருள் ஆகும். இந்த மென்பொருள் மூலம் வேர்ட், எக்சல் மற்றும் பவர்பாயிண்ட் போன்ற கோப்புகளையும் டேப் வடிவில் திறக்க முடியும்.

மேலும் வாசிக்க..,

அனைத்து வீடியோக்களையும் தரவிறக்கம் செய்ய ஒரே மென்பொருள்

♠ Posted by Kumaresan Rajendran in Freewares,வீடியோ

தற்போதைய காலகட்டத்தில் எந்த ஒரு செய்தியையும் தெளிவாக பார்க்க வேண்டுமெனில் அது வீடியோவாக இருப்பின் சிறப்பாக இருக்கும். அவ்வாறு உள்ள வீடியோக்களை இணையத்தின் உதவியுடன் காண முடியும்.  அவ்வாறு காணும் வீடியோக்களை பதிவிறக்கம் செய்வது என்பது கடினமான செயல் ஆகும். வீடியோக்களை காண நாம் அனைவரும் அதிகமாக அனுகுவது யூடியூப் தளம் ஆகும். இதுபோன்று இன்னும் பல்வேறு தளங்கள் உள்ளன. இதுபோன்ற வீடியோ தளங்களில் இருந்து வீடியோக்களை தரவிறக்கம் செய்ய ஒருசில மென்பொருள்கள் சந்தையில் கிடைக்கிறன. அவற்றில் முக்கியமான மென்பொருள் vDownloader ஆகும்.

மென்பொருளை தரவிறக்கம் செய்ய சுட்டி

இந்த மென்பொருளை இணையத்தின் உதவியுடன் தரவிறக்கி உங்கள் கணினியில் நிறுவிக்கொள்ளவும். பின் இந்த மென்பொருளை ஒப்பன் செய்து வீடியோவின் முகவரியை (URL) உள்ளிடவும். பின் நீங்கள் குறிப்பிட்ட வீடியோவானது தரவிறக்கம் ஆகும். சில மணி நேரங்களில் வீடியோவானது தரவிறக்கம் செய்யப்பட்டு விடும். இந்த மென்பொருள் அதரிக்க கூடிய தளங்களில் சில குறிப்பிடதக்க தளங்கள்.

மேலே குறிப்பிடப்பட்டுள்ள தளங்களில் உள்ள வீடியோக்களை எளிமையாக  தரவிறக்கம் செய்து கொள்ள இந்த மென்பொருள் உதவி செய்கிறது. இது ஒரு இலவச மென்பொருள் ஆகும்.

மேலும் வாசிக்க..,

இமேஜ் பைலை வேர்ட் பைலாக கன்வெர்ட் செய்ய

♠ Posted by Kumaresan Rajendran in Freewares,ஆன்லைன்,படங்கள்

நம்மிடம் இருக்கும் டாக்குமெண்ட்களை ஸ்கேன் செய்து வைத்திருப்போம், அதில் நாம் ஒரு சில எழுத்தையோ அல்லது வார்த்தையையோ மாற்ற வேண்டி இருக்கும். அவ்வாறு மாற்ற வேண்டிய டாக்குமெண்டை எளிமையாக மாற்ற முடியும். இதனை நாம் போட்டோசாப் அல்லது வேறு எதாவது போட்டோ எடிட்டிங் மென்பொருள் துணைகொண்டு மட்டுமே மாற்றுவோம் இதற்கு பதிலாக, இமேஜ் பைலை வேர்ட் அல்லது டெக்ஸ்ட் பைலாக மாற்றிக்கொள்ள முடியும். இவ்வாறு இமேஜ் பைலை வேர்ட் பைலாக ஆன்லைனிலேயே மாற்றம் செய்ய சுட்டி. இவ்வாறு செய்வதற்கு இணைய இணைப்பு கண்டிப்பாக தேவை இணைய இணைப்பு இல்லாமல் செய்ய ஒரு மென்பொருள் உதவி செய்கிறது. இந்த மென்பொருள் மூலமாக எளிதாக இமேஜ் பைலை வேர்ட் பைலாக மாற்ற முடியும்.

மென்பொருளை தரவிறக்க சுட்டி

சுட்டியில் குறிப்பிட்ட தளத்திற்கு சென்று மென்பொருளை தரவிறக்கம் செய்து பின் உங்கள் கணினியில் நிறுவிக்கொள்ளவும். பின் இந்த மென்பொருளை ஒப்பன் செய்து குறிப்பிட்ட படத்தினை ஒப்பன் செய்யவும். பின் OCR என்னும் பொதியை அழுத்தவும். அந்த படமானது டெக்ஸ்ட் பைலாக மாற்றப்பட்டுவிடும். பின் Export Text into Microsoft Word என்னும் பொதியை அழுத்தி நேரிடையாகவே வேர்டில் தரவேற்றம் செய்து கொள்ள முடியும்.

மேலும் இந்த OCR to Word மென்பொருள் மூலமாகவே ஸ்கேன் செய்து வேர்ட் பைலாகவும் மாற்றிக்கொள்ள முடியும். இது ஒரு இலவச மென்பொருள் ஆகும்.

இந்த மென்பொருள் மூலமாக எளிமையாக இமேஜ் பைல்களை வேர்ட் பைலாக மாற்றிக்கொள்ள முடியும். இணைய இணைப்பு ஏதும் தேவை இல்லை.

மேலும் வாசிக்க..,

படங்களில் உள்ள வாட்டர்மார்க்கினை நீக்க

♠ Posted by Kumaresan Rajendran in Giveway,புகைப்படம்

படங்களை மெறுகேற்றவும், படங்களில் உள்ள குறைபாடுகளை நீக்கவும். அனைவரும் கையாளும் மென்பொருள் போட்டோசாப் ஆகும். இதில் அனைத்து போட்டோ தொடர்பான வேலைகளையும் விரைந்து செய்ய முடியும். இந்த மென்பொருளின் மூலம் ஒரு சில நேரங்களில் சிறிய வேலைகளை கூட செய்ய அதிக நேரம் ஆகும். உதாரணமாக டிஜிட்டல் கேமரா மூலம் எடுக்கும் படங்களில் தேதி இருக்கும். இதனை படத்திலிருந்து நீக்க வேண்டுமெனில் நாம் எதாவது ஒரு மூன்றாம் தர போட்டோ எடிட்டிங் மென்பொருளின் உதவியை நாடி செல்ல வேண்டும். இதுபோன்று உள்ள வாட்டர்மார்க்குகளையும், தேவையற்ற படங்களையும் நீக்க ஒரு அருமையான மென்பொருள் ஒன்று உள்ளது. அதுதான் Inpaint என்னும் மென்பொருள் ஆகும். அது தற்போது இலவசமாக கிடைக்கிறது.

மென்பொருளுக்கான லைசன்ஸ் கீயை இலவசமாக பெற சுட்டி

கூகுள் ட்ரான்ஸ்லேட்டர் மூலம் ட்ரான்ஸ்லேட் செய்யப்பட்ட லைசன்ஸ் கீயை இலவசமாக பெற சுட்டி

சுட்டியில் குறிப்பிட்ட தளத்திற்கு சென்று, உங்களுடைய தகவல்களை உள்ளிட்டு Absenden என்னும் பொத்தானை அழுத்தவும். அரைமணி நேரத்திற்குள் கடவுச்சொல்லுக்கான சுட்டி உங்கள் மின்னஞ்சலை வந்து சேரும். 

மேலே உள்ள படம் போல் உங்களுக்கும் ஒரு மின்னஞ்சல் கிடைக்கும். அதில் கொடுக்கப்பட்டுள்ள சுட்டியை அழுத்தி லைசன்ஸ் கீயை குறித்து வைத்துக்கொள்ளவும். பின் In paint மென்பொருளை தரவிறக்கி கணினியில் நிறுவிக்கொள்ளவும். 

Inpaint மென்பொருளை தரவிறக்க சுட்டி

லைசன்ஸ் கீயை பயன்படுத்தி மென்பொருளை உங்கள் கணினியில் முழுமையாக நிறுவிக்கொள்ளவும். பின் ஒரு முறை கணினியை மறுதொடக்கம் செய்து இந்த மென்பொருளை ஒப்பன் செய்யவும். பின் எந்த படத்தை மாற்றம் செய்ய வேண்டுமோ அதனை தேர்வு செய்து, குறிப்பிட்ட பகுதியினை மட்டும் தேர்வு செய்து அழிக்கவும். அந்த இடத்தில் எந்த வித மாற்றமும் இல்லாமல் முன் இருந்தபடியே அழகாக இருக்கும்.

இதுபோல் பல்வேறு மாற்றங்களை இந்த மென்பொருளின் துணையுடன் செய்ய முடியும். இந்த மென்பொருள் தற்போது இலவசமாக கிடைக்கிறது. இந்த மென்பொருளை குறிப்பிட்ட நாட்கள் வரை மட்டுமே இலவசமாக பெற்றுக்கொள்ள முடியும்.

மேலும் வாசிக்க..,

இலவச வீடியோ கன்வெர்ட்டர் - விண்டோஸ் மற்றும் மேக் இயங்குதளங்களுக்கு

♠ Posted by Kumaresan Rajendran in Conversion,Freewares,மொபைல்

முன்பெல்லாம் நாம் எதாவது ஒரு பொருளை வாங்கினால் அவற்றை பற்றிய விளக்க குறிப்பு(Catalog) அச்சுவடிவில் இருக்கும். ஆனால் தற்போது விளக்ககுறிப்புகள் சீடி/டிவீடி மூலம் வீடியோவாக வருகிறது. இவ்வாறு உள்ள வீடியோக்களை நாம் மீடியா பிளேயர்களின் உதவியுடன் மட்டுமே காண முடியும். ஆனால் அதுபோன்ற வீடியோக்களை நம்முடைய மொபைல் போன்களில் காண வேண்டுமெனில் குறிப்பிட்ட வீடியோவினை கன்வெர்ட் செய்தால் மட்டுமே முடியும். அதற்கு உதவும் இலவச மென்பொருள்தான் WonTube Free Video Converter. வீடியோ பைலானது பல்வேறு பார்மெட்களில் இருக்கும். இன்றைய சூழ்நிலையில் அனைவரும் எந்த ஒரு வீடியோவையும்  மொபைல் போனில் எடுத்துச்செல்லவே விரும்புவர், ஆனால் ஒரு சில வீடியோக்களை மொபைல் போன்களில் காண முடியாது. அவ்வாறு உள்ள வீடியோக்களை கணினியின் துணையுடன் கன்வெர்ட் செய்து அவற்றை நம் மொபைல் போன்களில் காண முடியும். நாம் சாதாரணமாக கணினியில் கன்வெர்ட் செய்ய இயலாது எதாவது ஒரு மென்பொருளில் உதவியுடன் மட்டுமே கன்வெர்ட் செய்ய இயலும்.

மென்பொருளை தரவிறக்க சுட்டி

மென்பொருளை சுட்டியில் குறிப்பிட்ட தளத்திற்கு சென்று  மென்பொருளை பதிவிறக்கி கணினியில் நிறுவிக்கொள்ளவும். பின் ஒரு முறை கணினியை மறுதொடக்கம் செய்து கொண்டு பின் இந்த WonTube Free Video Converter மென்பொருளை ஒப்பன் செய்யவும். அதில் குறிப்பிட்ட வீடியோவை உள்ளினைத்து விரும்பிய பார்மெட்டில் கன்வெர்ட் செய்து கொள்ள முடியும். மேலும் நேரடியாக ஆன்லைனில் இருந்தும் பதிவிறக்கி பின் கன்வெர்ட் செய்து கொள்ள முடியும்.

இந்த மென்பொருள் தற்போது மேக் மற்றும் விண்டோஸ் இயங்குதளங்களுக்கு தனித்தனியே கிடைக்கிறது. இதனை பதிவிறக்கம் செய்து கொள்ள முடியும். நம்முடைய மொபைல் போன்களுக்கு ஏற்றவாறு மிகவும் எளிமையாக கன்வெர்ட் செய்து கொள்ள இந்த மென்பொருள் உதவி செய்கிறது.

மேலும் வாசிக்க..,